Loraldia 2021, “Sormenari zor”, kulturarako 20 egun Bilbon
Loraldia Festibalaren zazpigarren edizioa asteartean hasi da, martxoak 9, eta hilaren 28a bitartean ospatuko da. Bilboko euskarazko kulturaren jaialdiaren edizio honetako lema Sormenari zor da. 19 egunez, diziplina artistiko guztiak, produkzio berriak eta estreinaldiak aurkeztuko dituzte. Bilboko 13 gune euskararen plaza bilakatuko dira.
Aurreko urteetan bezala, aurten ere askotariko diziplina eta formatuak: Antzerkia, dantza, musika, literatura, zinema, artea eta bertsolaritza presente izango dira. Berrikuntza moduan, edizio honetan rol jokoak eta kabareta ere gehitu dira programara.
Jaialdiko ikuskizunek edukiera mugatua izango dute aurten halabeharrez. Ahal den neurrian konpentsatzeko, bi ikuskizun berezi esperientzia digital bezala antolatu dira, Loraldiaren webgunetik zein EITBrenetik ikusiko dira.
Bata izango da Errimak Bi Oinetan bertso eta dantza ikuskizuna, Haatik Dantza Konpainiak antolatua. Martxoaren 17an 18.30etan Azkuna zentroan eta digitalki. Eta bestea, Bozak musika ikuskizuna, martxoaren 20an Guggenheimen eta sareetan. Olatz Salvador eta Idoia musikariekin, Maddalen Arzallus solasaldiaren aurkezle, eta gonbidatu parea online, Itziar Ituño eta Ane Labaka.
Ondorengo egunetarako egitaraua
Gaur, hilak 10, Haizea Martiartu Markinako saxo jotzaile gazteak gidatutako Folketik Jazzera Ensemble-aren kontzertua izango da Arriaga Antzokian arratsaldeko 19:00etan. Aldapeko, Agate Deuna, Oskorriren Aita-Semeak eta Mikel Laboaren Txoria Txori besteak beste, jazz eremura eramango dituzte bederatzi musikari hauek.
Martxoaren 11n, Beñat Gaztelumendik, Xabier San Sebastianek, Joserra Senperenak, Quico Pugèsek Xabier Lete omenduko dute Loreak eta zauriak emanaldiaren bidez Arriagan arratsaldeko 19:00etan.
Ostiralean Zetak taldeak Zeinen ederra izango den diskoaren ikuskizuna plazaratuko du Arriagako eszenatokian.
Larunbatean, hilak 13, Euskal dantza: tradizio garaikidea? online mahai-ingurua egingo dute Pantxika Telleriak, Oier Araolazak, Patxi Labordak eta Aiert Beobidek 15:30ean. Egun berean, Elirale dantza konpainiak Pantxika Telleriaren koreografia eskainiko du Azkuna Zentroan 12:30ean eta 18:00etan. Azkenik, 18:30ean, Zura eta hura izeneko argazki-proiekzioa, hitzaldia eta idazleen irakurraldia eskainiko dute Itsas Museoan.
Martxoaren 14an, AztiHitza komikiaren inguruko marrazkiak eta jolasak egingo dituzte Agustin Xaho idazlea omentzeko asmoz. Horrekin batera, irakurketa dramatizatua egingo dute musika eta kantua emanez. Itsas Museoan egingo da 12:30ean.
Loratuko da Bilbo eta itzuliko da euskara zazpi edo hamazazpi kale estu zalapartatsuetan oihartzun egitera, eta zabalduko da zabalguneetara eta luzatuko da auzorik auzo, Otxarkoagaraino eta harantzago. Udaberria helduko zaio gure hizkuntzari mendeetako neguaren ondoren. Udaberri... [+]
Euskal kultura garaikidearen Loraldia jaialdiaren antolatzaileek “balorazio guztiz baikorra” egin dute amaitu berri den aurtengo edizioari buruz. Jarduerak mugarik gabe egin ahal izan dituzte atzera ere, eta festibalak izandako kalitate artistikoa azpimarratu dute.
Loraldia Festibalak Bilboko Verdes liburudendako azken kudeatzaileei omenaldia eskainiko die martxoaren 24an Arriaga Antzokian, Loraldia Festibalaren 5. edizioaren baitan.
Astearte goizean aurkeztu da Loraldia Festibalaren bosgarren edizioa, "Sentikariz blai!" lemapean.
Dabilen harriari so. Azukre koxkorrak Ruper Ordorikarentzat ikuskizunaren kronika. Martxoaren 14an, Bilboko Kafe Antzokian. Loraldiaren baitako ekitaldia.
Loraldia Festibala amaitu eta "erabateko arrakasta"-tzat jo dute antolatzaileek. Bost astetan Bilbo "euskarazko sormenaren erdigune" bihurtu dela azpimarratu dute, bai eta ikuslegoaren harrera ona ere. Ikuskizun gehienetan eserleku-kopuruaren %80 baino... [+]
Loraldia Festibalaren barruan, martxoaren 16an Lutxo Egia idazleak eta Mikel Inunziaga musikariak eskainitako
Hiri hori da hiri hau emanaldiaren kronika.
René Le Henaff zuzendariak hiru dimentsioen teknikarekin esperimentatzeko Euskal Herrian grabatu zuen filma aurkitu du Josu Martinez zinegile eta ikerlari bilbotarrak. Euskadi filmaren lau emanaldi egingo dituzte martxoan, Bilbon, Iruñean, Donostian eta Baionan.
Euskal kulturaren udaberriko hitzordua hastear da Bilbon. 30 emanaldi eta 150 sortzaile baino gehiago bilduko ditu 32 egunetan. “Berritzailea eta bizigarria” egiteko asmoa dute antolatzaileek.
Euskal kultura ikustaraztea da festibalaren helburua. Apirilaren 9tik 24ra hamaika ekitaldi izango da Bilboko hainbat txokotan.
Loraldia. Noiz: apirilaren 23tik 26ra. Non: Bilbo. Webgunea: Loraldia.eus