Lorpen txikien handitasuna
Ekainean, Euskaragileak enpresa batzordearen azken bileran, jakin nuen Elay Taldeak euskara hutsez aurkeztu zituela 2022ko ekitaldiari dagozkion kontu bateratuak eta kudeaketa txostena, auditoretza independentearen txostenarekin batera, Estatuko Erregistro Merkantilean. Urteko kontuen gordailutzeari dagokionez, autonomia erkidego bakoitzeko berezko hizkuntza koofizialetara itzulitako eredu normalizatuak daude. Orain arte, bi hizkuntzetan aurkezteko aukera zegoen eta, zalantza kasuetan, gaztelerazko bertsioak zeukan balioa. Berriki jakin dugu kontuak euskara hutsez egin eta erregistratzea lortu duela.
Elay Taldea, Euskaragileak enpresa batzordea osatzen duten gainerako enpresak bezala, aitzindaria da. Enpresen euskalduntzean aurreratuta dabiltzan eta euskararen erabilera normalizatua duten Euskal Herriko zenbait enpresa ezagunek osatzen dute Bai Euskarari Elkarteak kudeatzen duen batzordea (Batz, Cikautxo, DanobatGroup, Eika, Elay, Elkar, Fagor Taldea, Goizper Group, IMH, Irizar, Mondragon, MU eta Orkli). Hainbat proiektu eta eredu sortu dute gainerako enpresen eskura jartzeko. Bide urratzaileak izanik, gainerako enpresek euskararen kudeaketa erosoagoa izatea ahalbidetzen dute.
Kontu auditatuak Erregistro Merkantilaren aurrean euskara hutsez aurkezteak txikikeria ematen du, baina orain arte ez du beste inork egin
Kontu auditatuak Erregistro Merkantilaren aurrean euskara hutsez aurkezteak txikikeria ematen du, baina orain arte ez du beste inork egin. Ohikoa izan beharko litzateke, baina aurten lortu da estreinakoz, eta horretara iristeko bi oztopo aipatu nahi ditut. Bata, estatuko administrazioaren aurrean aurkeztu beharreko dokumentua dela. Euskaraz lan egiten duten entitateek ez dute beti lortzen administrazioekiko tramite guztiak euskaraz burutzea edo-eta dokumentazio guztia euskaraz jasotzea, eta estatuko administrazioarekin are zailtasun gehiago izaten dira. Eta bigarrena, aurretik, kontuak euskaraz egiten lagunduko zien hornitzaile egoki bat aurkitu behar izan dutela. Alegia, enpresa batek euskaraz lan egiteko erabakia hartuta ere, maiz zailtasunak egon ohi dira zenbait eremutako hornitzaileek euskaraz eroso aritzeko aukera bermatu behar dutelako. Pentsa, bestela, zenbat hornitzaile behar izaten duen edozein enpresak: aholkularitza ekonomikoa, komunikazio zerbitzua, kontu ikuskariak, mediku azterketa egiten duena, aholkularitza informatikoa, datuen babesekoa, etab. Hornitzaile horien guztien hizkuntza jarduerak baldintzatzen du enpresak euskaraz funtzionatu ahal izatea.
Hizkuntzek protagonismo handia dute lan munduan, bistan denez, baina hizkuntzez apenas hitz egiten da, nahiz eta modu ageriagoko batez agertu beharko liratekeen ekimen enpresarialak kudeatzen dituztenen artean. Normala edo ohikoa baita gazteleraz (edo frantsesez) burutzea prozesuak. Hizkuntzen aldagaiari erreparatu behar zaio, ezinbestean. Beharrezkoa da bidea erraztea, ekimen enpresarial baten sorreratik beretik, edozein izapide euskaraz eroso burutu ahal izateko. Horregatik, albiste handia da era honetako lorpen bat, bidea irekitzen baitie euskaraz lan egiten duten gainerako enpresei.
Rober Gutiérrez, Bai Euskarari Elkartearen zuzendaria
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Beharbada ez duzu jakingo nor den Donald Berwick, edo zergaitik aipatzen dudan artikuluaren izenburuan. Gauza bera gertatzen zaie, agerikoa da, abian den Osasun Itunean parte hartzen ari diren gehienei. Ez dakite zer den Berwicken Helburu Hirukoitza, are gutxiago eredu hau... [+]
Aurreko egunetan Larraitz Ugarte abokatuak idatzitako La motosierra puede ser tentadora artikuluak zeresan handia eman du sektore zabal batean. Administrazio publikoaren barruan ohikoak diren egoera batzuk mahai gainean jartzen ditu, tartean efizientzia falta, ardura eta kontrol... [+]
Garrantzitsua al da hizkuntza bat zuzen erabiltzea? Zer puntutaraino da hain beharrezkoa gramatika menderatzea edo hiztegi zabal bat edukitzea? Betidanik entzun izan ohi dut hizkuntzaren garrantzia, baina pentsatzen jarri ostean, ondorio batera iritsi naiz. Pentsatzeak askotan... [+]
Aspaldian bisitatzen ez nuen eta hainbertze gustatzen zitzaidan leku batera joan nintzen aurrekoan. Bertan nengoela, gustura sentitu nintzen eta zera pentsatu nuen: hau da nire leku kuttuna. Kuttuna, kuttuna, kuttuna; hitza jira eta biraka etxerako bidean. Kuriositateak jota... [+]
Nerabeek eta gazteek, ibilbide akademikoan zehar, behin baino gehiagotan jasoko dute lagungarria izango zaien ikasketetarako edo-eta lanbiderako orientabidea. Gidaritza eskaini behar zaie, zalantzez beterik egon ohi baitira erabaki garrantzitsuak hartu behar dituzten bakoitzean,... [+]
Gure hizkuntzaren aurkako beste eraso bat jasan behar izan dugu Nafarroako Gobernuko Hezkuntza Departamentuaren eskutik; PAI programan euskararen aurkako aldaketa bat egitera behartu gaituzte. Azken urteotan, legeak hala aginduta, D ereduko ikastetxe berriek PAI programa sartu... [+]
Hezkuntza publikoko irakasleok hamabost urtetan berriztu gabeko lan-hitzarmena eguneratzeko eta hobetzeko beharra eta eskubidea dugu. Horretarako, benetako negoziazio batean murgilduta egon beharko genuke, baina errealitatea negargarria da. Negoziazio batean, alde oro ados... [+]
Badira bi aste beste behin makroproiektuei kaleetan oposizio argi bat erakutsi geniela. Milaka eta milaka pertsona atera ginen kalera dinamika suntsitzaile honek amaitu behar duela aldarrikatzera. Bada, dirudienez horrek ez du lurraren suntsiketaren aldeko politikarietan inolako... [+]
Duela aste batzuk, Diputazio kalean, Gasteizko erdigunean, bi gizonek etxerik gabeko pertsona bat bota zuten lo egiten zuen lokalaren kanpoaldeko eskailera-buru txikitik. Bota ez ezik, berehala metalezko baranda bat ere jarri zuten lonjaren aurrean. Lokala luzaroan hutsik egon... [+]
Hizkuntzakeriatik edo glotofobiatik eta, zer esanik ez, euskararen aurkako gorrototik, askotan ikusi izan dugu gure euskara makila guztien zahagi bihurturik. Azkena, Anton Arriola Kutxabankeko presidentea ibili zaigu makilakari lanetan gure hizkuntzari astindu eta makilakada... [+]
Ez dezazuela lotura hau Ezkiotik bilatu, ez eta Altsasutik ere, are gutxiago Ebro ibaia Castejonetik zeharkatuz. Euskal Yaren eta Nafarroako AHTaren arteko lotura, edo hobeto esanda, loturak, dagoeneko errealitate bat dira. Pluralean dauden lotura horiexek dira kezkatu beharko... [+]
Ez atera zalapartarik, ez konfrontatu, ez biktimizatu... eta obeditu. Subjektu zapaldu gisa, kasu honetan euskaldun gisa, mintzo gara, zenbatetan entzun behar izan ditugu halakoak? Ironiaz, honelaxe esan zuen, duela bi urte, Euskaltzale Independentiston Topaketan, Amets... [+]
Aurten "Israel Premier Tech" txirrindularitza talde israeldarra ez da Lizarraldeko Miguel Indurain Sari Nagusia lasterketara etorriko. Berri ona da hori Palestinaren askapenaren alde gaudenontzat eta munstro sionistarekin harreman oro etetea nahi dugunontzat, izan... [+]
Intsumituek denbora luzez egindako borroka gogorra eta mingarria izan zen, baina irabazi zuten, eta garaipen hura behin betikoa izango zela uste genuen, atzera bueltarik gabea. Baina badirudi, politikari batzuen ahotik aterata, eskalada militaristari gorazarre egin eta berriz... [+]
Punto Bobo liburuaren irakurketan murgilduta, Itxaso Martin Zapirain egilearen Eromena, Azpimemoria eta Isiltasunak Idazten ikerketa lanean sentitu nuen egiazkotasun eta maila etikoarekin egin dut berriz ere topo. Eta hortaz, hara bueltatu. “Oihu izateko jaio zen isiltasun... [+]