Lope de Vegako eraikinak eraistearen aurkako borrokak indarra erakutsi du Getxoko Itzubaltzeta/Romon
Itzubaltzeta/Romoko Lope de Vega kaleko 12 zenbakian dauden eraikinak babestearen aldeko plataformak deituta, auzokideek manifestazio jendetsua egin zuten domekan. "Berriro ere, argi geratu da auzoa eraikin hauen kontserbazioaren alde dagoela, Getxoko Udalak eta Bizkaiko Foru Aldundiak behin eta berriz hori ukatu duten arren", azpimarratu zuten manifestariek.
Igandeko manifestazioa Lope de Vega kaleko 12 zenbakiko eraikinak babestearen aldeko beste urrats bat izan da. Deitzaileek gogoratu dutenez, azken urteotan milaka izan dira mugimendu horren alde egin duten gizon-emakumeak: "Horren erakusgarri dira, besteak beste, egindako sinadura-bilketak, kalejirak, elkarretaratzeak, manifestazioak eta joan den maiatzaren 8an egindako herri-galdeketa". Hori dela eta, uste dute "argi" gelditu dela auzokideek eraikinok zaintzearen aldeko "apustua" egiten dutela. Hala, azpiegitura horiek eraisteko asmoa bertan behera utz dezatela eskatu diote berriro ere tokiko EAJri eta PSE-EEri: "Ezin da auzo baten eta bertako biztanleen duintasunarekin eta historiarekin jolastu; gure ondarea da, gure historia da, gure nortasuna da".
Getxoko Udalak joan den otsailaren 7an utzi zituen Itzubaltzeta/Romoko eraikin horiek Bizkaiko Foru Aldundiaren esku, higiezin horretan belaunaldien arteko zentro berria eraikitzeko lanak martxan jar ditzan. Izan ere, gobernu-taldeak gogoratu duenez, bi erakundeek hitzarmena sinatu zuten horretarako; horri esker, eraikinen zati baten gaineko zuzeneko eta doako jabari-emakida izango du Aldundiak 75 urterako, eta Udalak lurzoruaren titulartasuna gordeko du.
Hala, daborduko Azpiegiturak, obra gauzatzeaz arduratzen den foru-enpresak, du ardura eraikina bota eta zentro berria eraikitzeko proiektua gauzatzeko.
Eraisketa, gero eta gertuago
Astelehenean tokiko auzokideek HIRUKAri jakinarazi diotenez, Azpiegiturak eta Redenor enpresak eraikinetara sartu dira, "eraisketa-lanak prestatzeko-edo". Hori dela eta, herritarrek bilera irekia deitu dute gaur arrastirako, 18:30erako, Etxe Merkean, datozen egunotan zer egingo duten planifikatzeko.
Hodei Torresen argazki guztiak Hiruka.eus-eko artikuluan.
2018ko maiatzean Getxoko Ertzaintzaren komisarian jipoitu zuten Silvia emakume migratu eta arrazializatua, bidegabeki atxilotu ostean. Epaiketan zigor arinak ezarri zizkioten ertzain bati, baina emakumea ere zigortu zuten desobedientzia leporatuta. Silviak Espainiako Epaitegi... [+]
Getxoko Udalak udaltzainen hamar lanpostu berri sortzea adostu du EAJ, PSE-EE eta PP alderdiek hitzartutako aurrekontuaren barruan. Hamar lanpostuetatik euskararen B2 maila bostek soilik egiaztatu beharko dutela adierazi du Udalak.
Hainbat emakume-langile esplotatu eta horiei sexualki eraso egin dieten jabeen taberna pinturaz margotu zuten ezezagunek domeka gauean Getxoko Areeta auzoan. Pinturaz gainera, aldarri bat ere margotu zuten ondoko horman: "Erasoen aurrean klase batasuna".
MOOR KRAD
Nork: Ertza konpainiak.
Noiz: urriaren 3an.
Non: Getxoko Muxikebarri aretoan.
---------------------------------------------
Bi urte atzera izan nuen Moor Krad obraren berri; hain zuzen, Ertza konpainiako kideek dantza pieza sortu eta estreinatu zuten... [+]
Hainbat poliziak aitortu dutenez, gazte magrebtarrak erreprimitzeko eskatu izan die udaltzain buruak. Algortako 'Ez Irentsi Arrazakeriaren Amua' plataformak udan salatu zuen gora egin dutela "magrebtarren aurkako jazarpen polizialak eta kontrolak",... [+]
Bilboko itsasadarraren bi aldeak ur azpitik lotu gura dituen tunela egiteko asmoa du Bizkaiko Foru Aldundiak, baina makroproiektuaren kalteak eta gastatuko den dirutza kritikatzen ditu Subflubiala Ez plataformak. Kanpaldia deitu dute asteburu honetarako, proiektua bertan behera... [+]
Iazko urritik eraiki dituzte hainbat kokaleku jatorri magrebtarreko ia 100 lagunek. Poliziak duela hainbat aste jaso zuen haiek basotik botatzeko agindua.
Zapatuan, ehunka herritarrek parte hartu zuten Bizkaiko Foru Aldundiak itsasadarraren azpian egin gura duen tunelaren proiektua geldiarazteko exijitzeko manifestazioan. Subflubiala Ez plataformako deitzaileek 500 parte-hartzaile inguru zenbatu zituzten Getxoko Itzubaltzeta/Romoko... [+]
Europa ikastetxeko sexu-abusuak salatzeko eta umeei eta euren senideei babesa adierazteko elkarretaratze jendetsua egin dute asteazkenean, Getxon, Malakate parkean. Algortako Mugimendu Feministak deituta, deitoratu dute haurren kontrako indarkeria ez dela anomalia bat, eta... [+]
Adingabeetako bati ospitalean sexu eraso zantzuak aurkitu ostean heldu dira salaketak. Segurtasun Sailak jakinarazi du ikerketa abiatu duela eta lau salaketa jarri direla. Getxoko Europa ikastetxeak adierazi du irakaslea “zentrotik apartatu” duela eta... [+]
Erasoa frogatu dute polizia-etxeko bideo-grabazioei esker. Ebazpenaren arabera, agenteak emakumea “gehiegikeria argiz” heldu eta eraso egin zion. 12.400 euro ordaindu beharko dizkio ertzainak emakumeari kalte-moralengatik.
Jatorriz boliviarra den Getxoko emakume batek Ertzaintzaren eraso arrazista jasan zuela, emakumearen salaketari ertzainek kontrasalaketa jarri ziotela eta orain Jaurlaritzak, autoritatearen aurkako atentatua leporatuz, emakumearen aurkako zazpi urteko kartzela zigorra eskatzen... [+]