Lointekek sexu-abusuen kasuaren berri zuela ukatzen du, Sare Feministak adierazi duen arren uztailean jakinarazi ziola
Klubak Mario Lopezen aurkako epaiketan parte hartuko duela iragarri du. “Gauzak modurik onenean” egin ez dituztela dioten arren, adierazi dute ez dutela ezer “estali”. Mugimendu feministako kideek azpimarratu dute uztailaren 3an jakinarazi ziotela kasua kirol-taldeari.
Aurrera jarraitzen du Lointek Gernikako Mario Lopez entrenatzailearen kasuak. Lopezi egotzi diote entrenatzaile zela jokalari nerabe bati sexu-abusuak egin izana, eta Gernika-Lumoko Sare Feministak seinalatu du klubak kasuan izandako erantzukizuna. Mugimenduak kirol-taldearen “konplizitatea” salatu du, eta azpimarratu dute kluba udatik jakinaren gainean zegoen arren, ez duela neurririk hartu iragan astean dena argitara atera den arte.
Klubak kasuaren berri zuela ukatzen jarraitzen du, eta iragarri du akusazio partikular gisa parte hartuko duela Mario Lopezen epaiketan. Horrez gain, jakinarazi du biktimari babesa adierazteko ekitaldi bat eta prentsaurreko bat egingo dutela.
Kirol-taldearen bertsioa ezeztatu du Sare Feministak: “Asko harritu gaitu klubak komunikatu bat argitaratu izanak gertakarien berri ez zutela esanez. Esan nahi duzue ez zinetela gurekin bildu? Ez du zentzurik, gezurra da eta jakingo da”.
Zurrunbilo honen erdian, klubeko jokalari estatubatuar Angie Bjorklundek Instagramen adierazi du kasuaren berri izan zuelako utzi zuela taldea urrian.
Bi bertsio kontrajarri
Sare Feministak Eldiario.es hedabideari adierazi dio ekainaren 28an jaso zuela kasuaren inguruko informazioa, eta klubarekin bildu zela: “Uztailaren 3an bildu ginen Amaia Lezamiz presidenteordearekin, eta geneukan informazioa eta bi eskaera helarazi genizkion: lehenengoa, Lopez une hartan lanean ari zen haurren campusetik kanpo uztea, eta bigarrena, entrenatzaile izateari uztea”. Klubak, ordea, ez zuen Lopez kaleratu: “Esan ziguten bai Batzordearen eta sponsorren partetik bai jokalarien partetik entrenatzaile gisa mantentzeko adostasuna zegoela, eta horixe bera egingo zutela”.
Mugimenduko kideek saiakerak egin zituzten jokalariekin hitz egiteko, eta kluba haiekin harremanetan ipini zen. “Esaten ziguten 'pozik egongo zarete, ez da entrenatzaile izango', eta une horretan poztu ginen, baina dena desagertu zen kirol kudeaketaren arduradun izatera pasatuko zela jakitean. Botere-kargu batetik bestera pasatu zuten”.
Lointekek hori ezeztatzen jarraitzen du: “Egoeraren larritasunaz jabetzen gara, gaizki egin genuela onartzen dugu eta barkamena eskatzen dugu, hau ezin izan dugulako behar bezala kudeatu”, adierazi du klubeko presidente Gerardo Candinak. Zuzendaritzako kide Gorka Etxebarriak azpimarratu du ez dutela gertatutakoa estali, “gauzak modurik onenean” egin ez dituzten arren. Klubak berresten du ez duela salaketa horren berri, eta Lopezek helarazi ziena jazarpen-salaketa bat zela, ez sexu abusuak egiteagatiko salaketa.
Asteazkenean, partida Gernikan
Saskibaloi taldeak asteazkenean 20:00etan jokatuko du Maloste Polikiroldegian Kangoeroes talde belgikarraren aurkako partida. Taldearen lehen partida izango da Euskal Herrian iskanbilaren ostean.
Gipuzkoako Fiskaltzaren ustez, 40 urteko irakasle hondarribiarrak 9 eta 17 urte arteko hamaika adin txikikori sexu gehiegikeriak egin zizkien 2011 eta 2021 urte artean. 2021ean kartzelatu zuten, bere sei ikaslek salaketa jarri eta gero.
Getariako etxebizitza batean egin dio eraso, Segurtasun Sailaren arabera. Emakumea astero joaten zen terapia naturaleko kontsultara, eta Ertzaintza ikertzen ari da ea antzeko ekintzen biktima gehiago dauden.
Sexu erasoak 1998an hasi ziren, biktimak 13 urte zituenean. 2003an kluba utzi bazuen ere, emakumeak iaz salatu zituen sexu erasoak, Mario Lopezek taldeko entrenatzaile gisa jarraitzen zuela. Orain 18 urteko espetxe-zigorra eskatzen du akusazioak, fiskaltzak baino lau urte... [+]
Dozenaka lagun batu dira igandean Laudioko Herriko plazan, Ez zara fisioa, erasotzailea zara lelopean.
Mundu osoko 70.000 gizonek baino gehiagok hartzen dute parte emakumeak nola drogatu eta bortxatu hitz egiteko txat-talde batean. Alemaniako ARD irrati publikoko bi kazetarik egin dute ikerketa urtebetez eta erakutsi dute kasu batzuetan biktimak bikotekideak, arrebak eta amak... [+]
Gipuzkoako Auzitegiak urte eta erdiko espetxe zigorra ezarri dio gizon bati, emakume bat bortxatzen saiatzeagatik. Epaiketa asteazkenean egin zuten, eta, hasi aurretik, gizonak gertakariak onartu eta akordioa erdietsi zuen Fiskaltzarekin eta akusazio partikularrarekin, zigorra... [+]
Bortxaketen kasuentzako bideratu daitekeen kartzela zigorrik gorena jarri diote senar-ohi Dominique Pelicoti; eta beste 50 bortxatzaileei dagokionez, guztiak dituzte erruduntzat jo, baina fiskalak galdetzen zuena baino apalagoak dira zigorrak. Hiru hilabetez iraun du Mazango... [+]
Hiru hilabetez iraun du Mazango auziak, Gisèle Pelicotek irekitakoa, zeineten ikertu duten urte luzez senarrak somniferoz drogatu eta berak zein beste dozenaka gizonek 200 bat aldiz bortxatu izana. 51 gizon epaitu dituzte, eta senar ohi Dominique Pelicotentzat 20 urteko... [+]
.jpg)
Bilboko ikastolako ikasle eta ikasle ohien talde batek zentroko irakasle baten partetik jasandako sexu abusuak zerrendatu ditu, eta komunikatu baten bidez salatu du ikastetxeak gizona babestu duela. Gertakariak azalera atera direnean ikastolak “beren burua zuritu besterik... [+]
Biktimak 13 urte zituenean, 1998 eta 2001 artean, Lointek kirol taldeko Mario Lopez entrenatzaile ohiaren parteko sexu abusuak jasan zituen. Emakumeak duela urtebete salatu zuen, eta epaiketa 2025eko urtarrilaren 14tik 16ra egingo da, Bizkaiko Auzitegian. Mugimendu... [+]
.jpg)
Urretxindorra Ikastolako (Bilbo) eta Azkue Ikastolako (Lekeitio) bi irakasleren aurkako salaketak egin dituzte zenbait emakumek sare sozialen bidez. Horren aurrean, Urretxindorra ikastolako irakasleak astelehen honetatik aurrera klaserik ez ematea erabaki du Ikastolen Elkarteak... [+]
Zur eta lur hartu dituzte Nafarroako Berdintasun teknikariek festa girorako enpresa zenbaitek egindako proposamenak. Edalontzia estaltzeko tapak edo eta edarian drogarik dagoen ikusteko eskumuturrekoak.
Atzo hasi ziren zabaltzen Iñaki Castro musika teknikariaren kontrako salaketak '@denuncias_euskalherria' kontuan, eta dagoeneko dozenatik gora emakumeren testigantzak bildu dira.
Vicent Andrés Estellés poetaren hitzak harturik, bat naiz hainbat eta hainbat kasuren artean, eta ez kasu bakan, arraro edo ezohiko bat. Zoritxarrez, ez. Hainbaten artean, bat. Zehazki, Europako Kontseiluaren arabera, eta ibilbide handiko beste erakunde batzuen... [+]
Biarnoko Lestelle-Betharramgo ikastetxe katolikoan ikasleek urtetan sufrituriko indarkeria fisikoa eta sexu-abusuak argitara eman ostean, biktimen eta Betharramgo kongregazioko ordezkarien lehen topaketa lotu dute, biktimei entzutea helburu. "Betharram ez da libratuko... [+]