Nafarroako Gobernuak apustu etxeei emandako tratu mesedegarria kritikatu dute
Koronabirusaren pandemiak eragindako egoeraren aurrean ezarritako neurrietan, Nafarroako Gobernuak apustu etxeekin izan duen malgutasuna kritikatu dute Iruñerriko apustu etxeen aurkako plataformen koordinakundeak eta Aralar ludopatiaren prebentziorako elkarteak.
Apustu etxeen aurkako plataformak eta Aralar ludopatiari laguntza eta prebentzioa emateko elkartea, ez daude batere ados koronabirusaren pandemiak eragindako egoeraren harira ezarri diren neurri murriztaileetan Nafarroako Gobernuak apustu etxeekin erakutsi duen "malgutasunarekin". Izan ere, pandemiari eusteko ezarritako azken neurri murriztaileetan, ostalaritzako establezimenduen barrualdeak ezin dira erabili baina erabilgarri daude apustu-aretoek dituzten barruko zerbitzuak.
Nafarroako Gobernuak onartutako dekretuan, ostalaritza-establezimenduen barnealdea erabiltzea debekatzen den bitartean, apustuak edo txanpon-makinak erabiltzea baimentzen dela jakinarazi dute elkarteek. "Nekez uler daiteke, osasunaren ikuspegitik, mota horretako makinak bezalako kutsadura-iturri bat, gehienetan erabilera bakoitzaren ondoren garbitzen ez dena, askotan taldean erabiltzen dena eta ostalaritza-jarduerarekin zuzenean lotuta ez dagoena, salbuespen gisa ezartzea. Baina kezka handia sortzen digu, halaber, salbuespen hori ezartzean, administrazioa herritarrei mezu bat helarazten aritzea, mendekotasun-arrisku ugari dakartzan jarduera bat hutsaltzen duena. Apustua egitea ez da funtsezko jarduera", salatu dute ludopatiaren prebentziorako taldeek eta elkarteek.
Apustu-aretoei barrualdeak erabiltzeko aukera ematen zaie, eta, kolektibo horien arabera, mota horretako lokalen barruan kontrol publikotik kanpo dauden jarduerak egiten dira batzuetan (adingabeak sartzea, kasu). Azpimarratu dutenez, gehienak "leku itxiak dira, kalean ikuspenik ez dutenak, ezkutukoak", eta zalantzan jartzen dute higiene- eta garbiketa-neurriak betetzen ote diren (maskara erabiltzea eta segurtasun-distantziak betetzea, adibidez), bai eta barruko kontsumoa beteko ote den ere.
"Ez dakigu sektore boteretsu hau presioa egiten ari ote den, baina ez dugu ulertzen Nafarroako Gobernuak ematen dion tratu mesedegarria. Administrazioak neurri horiek zuzentzeko eta jokoaren, bizitzaren eta herritarren osasunaren interes ekonomikoen gainetik jartzeko eskatzen dugu", esan dute komunikabideetara bidalitako prentsa oharrean.
Letoniako Olybet apustu etxearen izena ez da Osasunako jokalarien kamisetetan agertuko, ezta, besteren artean, estadioko euskarri fisikoetan edo telebista-iragarkietan ere, jokoaren sektoreko enpresen publizitatea arautzeko Espainiako Gobernuak onartutako dekretua dela-eta.
Joko arriskutsua goiz antzemateko eta prebenitzeko gidaliburua gazteei eta haien ingurukoei zuzendurik dago. "Jokoarekin lotutako arazoak edozein pertsonak izan ditzake, baina, bereziki, eurak dira kolektibo kaltebera", Eusko Jaurlaritzaren hitzetan.
Indarrean sartu da Eusko Jaurlaritzak eginiko jokoaren lege berria EAEn. Aurrerantzean, apustu etxeek ikastetxeetatik gutxienez 150 metrora egon beharko dute, eta bi joko aretoren artean 500 metroko distantzia errespetatu beharko dute.
Lau ataletan sailka daitezkeen aldaketak egingo ditu datorren hiruhilekoan Eusko Jaurlaritzak jokoaren erregulazioan: aretoen arteko eta ikastetxeekiko distantziak mugatuko dira, baita areto kopurua ere, horietara sarbidea kontrolatuko da, eta publizitarearekin lotutako... [+]
Haritik Hirira lantaldeak agerian utzi du apustu etxeen eta horien kokalekuaren arteko harremana, auzo batzuen eta besteen arteko bereizketa nabarmenarekin; horiek mugatu eta arautzeko beharraz ohartarazi dute Asajer errehabilitazioan diren Arabako jokalarien elkartetik.
Abuztuaren 31tik aurrera, jokoaren sektoreko enpresen publizitatea arautzeko Espainiako Gobernuak onartutako dekretua dela eta, telebista edota irratiek soilik goizeko 1:00ak eta 5:00ak bitartean emititu ahal izango dituzte enpresa horien iragarkiak. Zuzeneko kirol emanaldietan,... [+]
Hainbat ikerketak ondorioztatu duena berretsi du Bristoleko Unibertsitateak: Auzune pobreenetan askoz ere apustu-etxe gehiago dago zonalde aberatsagoetan baino. Gobernuz kanpoko erakundeek ohartarazi dute menpekotasuna duten 500 gaztek egiten dutela bere buruaz beste urtean.
Ostegun goizean egindako polizia-operazioa salatu eta atxilotutako lagunei babesa eta elkartasuna adierazi diete Sopelan arrastian batutako 200 pertsonak baino gehiagok. Atxilotutako hiru gazteak aske gelditu dira arrastian.
Dirudienez, atxiloketek lotura daukate joko aretoen aurkako jardunarekin. Ostegun arratsaldean mobilizazioa deitu dute, atxiloketak gaitzesteko.
Iruñeko Sanduzelai auzoko ikastetxe publikoko lehen hezkuntzako 6. mailako ikasleek kalejira egin zuten pasa den ostiralean, apustu etxeen kontrako kolektiboarekin elkarlanean, ludopatiaren arriskuez ohartarazteko. Hainbat guraso eta auzokidek ere parte hartu zuten.
Egun joko areto bakarra dago ibarrean, Sarrigurenen. Aurrerantzean ezinen da halako gunerik ezarri mila biztanlerik beherako herrietan. Aho batez onartu du udalak ordenantza.
Arrigorriko joko-aretoak egin duen hedakuntza dela eta, fenomeno horregaz arduratuta dagoen sopeloztar herritar talde batek erabaki du horien aurkako ekimena antolatzea. Beraien asmoa da herritarrei erakustea areto horien kalteak eta, erabiltzaileak kriminalizatu beharrean,... [+]
Sopelako Arrigorri joko-aretoak 108,49 metro koadro du gaur egun, eta 229,16 metro koadrora handituko dute, ondoko lokala hartuta, Sopela.net-ek jaso duenez.
Ausazko joko eta kirol-apustuen publizitatea geroz eta mugatuagoa dagoenean, on-line jokoaren kontsumoak gora egin du alarma-egoerak baldintzatutako hilabeteotan.
