Lointek Gernika-ren “konplizitatea” salatu du Sare Feministak entrenatzaileak nerabeari egindako sexu-abusuen kasuan
Saskibaloi taldeak Mario Lopez entrenatzaile gisa mantentzea erabaki zuen, Sare Feminista egoerari “irtenbide bat” ematen saiatu zen arren.
Zeresana ematen jarraitzen du 1998 eta 2001 artean Gernikako Lointek saskibaloi taldeko entrenatzaile Mario Lopezek jokalari nerabe bati egindako sexu-abusuen kasuak. 3.000 lagun inguru bildu ditu Sare Feministak kasua salatzeko Gernika-Lumon egindako elkarretaratzeak. Gogor salatu du: “Gaur kalera atera gara inpunitatea eta konplizitatea salatzeko: inpunitatea, erasotzaileak hogei urtez izandakoa, eta konplizitatea, kirol taldeak erakutsi duena”.
Lointek Gernika saskibaloi taldeak, berriz, oharra atera du asteleheneko manifestazioa amaitu ostean. Klubaren abokatu Juan Carlos Soto del Castillok adierazi du “inoiz, inoiz, inoiz” ez dutela jakin adingabe baten aurkako sexu-erasoen kasua zela: “Zuzendaritza Batzordeak ez du jaso kasu honen salaketarik ezta kereilarik ere, Mario Lopezek helarazi ziguna jazarpen-salaketa bat izan zen”. Taldeak Lopezen ekintzak “gaitzesten” dituela azpimarratu du, eta haurrak eta nerabeak babesteko neurriak “indartuko” dituela.
Soto del Castillok taldearen izenean barkamena eskatu du kasuaren kudeaketan egindako akatsengatik: “Hedabideen bidez akusazioaren irismena eta edukia ezagutu ondoren, agerikoa da klubak Mario Lopez kirol esparruan barne kudeaketa lanetan uzteko erabakia hartu zuenean, neurri horiek ez zirela nahikoak izan”.
Hala ere, mugimendu feministak ukatu egin du klubak gertatutakoaz orain arte ezer ez zekienik. Mugimenduko kideek azaldu dutenez, udan, “egoerari irtenbide bat emateko asmoz”, sarea klubarekin jarri zen harremanetan kasuaren berri izan zuenean, eta azpimarratu dute jakinarazi ziotela. Neurririk ez zuten hartu, eta aldaketa ez zen gertatu, ordea: “Esan ziguten bai Batzordearen eta sponsorren partetik zein jokalarien partetik entrenatzaile gisa mantentzeko adostasuna zegoela, eta horixe bera egingo zutela". Ezezkoaren aurrean, Sare Feministak amaitu egin zuen akordio batera iristeko prozesua. Lopez igandean kargugabetu du taldeak, egoera argitara atera ostean.
_2.jpg)
EHUko Errektoretza Taldeak hedabideetara igorritako ohar baten bidez jakinarazi du neurria: "Unibertsitateak baieztatzen du salatu duten irakaslea jada klaseetatik at dagoela eta ez dela fakultatera joango kasua argitu arte".
Adin txikiko neskak 2023an salatu zuen entrenatzaileak hiru aldiz musukatu zuela bere baimenik gabe. Nafarroako Probintzia Auzitegiak Iruñeko epaitegiak ezarritako zigorra baieztatu du. Entrenatzaileak ezingo du harreman zuzenik izan adin txikikoekin inongo lanbidetan eta... [+]
Getxoko Epaitegiak Europa ikastetxeko 4 urteko haurren kasua artxibatu izanaren berri izan dugu aste honetan. Horrek zera galdetzera garamatza: instantzia judizialak, polizialak… prest al daude haurren eskaerei erantzuteko? Benetan babesten al dira gure adingabeak... [+]
Gasteizko Campuseko Filologia Hispanikoko irakasle baten aurkako salaketen berri izan bezain azkar, asanblada irekia egin zuen GUET Gasteizko Unibertsitateko Emakume Taldeak. Aste bakarrean “hamarnaka” salaketa eta testigantza berri jaso dituzte. Irakaslearen... [+]
Sexu-erasotzaile gehienak biktimaren inguru sozialekoak direla eta “kaleko bortxatzaile mamuaren ideiatik” aldendu beharra dagoela nabarmendu du Nafarroako Emakume Gazteen kontrako Sexu Indarkeriari buruzko I. Azterketak. Ikerketak gazteengan jarri du arreta,... [+]
Bi erizainetatik batek lanean eraso sexistak jasaten dituela azalerazi du Erizainen Ordenak joan den urte bukaeran egin ikerketak. 21.000 erizainek ihardetsi dute, sektore pribatu, publiko eta liberaletik. Hauetan 2.500 gizonak dira.
Gernikako saskibaloi taldeko entrenatzaile ohiaren aurkako epaiketa hasi da astearte honetan Bizkaiko Auzitegian. Fiskaltzak 14 urteko espetxe eskaera egin du, eta akusazio partikularrak hamazortzikoa, sexu abusuak leporatuta. Lópezen defentsak adierazi du entrenatzaile... [+]
Indarkeria matxistari buruzko testigantzak jasotzeko Instagram kontua 2024ko azaroan jarri zuen abian emakume talde anonimo batek. Espainiako Estatuan Cristina Fallarás kazetariak abiatutako #Cuentalo egitasmoan oinarritu dira. Emakumeek, testigantza anonimoen bidez,... [+]
Fiskaltzak hamalau urteko espetxe zigorra eskatu du Mario López saskibaloi entrenatzaile ohiarentzat. Akusazio partikularrak hemezortzi urtekoa eskatu du. Gernika-Lumoko Sare Feministak elkarretaratzea deitu du Bilboko epaitegi aurrean. Lópezi 1998 eta 2001 artean... [+]
Gipuzkoako Fiskaltzaren ustez, 40 urteko irakasle hondarribiarrak 9 eta 17 urte arteko hamaika adin txikikori sexu gehiegikeriak egin zizkien 2011 eta 2021 urte artean. 2021ean kartzelatu zuten, bere sei ikaslek salaketa jarri eta gero.
Getariako etxebizitza batean egin dio eraso, Segurtasun Sailaren arabera. Emakumea astero joaten zen terapia naturaleko kontsultara, eta Ertzaintza ikertzen ari da ea antzeko ekintzen biktima gehiago dauden.
Sexu erasoak 1998an hasi ziren, biktimak 13 urte zituenean. 2003an kluba utzi bazuen ere, emakumeak iaz salatu zituen sexu erasoak, Mario Lopezek taldeko entrenatzaile gisa jarraitzen zuela. Orain 18 urteko espetxe-zigorra eskatzen du akusazioak, fiskaltzak baino lau urte... [+]
Dozenaka lagun batu dira igandean Laudioko Herriko plazan, Ez zara fisioa, erasotzailea zara lelopean.
Mundu osoko 70.000 gizonek baino gehiagok hartzen dute parte emakumeak nola drogatu eta bortxatu hitz egiteko txat-talde batean. Alemaniako ARD irrati publikoko bi kazetarik egin dute ikerketa urtebetez eta erakutsi dute kasu batzuetan biktimak bikotekideak, arrebak eta amak... [+]
Gipuzkoako Auzitegiak urte eta erdiko espetxe zigorra ezarri dio gizon bati, emakume bat bortxatzen saiatzeagatik. Epaiketa asteazkenean egin zuten, eta, hasi aurretik, gizonak gertakariak onartu eta akordioa erdietsi zuen Fiskaltzarekin eta akusazio partikularrarekin, zigorra... [+]