Lorentxa Beyrie preso politikoa askatu dute
Bihar egingo diote ongi etorri ofiziala Kanbon, eguerdiko 14:00etan. Bestalde, aste honetan lekualdatu dituzten preso politikoen berri eman du Etxeratek, eta Espainiako Espetxe Erakundeek beste hiru mugimendu iragarri dituzte.
2001eko abenduan atxilotu zuen polizia frantsesak Beyrie, Juan Ramon Karasatorre, Jose Ramon Lete eta Miren Orkolagarekin batera. 27 urteko espetxe zigorra ezarri zioten eta gaur utzi dute aske, 20 urte kartzelan eman ostean, zigor osoa beteta.
Hainbat aldiz eskatu du baldintzapeko askatasuna baina aldiro ukatu diote, azkena 2019an. Roanneko kartzelatik atera da gaur eta Euskal Herria iristean egin diote lehen harrera. Bihar egingo diote ongi etorri ofiziala, Kanbon, arratsaldeko 14:00etan, Suprefeturaren eta Kanboko herriko etxearen baimenarekin.
Heldu da Lorentxa Beyrie Euskal Herrira. 20 urte espetxean eman ondoren Baiona eta Kanbo arteko biribilguneak jendez bete dira lehen harrera egiteko. Suprefeturak eta Kanboko udalak baimendurik ongi etorri ekitaldia bihar bere herrian. Bideoegilea: Juan Salazar. pic.twitter.com/hm36BxfYlk
— Maite Ubiria (@Maite_Ubiria) April 30, 2021
Bi Euskal Herriratze eta hurbiltze bat iragarrita
Espainiako Espetxe Erakundeek iragarri dutenez, bi euskal preso politiko ekarriko dituzte Euskal Herriko kartzeletara, eta bat hurbilduko dute. Aurken Sola Burgosko kartzelarik (215 km) Iruñekora ekarriko dute, eta Irkus Badillo, aldiz, Foncalentetik (745 km) Basaurira. Gainera, Badillo 3. gradura pasatuko dute. Bestalde, Mikel San Sebastian Murtzia II kartzelatik (820 km) Soriakora (260 km) lekualdatuko dute.
Mugimenduak
Etxeratek jakinarazi duenez, azken astean zenbait lekualdaketa ere egin dituzte. Fernando Elejalde Tapia preso donostiarra Puerto I espetxetik (1.020 km) Leoneko (370 km) espetxera eraman dute, Juan Carlos Besance Zugasti billabonatarra, Huelvako espetxetik (1.000 km) Dueñaseko espetxera (310 km), Garikoitz Etxeberria Goikoetxea lizartzarra ere Sevillako espetxetik (990 km) Dueñaseko espetxera (310 km) lekualdatu dute. Lezoko presoa den Lorenzo Aiestaran Legorburu, Villenako (700 km) espetxetik Soriako espetxera (260 km) lekualdatu dute. Bea Etxebarria bilbotarra Aranjuezeko espetxetik (520 km) El Duesoko (170 km) espetxera eraman dute. Ordiziako Idoia Mendizabal Mujika, aldiz, Picassenteko espetxetik (600 km) Iruñeko espetxera ekarri dute.
Horrenbestez, Puerto I kartzelan euskal preso politikorik geratzen ez dela adierazi du Etxeratek.
Hamahiru urte pasa ditu preso Atristainek, iragan abendutik hirugarren graduan zegoen eta martxoaz geroztik zigorra etxean betetzen ari zen kontrol telematikoarekin.
ETAko presoek espetxetik ateratzen direnean, egindako mina onartzeaz gain, "eragindako kaltea injustua" izan zela aitor dezaten lan egingo du Jaurlaritzak, María Jesús San José sailburu sozialistaren arabera.
Plataforma herritarrak gaur egun arte lortutakoaren balioa nabarmendu du, eta adierazi du gizarteak “bultzada bat” eman behar duela “oraindik erbestean eta deportazioan daudenak” etxeratzeko. Etorkizuneko belaunaldiei gizarte hobeago bat uzteko garrantzia... [+]
Bi edizio baino ez zaizkio geratzen elkartasun jaialdiari. Antolakuntzak iragarri bezala, ohiko jaialdia eginen dute abenduaren 28an, eta 2025eko uztailean lau eguneko jaialdi berezi baten ostean, agur esateko une gazi-gozoa helduko da. Aritz Colio Hatortxuko antolakuntzako... [+]
2024ko abenduan eta 2025eko uztailean egingo dituzte euskal preso politiko, iheslari eta deportatuekiko elkartasuna ardatz duen musika jaialdiaren azken bi edizioak. “Hatortxu badoa, baina erreminta berriei bide emateko”.
Palestinako umeek ere galdera hori buruan ote duten pentsatu dut gure liburua eskuartean dudala. Zenbat lo falta ote diren genozidioa amaitzeko. Zenbat haur hil ote behar dituen oraindik Israel estatu sionistak munduko estatuen konplizitatearekin.
Beraien amei luzatuko ote... [+]
Torturatu zuten Iratxe Sorzabal presoa eta haren ama ditu protagonista Bi arnas dokumentalak. Duela bi urte abiaturiko prozesua borobiltzeko ekitaldia egin dute eta bide horretan lortutako etekin ekonomikoak bi elkarteri eman dizkiote: Harrera eta Axut! Ekitaldiak une... [+]
Espetxe eskaera AVT biktimen elkarteak egin du eta, horren bidez, presoen ongi-etorriak antolatzeaz akusatutako sei pertsonari bederatzi urteko espetxe zigorra eskatzen zaie.
Badira sei-zazpi urte kartzelan dauden presoek euskara ikasteko duten eskubidea bermatzeko helburuarekin, lanean aritu den euskara-irakasleen sare bat: Presoen Euskara Irakasleen Taldea.
Espainiako Auzitegi Nazionaleko Manuel Carcía Castellón epaileak sei pertsona epaituko ditu Ongietorrien auzian: Antton López Ruiz Kubati, Kai Saez de Egilaz, Pipe San Epifanio, Haimar Altuna, Oihana Garmendia eta Oihana San Vicente. Guztiak Sortuko kideak... [+]
Astelehenean jakinarazi du albistea Etxerat elkarteak. Otxandioko preso politikoa baldintzapeko askatasunean zegoen 2023ko martxoaz geroztik.
Kontzertuen bidez euskal preso eta iheslariak laguntzea da xedea. Aurten, Rakatapunk, Xutik eta Esne Beltza dira egitarauan.