LOMLOE, trileroen jokoa
"... hezkuntzako gastu publikoa barne-produktu gordinaren gutxienez ehuneko 5 handitzea..." Alderdi sozialistak erabili ohi duen eta LOE aldatzeko Lege Organikoaren Proiektuan jasotako dialektika tranpati horren beste esaldi bat da. STEILASentzat, hezkuntzan inbertsio publikoa handitzea ongi etorria da, baldin eta hezkuntza publikora bideratzen bada. Gainerakoa trileroen jokoa da. Azken hamarkadan EAJk eta PSEk Euskal Autonomia Erkidegoan onartutako aurrekontuak horren beste adibide bat dira, non hezkuntzara bideratutako partida handitzen zen eta, aldi berean, sare publikoko murrizketak urtez urte egiten ziren.
Ziurrenik, hezkuntzarako agindutako aurrekontu igoera 0-3 ziklora bideratuko da. Baina hemen ere, trileroek jokaldia ondo aztertua dute: LOMLOEk LOMCEk ezartzen zituen ibilbide bereizleak ezabatuko ditu, batez ere bigarren hezkuntzan, baina bereizketa eta pribatizazio mekanismo askoz sotilagoak 0-3 zikloan ezartzen jarraituko dira. "Administrazio publikoei eskatzen zaie lehenengo zikloan plaza-eskaintza nahikoa gara dezatela pixkanaka, eta bigarren zikloaren doakotasuna bermatzeko itunak ezarri ahal izatea xedatzen da". Izan ere, EAEn haurreskola publikoen ikaspostuen % 50 hutsik geratzen bada ere, haurreskola pribatuak edo itunpeko ikastetxeei atxikita daude haur-eskola pribatuak diru publiko kopuru izugarriez elikatzen jarraitzen dute (27M euro). Modu honetan gainera, ikasleen onarpen-aldian ematen den iruzur ikaragarriaren oinarriak ipintzen dira. LOMLOEk, planteatuta dagoen bezala, ez du saihestuko 0-3ko olatu pribatizatzailea.
Ikasleen garapenerako eta gizarte kohesiorako hain garrantzitsua den Haur Hezkuntzako lehen zikloak tratamendu askoz zehatzagoa merezi izango zukeen, 0-3 publikoa blindatuz eta bertako langileentzat lan baldintza duinak bermatuz.
Pribatizatzeko eta segregaziorako beste mekanismo bat, aurreko paragrafoan aipatutakoarekin zuzenean lotuta dagoena eta oso oharkabean pasatzen dena, itunpeko ikastetxe pribatuetako “baimendutako” gelena da. Gela horiek administrazioak ikasleak onartzeko egiten duen hezkuntza-plangintzatik kanpo geratzen dira, eta erabat pribatuak dira. Itunpeko ikastetxe pribatu jakin batzuek ikastetxe horietarako administrazioak planifikatutakotik kanpo geratu diren ikasleak hartzeko erabiltzen dituzte, baina, itunen aldaketen bidez, gela pribatuak izatetik itundutako ikasgelak izatera pasatzen dira. Administrazioek zuritzen duten B matrikulazioa da. Ildo horretan, LOMLOEk aukera ematen die onarpen-prozesu arruntean onartzen ez diren ikasleei itunpeko ikastetxe horretako gela "baimenduetan" matrikulatzeko. Beraz, ez du ezertarako balio LOMCEk jasotzen zuen "gizarteeskariaren" ideia kentzeak, ondorio praktikoetarako, itunpeko ikastetxeek administrazioak planifikatutakotik kanpo matrikulatzen jarraitzen badute. Trilero-jokoa, berriz ere, pribatizatzeko eta segregatzeko.
Baina ez da hor amaitzen trilero-joko hau. Sortzen ari diren hezkuntza-enpresa asko kooperatibak dira. Publikotik ihesi, arlo pribatuan "aterpea" aurkitu nahi duten familiek, krisian dauden eta kooperatiba bihurtzen diren ikastetxeak, izaera elitista duten fundazio handiak... kooperatiba-enpresaren formula, gaur egun, Troiako zaldia da hezkuntza publikorako. LOEk lehentasuna ematen zien kooperatibei hezkuntza itunak emateko orduan, baina LOMLOE haratago doa eta honako hau gaineratzen du: "... haren espezifikotasuna aitortuko da." Ekoizpen munduan izaera kooperatiboak duen izaera soziala eztabaidaezina da, hezkuntza arloan, aldiz, kooperatiben ustezko izaera sozial horrek zalantza ugari sortzen ditu. Beraz, ez dute merezi administrazio publikoak inolako aintzatespenik edo aldeko traturik ematea.
LOMLOEk, hezkuntza-lege guztiek egiten duten bezala, ekitatearen alde egiten duela dirudi, baita hezkuntza publikoaren alde ere. Baina, errealitatean, makina pribatizatzaileak ez dira gelditzen; aitzitik, indartu egiten dira. Pribatizazio-ehuneko handiak dituzten hezkuntza-sistemetan (Nafarroakoan eta, batez ere, Euskal Autonomia Erkidegokoan) izan ditzakeen ondorioak larriak izan litezke. Esperientziak erakutsi digu itunpeko eskola pribatuaren eta eskola publikoaren arteko "bizikidetzak", azken honen narriadura, langileen lanbaldintzen prekarizaioa eta segregazioaren handitzea dakarrela.
STEILAS sindikatuak dei egiten die Nafarroako eta EAEko gobernuei eskola publiko bakarra helburu duen sistema propiorantz urratsak eman ditzaten, euskara erdigunean, langileen lan baldintza duinak bermatuz, segregazio egoerak gaindituz eta pribatizazio bideak etenez.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Abenduaren 26an, aireko eraso batean, Israelgo armadak bost kazetari palestinar hil zituen. Haiekin 130 kazetari palestinar hil zituzten. Albiste horrek gauza pare bat gogorarazi dizkit, lehenengoa, benetako kazetariek jasaten duten jazarpena munduko edozein lekutan, adibidez,... [+]
Azken hilabete hauetan hainbat institututan lan egitea egokitu zait eta, uneren batean edo bestean, ikasleekin lan merkatuak eskaintzen dituen aukerez hitz egin behar izan dut. Ikasleen tipologia askotarikoa da eta hiri berean asko aldatzen da auzo batetik aldamenekora,... [+]
Historikotzat nekez har daitekeen argazkiaren erdian agertzen den neskatoa idazten ari da, zer eta izenorde zerrenda bat: ni, zu, hura, gu, zuek, haiek. Beherantz begira egonik, neskatoaren begirada nolakoa den antzeman ezinik gelditu naiz ni.
Argazkilariaren lanari soraio,... [+]
Pertsona nagusiekin edo aniztasun fisiko eta neuronalak dituzten pertsonekin lanean zaudenean, dugun gizartean gaitasunaren ideiak espezie bezala asko mugatzen gaituela ohartzen zara. Hau da, dugun sistemak gauzak modu espezifiko batean egiteagatik jartzen zaitu balioan, eta... [+]
Idatzi nahi nuen gabonetako argien alde, eta urteroko ohitura bilakatu aldarrikatzea, kaleak argitzen dituzten aro honetan, espazio publiko apain, alai eta gozagarri bat, klase ikuspegitik. Baina, noski, espazio publiko epelak ere bai, zenbait gazte liburutegietan liburuak... [+]
Barkatu hariztiak, artadiak, zumardiak, lertxundiak, lizardiak, haltzadiak, gaztainadiak, urkidiak, gorostidiak, sagastiak, pinudiak eta zuhaitzen elkarte guztiak, baina, gaur, pagadiak du hitzordua negu-mugako ospakizunak direla eta.
Errazagoa egiten zait negu-mugako... [+]
Badator Euskaraldia, berriz ere. Urte berriko udaberrian izango da oraingoan, antza. Dagoeneko aurkeztu dute eta, egia esanda, harritu egin nau; ez Euskaraldiak berak, ezpada beraren leloak: Elkar mugituz egingo dugu.
Irakurri edo entzun dudan lehenengoan, burura etorri zait... [+]
Ildo beretik dator Eusko Jaurlaritza berriaren politika. Hitzak bai, baina ekintzak ez dira argi ikusten Pradalesen gobernuak aurkeztutako aurrekontuan.
Sistema kolonial kapitalista heteropatriarkala auzitan jartzen eta borrokatzen denean, gupidarik gabe erasotzen du bueltan. Eskura dituen tresna guztiak erabiliz, instituzioak, medioak, justizia, hizkuntza, kultura, indarkeria... boterea berrindartzeko, sendotzeko eta... [+]
Ez dakit zuek ere pertzepzio bera ote duzuen –aitor dut: modu azientifikoan hasi naiz idazten hemen–. Pereza hitzaren hedatze naturalaz ari naiz. Gero eta gehiago aditzen baitut Hego Euskal Herriko bazterretan: euskaraz, espainolez eta, jakina, euskañolez... [+]
Askok, Gabonetan, ilusioa baino alferkeria handiagoa sentitzen dugu familia-otordu eta -topaketetan pentsatzean. Baina aurreratzen dizuegu ez dela otordua bera kolektiboki deseroso sentiarazten gaituena, familia tradizionala definitzen duen normatibitatea baizik. Are gehiago,... [+]
Betidanik begitandu zait esanguratsuagoa han-hemenka topa daitezkeen guruztokiei gazteleraz esaten zaien modua: humilladero. Ez al da guruztoki edo santutxo izen nahiko light, zuri edo haragoko konnotaziorik gabekoa? Azken batez, bertatik pasatzen zen oro umiliatu behar zen... [+]
Siriako Arabiar Errepublikaren amaierak harridura handia sortu du, gertatu den moduagatik: azkar eta ia erresistentziarik gabe. Halere, ez da hain arraroa herrialdea suntsituta, pobretuta eta zatitua zegoela kontutan hartzen badugu. Aspalditik siriar gehienen ardura ez zen nor... [+]
Nobedadea izan ohi da Durangoko Azokari lotzen zaion hitz entzunenetako bat. Nobedadea han, eta nobedadea hemen. Zenbaitetan, ordea, lehengokoari beste itxura ematea aski izaten da etiketa hori itsasteko. Talentu berriztagarriz birmasterizatutako CDek eta berrargitalpenek badute... [+]