“Logopedia luxu bilakatzen ari da”
Paso a Paso errehabilitazio zentroan bizitako lan baldintza txarrak salatu ditu Amaia Agirre logopedak.
Lanean ez duenez arazorik izan nahi, asmatutako izen bat jartzea eskatu du Amaia Agirre logopedak. Kontatu duenez, Osasunbidean solik hamasei logopeda inguru daude haurrak eta helduak artatzeko: “Horrek ageria uzten du ez diotela garrantzirik ematen logopediari; hala ere, aldatzen ari da”. Horren ondorioz, batzuetan aukera bakarra pribatura jotzea izaten dela dio: “Logopedia luxua bilakatzen ari da”. Hortaz, logopeda askok pribatuan lan egin behar izaten dute.
Agirrek ikasketak amaitu zituenean Paso a Paso errehabilitazio zentroan lanean hasi zen 2019. urtean. Zentroko nagusiek gehiegikeriaz jokatu zutela salatu du: “Gazteak ginenez horretaz baliatzen ziren gure eskubideak urratzeko”. Duela bi urte lana utzi zuen “oso zorrotzak”, “autoritarioak” eta “tiranoak” zirelako: “Oso langile onak eta oso profesionalak ginen, eta dena eman arren inoiz ez zen beraiek nahi zutena bezainbeste”.
Esate baterako, hilabetero erabiltzaileen eboluzioaren inguruan mintzatzeko elkartu, eta helburuak aztertzen zituzten: “Beraientzat zen uzta kilotan jasotzea bezala, baina ez da hain erraza. Helburuak lortzeko tresnak izan arren, beti ez dira lortzen”. Agirrek uste du erabiltzaileentzat “onuragarria” dela denak elkartzea; hala ere, beste modu batean landu beharko litzatekeela uste du.
"Lana oso polita da, eta egia da prekarioa dela, baina zentro batzuetan baldintza onak daude"
Zorroztasunaz gain, 30 opor egun baino ez zituzten, eta langileek horietatik hamabost egun aukeratzen zituzten: “Niri beti ostiraletan jartzen zidaten jai, opor naturalak zirenez, larunbata eta igandea jai egun bezala hartzen zirelako, eta horrela, hiru egun kentzen zizkidatelako”.
Agenda begiratzeko aplikazio bat ere bazuten, baina orduak eta pazienteak “etengabe” aldatzen zizkieten abisatu gabe: “Etengabe sartzen nintzen aplikazioan askotan aldatzen zigutelako ordutegia; hori manipulatzeko beste modu bat zen, ezin genuelako lanetik deskonektatu”.
Horrez gain, soldata oso baxua zela salatu du: “Kalkulua egin nuen eta ordu bakoitzeko 6 euro irabazten nituen”. Zorroztasunak, soldata baxuak eta nagusien gehiegikeriak ondorio psikologikoak eragin zizkien: “Estres handia neukan, eta gutxigatik ez nuen antsietatea izan”. Gaineratu du lankide guztiei eragiten ziela lan egoera txarrak: “Lankide askok estresa eta antsietatea zeukaten, eta denak joaten ginen psikologora”.
Jarrera autoritarioa izan arren, langileen konfiantza lortzeko hasieran jatorrak izaten zirela kontatu du: “Lortzen zutena zen gauza pertsonalak kontatzea, gero gure kontra erabiltzeko; adibidez, ea hipotekarik edo bikotekiderik genuen jakin nahi zuten”.
Orokorrean, langileen jarrera nagusien aurrean “pasiboa” zela uste du: “Esaten zigutena betetzen genuen”. Mugak jartzea “zaila” zen arren, Agirre zen nagusiei mugak jartzen zizkien bakarra: “Horren ondorioz, zigortzen ninduten ordu okerragoak jartzen edo gaizki hitz egiten”.
Lan baldintza txarren ondorioz, hamazazpi hilabeteko eszedentzia bat eskatu zuen, eta ez ziotenez eman, enpresatik alde egin zuen. LAB sindikatuarengana jo zuen laguntza eske: “Kitatzea gaizki eman zidatenez salaketa jarri, eta arrazoia eman zidaten”. Kontent da lana utzi zuelako.
Paso a paso zentroko esperientzia txarra izan arren, zentro onak badirela nabarmendu du: “Lana oso polita da, eta egia da prekarioa dela, baina zentro batzuetan baldintza onak daude”.
Petronorreko langileek borrokarako eguna izan dute ostegun honetakoa. Enpresa batzordeak deituta, lanuztea egin dute eta Barakaldoko BECen elkarretaratu dira, konpainia urteko batzarra egiten ari zen tokian. Salatu dute diru publikoa jaso eta etekin milioidunak izan arren... [+]
Azala ez da azaleko gaia, kanpoarekiko muga eta gure buruaren babesa baizik. Ordea, kosmetiko industrialak erabiliz gero, toxiko kimikoak barneratzen ditu gure gorputzak azaletik, eta dutxako zulotik behera joaten direnean, ura eta Lurra ere kutsatzen ditugu egunero. Eredu... [+]
Kexak eta esker onak paretsu mantendu dira, baina erreklamazioetan bada aldea. Esaterako, aurtengo ekaina iazkoarekin alderatuta, ia %30 igo dira erreklamazioak.
Sexologian eta zoru pelbikoan aditua den Juncal Alzugaray Zurimendi fisioak zenbait gako eman ditu klimaterioa eta menopausia hobeto ulertzeko.
Aste honetan zehar egongo da AEBko auditoria Gurutzetako ospitalean; bere estandarrak betetzen dituzten osasun-zentroei akreditazioa ematen die. Osakidetzak 106.843 euro gastatu ditu bere aurrean itxurak egiteko.
Silizearen hautsak sorturiko gaitz eta biriketako minbizi kasuek ez dute etenik azken urteetan. Australian, Ingalaterran edo Espainiako Estatuan alarmak piztu dira, eta kristal-silizea duten kuartzozko sukalderako mahaiak egitea debekatzeko urratsak ematen hasi dira.
Eurostaten arabera, 2013tik 2021era bitartean, 13.530 kasu erregistratu zituzten Europar Batasunean. Teorian 2005ean debekatu zuten amiantoaren erabilera, baina mesoteliomaren sintomak ez dira agertzen hamarkada asko igaro arte. Amiantoagatik 700 pertsona baino gehiago hil dira... [+]
Igeriketa, patinetean ibiltzea eta irakurtzea gustuko ditu Leire Manzanares Etxeberriak (Donostia, 2005). Garapenaren nahasmendua dauka eta Zereginak Ikasteko Gelan (ZIG) dago. Gurasoekin batera informazioa bilatzen aritu da ikasten jarraitzeko aukerak aztertzeko, baina oztopoz... [+]
Anbulantzien zerbitzua enpresa batetik bestera aldatzeak ez duela egiturazko arazoa konponduko eta “orain arteko pribatizazioaren bidean atzera egin eta anbulantzia zerbitzuaren publifikazioari” ekiteko eskatu diote langileek Eusko Jaurlaritzari, LABek antolaturiko... [+]
Pasaiako Portuko Agintaritza eta Algeposa taldea lan arriskuen babesa ez bermatzeagatik kondenatuak izan direla adierazi du Amiantoaren Biktimen Euskal Elkarte ASVIAMEk. Osakidetzak laneko gaixotasunak ezkutatu izana salatu dute.
Garbiñe Larreak Kosmetikoak sendabelarrekin liburua argitaratu berri du ARGIArekin. "Egin ezazu zuk zeuk" filosofia kosmetikoen mundura ekarrita, egunerokoan behar diren produktuak egiteko liburu teoriko-praktikoa da. Eskuragarri dago azoka.argia.eus webgunean.
Alfonso Setiey Anitzak elkarteko lehendakariak esan du langile eta informazio falta dagoela, itxaron zerrenda “luzea” dela eta estigmatizazio “handia” dagoela.
Irakasleei oinarrizko yoga formazioa eman, gero gelan ikasleekin aplikatu dezaten, horretan dihardu Maite Eizmendik. Ikasle-irakasleak "lo" iritsi direla eskolara? Jolas-orduaren ostean ezin kontzentratuta daudela? Presio akademikoak itota dituela? Aktibatzeko,... [+]
Larrialdietan bukatu ohi duena ez da 20 kilometroko lasterketa egiteko prestatuta ez dagoelako; alderantziz, kirola egitera ohituta dauden 25-35 urteko gizonak dira gehiengoa, marka egin nahian topera joateagatik. Hala ziurtatu digu Donostiako ospitaleko mediku batek... [+]