Liztor asiarraren kontrako kanpaina abiatu da Hernanitik
Hernaniko Udalaren bultzadaz, Donostia inguruko udal sorta batean (Buruntzaldean eta Oarsoaldekoetan) gure erlategiak suntsitzen ari den Vespa Velutina liztor asiarra kontrolatzeko kanpainari ekingo zaio berehala. Atzo prentsaurrean Hernaniko ordezkariek, alkatea buru, eta Gipuzkoako Erlezain elkartekoek aurkeztutakoak zehaztasunez bildu ditu Hernaniko Kronika egunkariak: "Liztor asiatikoaren kabi primarioak kentzeko kanpaina".
«Liztor asiatikoaren erreginak orain ari dira habia primarioak egiten eta orain da garaia suntsitzeko. Habia bakoitzetik 200 erregina aterako lirateke eta horregatik, askoz eraginkorragoa da orain», azaldu zuen atzo prentsaurrean Luis Intxauspe alkateak.
Marijo Garcia Hernaniko Babes Zibileko teknikariak azaldu zuen, habia primario horiek oso txikiak direla, etxe inguruetan egoten direla eta edozeinek suntsitu ditzazkeela. Horregatik, udaberriko aukera hori baliatzeko, Buruntzalde eta Oarsoaldeko udal batzuek kanpaina berezia egingo dute beren herritarren artean.
Herritarrak behar bezala informatzeko, diptikoak banatuko dituzte etxez etxe. Kanpaina martxan duten udal guztiak kontuan hartuta, 29.000 diptiko banatuko dira; horietatik 8.000 Hernanin. Kartelak ere jarriko dituzte umeak ibiltzen diren guneetan.
Horrez gain, hitzaldiak antolatu dituzte gaia jendartean ezagutarazteko. Hernaniko Udalak bere aldetik 9 tranpa berezi ere jarriko ditu, udaberriko erregina gazteotatik ahalik eta gehien harrapatzeko, erlezain bakoitzak bere kofoinen inguruan egiten duen gisan.
Vespa Velutinak udan bigarren habia handiagoa egiten du, telebista eta bideoz ikusirik herritarrek on ezagutzen duten hori. Orduan hasiko da kanpainaren bigarren fasea.
Udan liztorrarentzako protokoloarekin jarraituko da herri guztiotan: aurkitutako habiaren parte eman udalari, ahal badute suhiltzaileek kendu, horiek ezinean Diputazioak dauzkan basozainek kendu, eta azken aukera bezala erlezainak berak ahalegintzen dira habiok kentzen.
Hernaniko Udalak ekipamendu berezia jarriko du herrian lan horretan beren borondatez aritzen diren erlezainen esku, liztorren koskadizo eta pozotik babesteko.
Bestalde, Hernaniko hainbat talderekin elkarlanean udan zuhaitzen hosto artean ikusten zailagoak diren habia handiak aurkitzeko boluntario taldeak sustatu nahi lituzke udalak.
Badira sei urte nire lehen erlezaintzako ikastaroa egin nuela. Gaur gaurkoz erlezaintza da nire ogibidea.
Lehen erleak erosi nituenean ez nekien arraza ezberdineko erleak zeudenik ere, auskalo zer erosiko nuen bakarren batek "erle beltza izango da, ezta?" galdetu zidan... [+]
Berrerarabili, zaharberritu, konpondu, eraldatu… Behar duguna baina gehiagorekin bizi garelako agian…
Erleek jaiotzetik hil arte duten joera bat da garbitzeko gaitasuna. Jaio bezain laster hasten da bera jaio den abaraska garbitzen, puskatu dituen argizari zatiak erlauntzatik kaleratzen.
Maiatzak 4 zituen, larunbatarekin. Ez zen giro bereziki beroa, baina bai, hotzik ez behintzat. Halako batean burrunda, burrunda galanta, aspaldi entzun gabekoa. Hor azaltzen da etxeko atarian erle pila, milaka erle hegan, hegada sinkronizatu dotorean, dunbots batean. Erlesemea.
Erlauntza batean erregina bakarra dagoenez eta denen ama denez, bera dela agintari esaten da, baina ez da erabat zuzena. Erregina oso garrantzitsua da, baina erabaki garrantzitsuenak erle langileek hartzen dituzte.
Eladi Balerdi erlezainaren eta Jose Manuel Atxaga erleen zale sutsuaren arteko elkarlanetik egitasmo berritzailea sortu da duela gutxi. "Arnastu erlauntzaren airea" eta "Erleen sauna" jarduerak proposatu dituzte, konbentzituta baitaude onuragarri direla... [+]
Azkainen izan da Mattin Jauregi Egonarria saioko aurkezlea eta erlezaina, mundu horretan erreferentea den Mikaela Untsainen etxean. Erleak iraun dezan gaur egun erlezainen beharra dagoela azaldu dio, erlezainik gabe galdu egingo dela. Zein oinarriren gainean lan egiten duen... [+]
Neguko inausketa sasoia gainean dugu, hemen dator epaitzeko, epaiak egiteko garaia: epaila. Aspaldi dugu epaila martxotua eta inausketa lanak noiznahi eta nolanahi egiten dira, tartean krimen izugarriak.
Erlauntzaren jaiotza erregina estali baten errutearekin hasten da. Hemen ere betikoa, arrautza ala erregina ote zen lehena…
Lehen sektorean arazoak gorantz doazela nabari da: klima krisia, kutsadura, lehengaien prezio altuak edo lursailak eskuratzeko zailtasunak…
Bertatik bizi nahi dugunok badakigu zer dagoen, badakigu zailtzen doala sektorea, baina jarraitu edo hasi nahi duen jendea ere bada... [+]
Fenomeno berezia da erlakumeena, erleen biziraupena bermatzen duen prozesu naturala. Eguraldi epelak loraldi oparoak dakarzki eta loraldien oparotasunak erleen “emantzipazioa”.
Erlezaintza dastatzeko hona errezeta: propoliz ondutako izokina pipermin eztiaz eta limoi erre kremaz.
Langileek aukeratuko duten arrautza batetik jaioko da belaunaldi berrien erregina. Erregina-jelez beterik izango du abaraska, goserik pasa ez dezan 15 egunez eta ederra eta galanta egin dadin.
Ardiak dituen edonor ahal da artzain? Edo ardiak gustuko dituen afizionatu bat besterik ez? Ez dakit non kokatu neure burua, erlezain izan nahi dut eta agian batzuentzat banaiz, baina noiz da bat erlezain?