Disko bikoitza eta liburuxka kaleratuko ditu Katakrakek 10. urteurrenaren harira
Katakrakek urteotan kaleratu dituen hamabi liburutan oinarriturik, hamabost abesti sortu dituzte hainbat artistek. Astelehenean zabalduko dituzte lehen bi kantak, Ibil Bedi eta Los Chikos del Maíz taldearenak.
2023ko abenduan hamar urte beteko ditu Iruñeko Katakrakek. Ostatu, liburutegi eta ikuskizunetarako areto batekin hasi zen proiektuari laugarren hanka sortu zitzaion 2016an: argitaletxea. Urteotan kaleratu dituzte makina bat liburu, eta horietako hamabi hartuta, tesiak aztertu eta letrak abestietara ekarri dituzte. Hamabost abesti original sortu dituzte hainbat artistek, eta astelehen gauean hasiko da argia ikusten lehen bi abestiak plataformetan zabalduta.
Hau dena du izena proiektuak: LP bikoitza oinarri, 24 orriko libretoa osagarri –abestien letrekin euskaraz eta gazteleraz–, Katakraken lerro editorialeko testutxoa ere opari, eta hiru argazkilarik grabazioetan eginiko irudiak ikusgarri. Katakrakeko areto nagusian grabatu dituzte ia kanta guztiak, "ezohiko estudio inprobisatu batean, ezohiko dinamikekin".
Abestiez gainera, disko bikoitzak hamabost audio berezitu dauzka, Katakraken artxibategitik hautatuak, eta kantuen arteko loturak horien bitartez egingo dira. Diskoan soilik entzun ahalko dira.
Luxemburg eta Randall
Rosa Luxemburg eta Dave Randall autoreen lanetan oinarrituta, Ibil Bedi-ko nafarrek eta Los Chikos del Maíz-eko valentziarrek kanta bana egin dute, Anelidoak lehenak eta 1520 Sedgwick Avenue bigarrenak.
Ibil Bedik disko berriaren biran aurkeztu du abestia, Katakrakek prestatutako bideo honetan ikus daitekeenez. Los Chikos del Maíz taldeak, bestalde, dagoeneko argitaratu du kantaren bideoklipa eta hiru eguneko epean milaka ikustaldi izan ditu.
Aurresalmenta, zabalik
Azaroaren 14ra arte disko bikoitza erosteko aurresalmenta abian jarri du Katakrakek, nahiz ordurako ez dituzten kanta guztiak entzungai jarriko. Azaroaren amaiera partera sareratuko dituzte denak, eta azaroaren 14a baino lehen, lau abesti baino ez. Sorpresa bere horretan mantenduko da beraz, nahiz eta zabaldu dituzten hainbat iruditan antzeman daitekeen Fermin Muguruza edota J Martina aritu direla proiektuaren atzean.
Lehen bi kantak urriaren 30etik 31rako gauerdian jarriko dituzte entzungai.
Iruñea ez da oso handia, baina Beñat Iturbek elkarrizketarako lekua hautatu duen arte ez dut jakin institutu berean ikasi genuela. Madril eta Iruñea artean bizi da, han hemen baino gehiago, oraingoz. Etxera egin duen bisita bat probestu dut harekin... [+]
Izenburua aski argia da: Zuzi iraxegia. Euskal emakume idazleak eta literatura klasikoa (TZ, 2025). Eta 300 orrialdeko liburu mardulean, XIV. mendeaz gero gurean izan diren emakume idazleen gainean jardun du, irakasleari dagozkion azalpenak emanez bezainbat, testu klasikorik... [+]
Hainbatetan esan izan didate arkitektoen lanaren gauzarik indartsuena dela ekoizten duguna betikotu egiten dela. Eraikinaren betikotasunak gizakiaren presentzia tenporala gainditzen duela eta geroko etorkizunean iraunkor egingo gaituela. Eta liburu batekin gertatzen ez den... [+]
Apirilaren 24an, ETB1ean, jendeak aspalditik eskatzen zuen programa eredu bat estreinatuko da: Linbo, late night formatuko ordubete inguruko saioa, gazteek eta gazteentzat egina.
Irurtzunen jokatu da Nafarroako Eskolarteko Txapelketaren 39. edizioa. Sei bertsolari gaztek hartu dute parte txapelketan, eta horietatik, Arantzako Kattin Madariagak jantzi du txapela. Txapeldunorde, berriz, Kattalin Lizarraga izan da. Biak izanen dira Nafarroako ordezkari... [+]
89 urterekin hil da, Liman, eta idazle perutarraren seme-alabek eman dute haren heriotzaren berri. Gaztelaniazko literaturaren egilerik ospetsuenetakoa izan zen, eta 1960ko eta 1970eko hamarkadetan Latinoamerikan literaturak izan zuen loraldian paper garrantzitsua jokatu zuen... [+]
Euskal Herriko Kontseilu Sozialistak (EHKS) antolatuta, egun osoko jardunaldia egin dute igandean, Bilboko Campos Eliseos antzokian. Hainbat hitzaldik osatu dute egitaraua, eta jardnualdia amaitzeko Bigarrenez Aresti etorkizunaren aurrean antzezlana estreinatu dute.
Hainbat lorpen kolektiboan soilik egin daitezkeela esaten denean, lerro artean joan ohi da behin kolektiboan pentsatu, gogoetatu eta eztabaidatu ondotik heldu ohi direla, heltzekotan. Baina zerbait lortzeko, ezinbestekoa da pentsatzen jartzea. Ez baitira gauzak besterik gabe... [+]
"Eskatu txanda eta egingo dugu bat zurekin", esan dio estudioetatik ari den esatari prestu eta animatuak Bilboko kaleetan dabilen berriemaile gazteari. Aurkezlea entzuleei zuzendu zaie segituan. "Bien bitartean, Iruñera goaz...". Han zabaldu dute linea... [+]
Aposapo + Mäte + Daño Dolor
Noiz: apirilaren 5ean.
Non: Markina-Xemeingo Akerbeltz Gaztetxean.
---------------------------------------------------------
Erosketetarako orgatxoa barazkiz beteta egin dut gaztetxerako bidea, eta haiek mozten eman dugu iluntzea... [+]
Gipuzkoako Euskal Pilota Federazioak 100 urte betetzen ditu aurten. Ospatzeko antolatu dituen ekitaldien artean dago apirilaren 12an Zumarragan egingo den bertso saio berezia. Pilotari bat arituko da gai-jartzen, eta pilotarekin harremana duten Gipuzkoako lau bertsolari kantuan... [+]