Literaturia, gure isla da
Zarautzek hirugarren urtez jasoko du Literaturia, udaberriko letren jaialdia, maiatzaren 25etik 28ra.
“Askotan gertatzen da, irakurtzen hasi eta zeure burua deskubritzen duzu bapatean, esaldiren batean, pasarteren batean… konturatzen ez zinen alderdiren bat deskubritzen duzu. Eta Literaturiako egun horietan ere, jendeari eman nahiko genioke bere burua ezagutzeko aitzakiaren bat, ordura arte ezagutzen ez zuten alderdi hori”. Hauxe da Ana Galarragak Donostiako Kaxilda liburudendan agertu zuen asmoa. Bertan aurkeztu zuten Literaturia asteazkenean, Irati Jimenez eta Pettiren partaidetzarekin gozo hasi zen ekitaldian.
Ispiluak gai eta “Gure isla da” lelo izango dituen Literaturia letren plazarako propio prestatuta duten “Nigan, ispilu batean bezala” ikuskizunaren lagin bat aurkeztu zuten Jimenez eta Pettik. Izan ere, hauxe da jaialdiko ezaugarri nagusietako bat, elkarlan bereziak eta espreski sortutako ikuskizunak taularatzea, estreinaldiak asko.
Triangelu bat ispilu jolaserako
Hiru gune nagusi izango ditu Literaturiak. Ikuskizun nagusiak taularatuko dituen Modelo aretoa baga, liburu aurkezpenak jasoko dituen Garoa liburudenda biga, eta haurren txokoa kokaleku izango duen Musika Plaza higa.
Modelo aretotik pasako direnen artean izango dira Bea Salaberri, Katixa Dolhare, Bihotz Bakartien Kluba, Huts Teatroa, Manex Agirre, Gaizka Amondarain, Lou Topet, Iban Zaldua, Miren Gorrotxategi, Fito Rodriguez, Ramon Agirre, Amagoia Gurrutxaga, Ainara Lasa, Lorea Agirre, Josu Landa…
Garoan aurkeztuko diren liburuetako batzuk dira “Maite ditut maite”, “Argi estalia”, “Koadernoa Zuri”, “Bi aldiz erditu zinen nitaz, ama”, Kaosaren ederra”, “Surflaria eta paradisua”; 2017ko udaberrian plazaratuak, bakoitzak egilea ondoan duela.
Jon Braunen Tipia
Galarragaraken batera Ibai Ferrerak eman zituen aurtengo jaialdiari buruzko xehetasunak. Bere esanetan, “haurren gunea da aurtengo berrikuntza nagusia, konturatuak baikeunden hutsune bat genuela hor”. Guneak egitarau zabala izango du eta Musika Plazan kokatuko dute, Jon Braunen Tipia izenarekin, Imanol Urbietari omenaldi legez. “Helburua, literatura den suaren inguruan ahalik eta indio txiki gehien dantzan jartzea”, eta irakurzaletasuna bultzatzea, gozamenez.
Egitarau oparoaz aparte -aukeratu beharra izango da, ekitaldi guztietara joaterik ez baita izango-, literatura zale eta idazleen arteko topagune izan nahi duen Literaturiak aurtengo bideoa ere aurkeztu zuen atzo, duela bi aste argitaratua zuen teaserraren ondotik.
Ikus-entzunezkoetan genero fantastikora hurbiltzeko joera du Literaturiak, eta halakoxea da Iraia Elias protagonista duen aurtengo “Isla Hadi” lan ere, Hiru Damatxo ekoiztetxeko mutilek egina.
Albiste hau ZuZeuk argitaratu du eta CC-by-sa lizentziari esker ekarri dugu ARGIAra.
Bilboko Zirika! herri gunean eginen dute banaketa, ostiralean 19:00etan. Fanzine bidez eta sare sozialetan zabalduko dituzte partehartzaileen testuak, eta irabazlearena argitaratuko du ARGIAk.
Abenduaren 5ean ikasleei eta irakasleei zuzendutako tailer, hitzaldi eta ikuskizunak izango dira azokan. Dinamiken bidez sortzaileak ezagutu eta eurekin harremanetan jartzeko moduko aukera ere izango da. Edukiera guztia bete da jada ikasle goizerako. ARGIAk eskaintza zabala... [+]
Helduentzako zazpigarren lana argitaratu berri du Uxue Alberdik, hirugarrena ipuingintzan: Hetero (Susa, 2024). Zortzi narrazio bildu ditu liburuan, eta denen abiapuntua izan da memorian geratu eta “noizbait ere honi buruz idatzi behar dut” pentsarazi dion paisaia,... [+]
Esloveniako eskoletan izan duen arrakastari tiraka, Alberdania argitaletxeak Euskal Herriko ikastetxeetara ekarri du Joko Ona Denontzat irakurketa-lehiaketa: DBHko ikasleek “kalitate handiko liburuak” irakurriko dituzte taldeka, eta avatarra aukeratuta, horiei... [+]
Annie Ernaux (Lillebonne, Normandia, 1940) idazleak bere poetikaz eta horren funtzioaz egindako hausnarketak jasotzen dituen elkarrizketa-liburua euskarara ekarri du Leire Lakasta Mugetak (Iruñea, 2002): Idazketa labana bat da (Katakrak, 2024). Idazketaz, hautu estetiko... [+]
Susa argitaletxearekin kaleratu du Goikoetxeak liburu berria: Politeismo bastarta. Nobela gisa kalifikatu arren, kronika gozo eta bizia da, irakurlea Goikoetxearen pentsamenduetan barneratuko duena. Donostiako San Jeronimo kaleko sotoan egin du aurkezpena, hamarnaka lagunen... [+]
Abentura erraldoia. Salba dezagun kalejira haurrentzako liburua modu berezian aurkeztu du ARGIAk, Donostian. Haur eta guraso ugari bildu ziren Gorka Bereziartua eta Adur Larrearen ipuinaren bueltan, eta festarako, dantzarako, ipuinak kontatzeko eta maskarak marrazteko tartea... [+]
.jpeg)
Garazi Arrula (Tafalla, 1987) eta Iñigo Astiz (Iruñea, 1985) gonbidatu ditu Mikel Ayerbek (Azpeitia, 1980) Idazteaz beste euskal literaturari buruzko elkarrizketa-saioetako bigarrenera. Euskal ipuingintza izan da elkarrizketa saio honen gaia, eta gonbidatuen... [+]
Batxilergoan tutore izan nuenetik ia 10 urte pasa direla elkartu naiz Uxue Juarezekin Ur Mara museoko Toureau etxolan (Alkiza), pagoez eta Koldobika Jauregiren eskulturez inguraturik. Autoritate segitzen du izaten niretzat Uxuek, baina beste zentzu batean orain. Aurpegian... [+]
Bankan bizi den Literatura irakasle, ikerlari eta idazlea da. Irailaren hondarrean Itsasun egin zen Irailekoak poesia jaialdiaren baitan Ipar Euskal Herriko Poesiaz eman zuen hitzaldia. Besteak beste, bertan errandakoak hona ekarri nahian hasi gara harekin solasean.
Donostiako Gros auzoko erraldoi eta buruhandien konpartsak giroturiko kalejira eta dantza izango ditu lagun, ostiral honetan ARGIAk antolatu duen liburu aurkezpenak: Abentura erraldoia. Salba dezagun kalejira aurkeztuko dute Gorka Bereziartua eta Adur Larrea egileek.
Kasu Hegoaldeko begirada horri. Lehen-lehenik desmitifikatu larre berde, etxe zuri eta teila gorrien lur ederrekiko miresmen itsua, halako maitasun inkondizionala, hizkerari eta ustezko bizitzeko manerari loturiko fetitxismoa. Utz, Ruper Ordorikari sarri entzun gisan,... [+]
Mintza gaitezen klarki, itzulingururik gabe, esan beharrekoak esateko gerotik gerora ibili gabetanik: jolas hau, euskaraz letrak juntatzean datzana, Axularrek pasatu zuen. Kasik jolasa asmatu bezain laster gainera, halako moldez non Gero-ren orrialde gehienetan ematen baitu... [+]
Euskarazko Literatura Itzulpena, Saiakera Euskaraz eta Gaztelaniazko Literatura kategorietako irabazleen berri eman dute Donostiako San Telmo Museoan egin den aurkezpenean. Saiakera Gaztelaniaz saria ez ematea erabaki du epaimahaiak.