Logroño-Castejon proiektua aldarrikatu dute Tafallan tren sozialaren aldekoek
Abiadura Handiko Trenaren aurka eta Tren sozialaren alde egiteko hamarnaka lagun bildu ziren igande honetan Tafallako tren geltokian. Egungo prestazio handiko tren proiektuarekin Tafallako eskualdea tren geltokirik gabe geratuko da.
Eredua zein den garbi dute Tafallan tren sozialaren alde ari den plataformakoek: gaur egun Espainiako Gobernuak, Errioxako Erkidego Autonomoak eta Adif-ek (Espainiako Trenbide Azpiegituren Administrazailea) Castejon eta Logroño lotzeko egin dutena. Trenbidea berrituko dute, baina gaur egungo azpiegitura baliatuta eta trenak 200 kilometro orduko abiadura hartuko du.
Hori da, funtsean, Nafarroako tren sozialaren aldekoek eskatzen dutena 2018an proiektuaren oinarria aurkeztu zutenetik. Tafallako bilkuraren antolatzaileen galdera argia da: “Castejon eta Logroño lotzeko balio duenak zergatik ez du balio Castejon-Tafalla-Iruñea-Gasteizerako? Errioxarako balio duenak zergatik ez du balio Nafarroarako?”.
Castejon eta Iruñea lotzeko gaur egun egiten ari den Prestazio Handiko Proiektuarekin hainbat herri egungo tren geltokirik gabe geratuko lirateke, esate baterako Tafalla eta Altsasu, eta hori dela eta bertako herritarrak mobilizazioak egiten ari dira tren publiko eta soziala aldarrikatuz.
Behean ikus daiteke Adolfo Araiz EH Bilduko foru parlamentariak bilkuraz egindako txioa:
Nuevamente, cientos de personas nos hemos reunido contra las obras del TAV y en defensa de un Tren Social en la Zona Media. Si en La Rioja es posible remodelar la vía actual en Navarra también, solo hace falta voluntad política para parar el despilfarro del TAV. #AHTrikEZ pic.twitter.com/k7PSgWVhx4
— Adolfo Araiz (@AdolfoAraiz) February 7, 2021
Azken asteotan Castejón-Soria trenbidea berreskuratzeko eta Tuterako tren-geltokia gaur egun dagoen tokian mantentzeko edo, Nafarroako Erriberako hiriburuan Abiadura Handiko Trenaren ustezko geralekuak aitzakiatzat hartuta, hirigunetik kanpo beste bat egiteko... [+]
Frantziako Gobernuak Espainiakoari baieztatu dionez, Abiadura Handiko Trena ez da Hego Euskal Herrira iritsiko (Irungo loturara) gutxienez 2042 urtera arte. Ez dago Parisen lehentasunen artean.
Espainiako Garraio Jasangarrirako estatu idazkari José Antonio Santanok adierazi du Eusko Jaurlaritzaren helegite bat onartu dutela Ezkio-Itsasoko konexioari buruz, Aralarri "hainbeste" kalte egingo ez liokeena.
2024ko otsailean Astigarraga-Hernani tartea amaitu zutenean Abiadura Handiko Trena 2027an prest egongo zela aurreikusten zuen Eusko Jaurlaritzak. Orain Arkautiko lotunearen obren lizitazioari ekin dio Jaurlaritzak; Euskal Trenbide Sarea enpresaren esku utzi du, eta 2027an hasiko... [+]
Informaziorik helarazi gabe eta baimen eskaerarik gabe hasi dituzte Abiadura Handiko Trena eraikitzeko asmoz lehenago egin beharrak diren zundaketa lanak Otsobi kontzejuaren lurretan. Stop Zundaketak plataformak jakinarazi du egoera: "Izako Udalari edo Otsobiko kontzejuari... [+]
Lapurdi zeharkatuko lukeen AHT egitasmoa aitzina doala salatu du ingurumenaren alde dabiltzan elkarteen artean osaturiko CADE kolektiboak. Urriaren 12 eta 13rako jarri du hitzordua, Gironda eskualdean Lurraren Altxamenduak sareak antolaturiko protestari sostengua erakutsiz.
Oscar Puente Espainiako Garraio ministroaren esanetan, Nafarroarekin lotura egiteko aukerarik "onargarriena" Gasteizkoa da, Ezkio-Itsasoko ibilbideak "konplexutasun teknikoak" dituelako.
2017an Gaintxurizketan tunela zulatzen hasi zirenetik etengabeak izan dira AHTko obrek Renferen tren zerbitzuan eragindako murrizketak eta kalteak. Orain, Espainiako Garraio Ministerioak iragarri du udaran hainbat astez etenda egongo dela zerbitzu hori Hernani eta Irun artean... [+]
Manifestazio jendetsua egin dute Altsasun AHTren lanak gelditzea eta gaur egungo trenbidea hobetzea eskatzeko.