Lindano dosi altuak aurkitu dituzte Bizkaiko Jata eta Enekuriko basoetan
Ekologistak Martxan-ek egin du salaketa, zuhaitzen laginak aztertu eta gero. Erakundeen arduragabekeria salatu du. Sutea piztuz gero lindanoa gas hilgarri bilakatu daitekeela ohartarazi du.
Jata eta Enekuriko basoek lindano kutsadura maila altua dutela salatu du Ekologistak Martxan talde ekologistak. Zabortegiak egon ziren bi lur-sail horietan aspaldi. Itxi egin zituzten, eta horien gainean basoa hasi da aurretik inongo garbiketarik egin gabe. Lemoizko Jatako lursailaren kutsadura orain bi urte salatu zuen elkarteak epaitegietan: kontrolik gabe botatako 10.000 tona lindano daudela kalkulatu zuten. Ordutik ez da inongo neurririk hartu. Bilboko udalerrian dagoen Enekuriko zabortegi ohiaren kutsadura egoeraz maiatzean ohartarazi zuten. Orain, Jata eta Enekuriko basoetako zuhaitzen laginak hartu eta aztertu egin dituzte.
Emaitzak argiak direla dio Ekologistak Martxanek: “Jata eta Enekuriko basoak oso kutsatuta daude”. Jatan hartutako bi zur laginetan zur kilogramo bakoitzeko 3,14 eta 6,47 miligramo lindano topatu dute. Enekuriko bietan, 1,81 eta 3,64 lindano miligramo zur kiloko.
Arrisku ugari
Jata eta Enekuriko zuhaitzak zur industriarako ustiatzen dira. “Horrek esan nahi du pozoia esportatzen ari garela zuraren eta bere deribatuen bidez”. Deribatuen artean, paperaren ekoizpena jarri dute adibide gisa.
Segurtasun eta osasun arloan dagoen bigarren arrisku bat azpimarratu du elkarte ekologistak. Lindanoa fosgeno bilakatu daiteke sutea izanez gero. “Gas hilagarri bat, I. Mundu Gerran erabiliena, eta beste alde batera begiratzen jarraitzen dute”.
Erakundeen axolagabezia
“Konponbiderako berehalako neurriak” exijitu dizkie erakundeei Ekologistak Martxanek. Eusko Jaurlaritza legez kanpoko hondakindegi horien berri zuela salatu du, “eta 30 urte pasa dira neurri zuzentzailerik hartu gabe, ingurumenean minbizi-eragilea den produktu hau hedatzen zen bitartean”. Elkarteak lindanoaren kutsaduraren inguruko Europako Parlamentuaren txostena gogorarazi du. Horren arabera, ezer ez egitea da jarrerarik “okerrena, ingurumen arazoak sortzen dituelako, konponbidearen koste ekonomikoa handitzearekin batera”. Hori dela eta, erakundeen aurkako lege ekinbideak irekitzeko aukera ez du baztertu Ekologistak Martxanek.
Mungiako zabortegi zaharrera sartzea eragozteko neurririk ez dagoela esan dute Ekologistan Martxan-ek eta Butroi Bizirik Trantsizioan-ek.
Lindanoak eragindako kutsadurak okerrera egin du ibai eta lurzoruetan, Ekologistak Martxanek jakinarazi duenez. Kontrolik gabe isuri zen eta emaitzak orain dira ikusgai.
Ekologisak Martxan taldeak erakunde publikoetan kexa jarri du Lemoizko Jata mendian Puente Baray Forestalek egin dituen lur-mugimendu eta zuhaitz-mozketengatik. Talde Ekologistak 2019an egindako azterketak erakutsia du inguruko zuhaitz-landaretzan lindanoa dagoela eta... [+]
AMVISA udal enpesa pribatuak aurkeztutako memoriaren datuek berretsi dute Zadorrako ura lindanoarekin kutsatuta dagoela
Ekologistak Martxan talde ekologistak Filtrala plataformaren bidez jakin nahi du zein toki zehatzetan egin ziren isurketa horiek. Gai toxikoa duela urteak debekaturik dagoen arren, oraindik Espainiako Estatuko erreka askotan aurki daiteke, baita Euskal Herrian ere.
Lindano isuriak direla eta, URAk hiriari isuna jarriko diola jakin eta gutxira egin dute iragarpena.
Ekologistak Martxan taldeko ordezkariak Eusko Legebiltzarreko Ingurumen Batzordean izan dira, EH Bilduen eskariz, Espainiako Estatuan lindanoak eragindako kalteei buruzko txostena aurkezten. Europako Legebiltzarrean egindako azken bisitan talde politiko guztiek arazoari... [+]
Bizkaiko Armintza eta Bakio lotzen dituen errepidearen inguruan, Jata zabortegitik gertu, topatu dute kontrolatu gabeko isuria, Ekologistak Martxan-eko kideek zabaldu dutenez. Agintariei helarazi diete informazioa konponbidea eman diezaioten. Ertzaintza zonaldera hurbildu da.
Lindanoak Espainiako Estatuan eragindako kutsadurari buruzko txostena argitaratu du Ekologistak Martxanek, Pozoitze iraunkor eta isil baten kronika izenburupean. Taldeko bozeramaile Javier Vázquez Velascok Barakaldon aurkeztu duen txostenean azken mendean fabrikatutako... [+]
Europako Batzordeak finantzaketa lortuko luke Trapagareneko Oiolako urtegiaren arazoa konpontzeko, eskumena daukaten erakundeek behar bezalako proiektua aurkeztuz gero. Hala jakinarazi die Daniel Calleja Batzordeko Ingurumen zuzendariak Oiolako Urtegiaren Deskonexioaren... [+]
Ekozinemaldiak hamargarren edizioa du 2016an. Ekologia sozialari buruzko dokumentalak eta film luze eta laburrak eskaintzen ditu Ekologistak Martxanek antolatutako ekimenak; aurten energi eredua, klima aldaketa eta energi trantsizioa izango ditu ardatz nagusi.
Joan den azaroan Marina Albiol (Izquierda Unida) eta Josu Juaristi (EH Bildu) europarlamentarioen bisita jaso eta gero, Oiolako Urtegiaren Deskonexioaren Aldeko Plataformako zenbait kide Europako Parlamentuan izango dira martxoaren 14 eta 15ean, bertako Eskaera Batzordean... [+]
Oiolako Urtegiaren Deskonexioaren Aldeko Plataformako kideek ondo ezagun dute Europako Legebiltzarrera joateko bidea. Orain, berriz, hango diputatu biri egokitu zaie Barakaldora bisita egitea: EH Bilduko Josu Juaristi eta Izquierda Unidako Marina Albiol. Biek ala biek gertutik... [+]
Ingurumen Batzordeak onartutako legez besteko proposamenaren arabera, Eusko Legebiltzarrak zuhurtzia printzipioa aplikatzeko eta Oiolako urtegiko urik erabiltzen ez dela bermatzeko galdatuko dio Barakaldoko Udalari, kontsumorako egokia dela guztiz frogatu bitartean. Txosten... [+]