Libanon lur erasoa hasi du Israelek, herrialde gehiago bonbardatu bitartean
“Gerraren hurrengo fasea” hasi duela iragarri du Israelgo Armadak. Beirut hiriburuan, Gazan eta Sirian ere egin ditu bonbardaketak, eta Iran mehatxatu du berriz ere. AEBek jakinarazi dute soldadu gehiago bidaliko dituztela Ekialde Hurbilean dituen baseetara, Israeli laguntza emateko “behar izanez gero".
Astearte goizaldean hasi du lur bidezko erasoaldia Israelgo Armadak. Armadak azaldu du “gerraren hurrengo fasea” hasi duela, baina erasoak “mugatuak, tokian-tokikoak, eta selektiboak” izango direla. Israelek ohiko duen terminologia horretatik harago, ikusteke dago zer tamaina eta ezaugarri hartuko dituen inbasioak. Erasoaren helburua Israel iparraldeko biztanleak babestea dela ziurtatu du armada sionistak. Israelgo mugatik hurbil dauden Libano hegoaldeko 30 herritako biztanleei beren etxe eta herriak uzteko agindu die armadak, eta muga inguruan soldadu sionistek Hezbollahko kideekin “borroka biziak” izan dituztela aitortu du.
Hezbollahk adierazi du artilleria erasoak egin dituela Libano hegoaldean soldadu israeldarren aurka, eta irismen luzeko misilak bota dituela Mossad-aren eta Inteligentzia Militarraren bi egoitzaren aurka, Tel Aviv hiriburutik hurbil.
AEBen babesa
Israelgo Gobernuak adierazi du lur erasoak AEBen oniritzia duela, eta horrela baieztatu du Pentagonoak. AEBetako Defentsa idazkari Lloyd Austinek telefonoz hitz egin du Yoav Gallant Israelgo Defentsa ministroarekin: babesa eman dio eta Hezbollahren “mugako erasorako azpiegiturak” deuseztatzea beharrezkoa dela adierazi.
Gatazka armatua Ekialde Hurbil osora zabaltzeko arriskua areagotzen ari den honetan, Pentagonoko bozeramaileak astelehenean jakinarazi du “milaka” soldadu gehiago bidaliko dituztela AEBek zonaldean dituen base militarretara, Israel laguntzeko “behar izanez gero”.
Israelen erasoak eta mehatxuak hainbat herrialderi
Libanoz gain inguruko beste herrialdeen aurka ere egiten ari da Israel. Yemen igandean bonbardatu zuen. Astelehenean, Gazan, eskola bat bonbardatu zuen eta gutxienez zazpi hildako eragin, eta asteartean Zisjordanian beste bi palestinar hil dituzte soldadu sionistek. Sirian, Damasko hiriburuan aire erasoa egin du Israelek eta hiru pertsona hil, tartean kazetari bat.
Testuinguru horretan, Iran mehatxatu du berriz ere Benjamin Netanyahu Israelgo lehen ministroak: “Iran azkenik libre den egunean, eta une hori jendeak uste baino askoz lehenago iritsiko da, dena desberdina izango da!”. Eta baita Ekialde Hurbileko edozein balizko arerio ere: “Ekialde Hurbilean ez dago Israelen ahaletik kanpo dagoen tokirik”.
Gero eta bideragarritasun handiagoa hartu du –eta hartuko du– Israelen planak, palestinar herria beraien lur martirizatuetatik kanporatzeko. Iraganean Far West amerikarreko etnia indiarrekin gertatu zen bezalaxe da. Iranen aurkako gerra inoiz baino gertuago dago.
Astelehenean Manbij hiria hartu du Turkiaren babesa duen SNA Siriako Armada Nazionalak. Kurduen iraultzaren erreferente nagusia da Kobane, bertan garaitu zuten Estatu Islamikoa taldea orain zortzi urte, Rojavako Iraultzari hasiera emanez.
Tel Avivek Irango programa nuklearra erasotzea hipotesia baino gerta litekeen zerbait dela esateko, atzera begiratu du hedabide ugarik: 1981ean Iraken eta 2007an Sirian, ehiza-hegazkin israeldarrek erreaktore bana birrindu zuten. Baina aurrekari horiek ez dute zer ikusirik... [+]
Yahya Sinwar Hamaseko burua hil ondoren, Ekialde Erdiko gerrak nola jarraituko duen aurrera mintzagai da hilketaren biharamunean. AEBek, Joe Bidenen ahotik, berehala iragarri dute orain su-etenak bidea libre izan dezakeela. Bide beretik jo dute Mendebaldeko hainbat buruzagik... [+]
Azken urteetan ikusi gabeko bonbardaketa egin du Israelek Libanoko hainbat hiritan. Astelehenean, gutxienez 492 pertsona hil dituzte eta 1.645 zauritu, Libanoko osasun ministerioak emandako datuen arabera. Horrez gain, ostiralean Hezbollahren bi komandante hil zituen Israelek... [+]
Ekialde Erdia dantzan jarri dute pertsona-bilagailuak eta walkie-talkieak lehergailu bihurtu dituzten erasoek. Israel isilik da, baina inork gutxik jartzen du zalantzan erasoen atzean hura dela. Besteak beste, iraganean aritu delako jada jolas hilgarri horietan, eta akusazio... [+]
Israelek Hezbollahri egotzi dio larunbatean Golango gainetan gutxienez hamabi pertsona hil dituen bonbardaketa, baina milizia xiitak ez du bere gain hartu. Israelek Libanoko gune ugari bonbardatu ditu jasotako azken erasoaren ondoren.
Estatu palestinar bat, bi estatu edo batere ez. Horiek dira Palestinako gatazkaz aritzean irudikatzen diren irtenbideetakoak. Egungo Gazak eta Zisjordaniak osa dezakete Palestinako Estatua; edo izan daiteke Zisjordaniako A eremua bakarrik –Palestinako Agintaritzako... [+]
Azken asteetan zabalduz zihoan mehatxua geroz eta errealagoa da: Gaza erabat suntsitzen dabilen gerra Ekialde Hurbilera hedatu daiteke. Hiru lurralde dira tentsio gorenean –Hezbolaren bidez Libano, Iran eta Itsaso Gorria– eta beste batzuk ere sartu daitezke dantza... [+]
Gerra eta gezurra bat doaz eta oso gaitza da jakitea gerra batean nor zertan dabilen kazetariak edo bestelako iturriak tartean ez badira. Israelek historikoki erakutsi du ezpata dantzatzeko indarra eta gezurra maneatzeko abilezia. Orain Gaza bonbardatzen ari denean, ospitaleei... [+]
Ekialde Hurbila, K.o. II.-III. mendeak. Erromatar Inperioak 1.000 kilometro inguruko defentsa lerro bat osatu zuen ekialdeko limes edo muga zaindu eta persiar armadaren nahiz tribu nomaden erasoei aurre egiteko. Lerro hura iparraldetik hegoaldera luzatzen zen, Palmiratik egungo... [+]
Nature aldizkarian argitaratu berri duten lan batean, duela 14.000 eta 2.400 urte arteko 3.500 indibiduoren hezurrak aztertu dituzte, indarkeria seinaleen bila, egitura politikoen garapenak gizakien arteko indarkerian nolako eragina izan zuen aztertzeko.
Frantziako Barne ministroak Palestinaren aldeko protesta oro debekatu du, ordena publikoa aztoratu daitekeelakoan. Macron presidenteak adierazi du, “Palestinako kausa eta terrorismoaren justifikazioa nahasten dituztenak akats moral, politiko eta estrategikoa egiten... [+]