Libano “Gaza bezala suntsitzeko" mehatxua zabaldu du Netanyahuk
Ingelesez zabalduriko bideo baten bidez eman die abisua Israelgo Lehen ministroak: Israelgo armadarekin kolaboratu ezean, libanoarrei ere bideratuko die palestinarrek pairaturiko "sufrikarioa".
Urriaren 8an zabaldu die abisua libanoarrei Benjamin Netanyahuk: Hezbollahren aurkako gerran kolaboratzen ez baldin badute, orduan "Gaza bezala" suntsituko die herria. Erakunde xiita desagerrarazteko helburuari lotu ezean, "suntsiketa eta sufrikarioa" pairatuko luketela argi utzi die ingelesez plazaraturiko diskurtsoan.
Bere aldetik, Israelgo armadako tropei eraso egin diela jakinarazi du asteazken honetan Hezbollahk, baita eraso horien ondorioz atzera egitera behartu dituela ere. Israelgo komunikabideetan zabaldu denez, Libanotik jaurtitako suziri batek bi lagun hil ditu Israel iparraldeko Kiryat Shmona herrian asteazken honetan. Bestalde, Libanoko Parlamentuko presidente Nahib Berrik "su-etena lortzeko bideratu saiakera politikoak" sostengatzen dituela adierazi du Hezbollahren buruzagi berria den Naim Qassemek. Bizkitartean, Israelen inbasioari erantzuteko indarrez direla argitu nahi izan du erakunde armatuaren ordezkariak.
Irailaren 23an areagotu zituen Israelek Libanoren kontrako bonbardaketak eta 30ean abiatu zuen lur bidezko inbasioa. Egunez egun, Hego Libanotik kostaldera eta ekialdera zabalduz doa eraso militarra. Irailaren 8an jarri dute estatu sionistaren bandera berenganaturiko Marun al-Ras herrian. Sinbolikoki pisu handia duen urratsa da, 2006ko gerran bataila gogorra egon zelako Hezbollahren bastioi gisa ikusitako herri horretan eta bere alde erabili du irudia Israelgo Gobernuak ere, Xren bidez zabalduz lau haizetara. Bere helburua berretsi zuen asteartean Netanyahuk, X bidez zabalduriko irakurketan: "Milaka terrorista desagerrarazi ditugu; horien artean, Nasrallah, Nasrallahren ordezkoa eta ordezkoaren ordezkoa".
Israelgo iturriez fidatuz gero, Irango "gune militarren kontrako aire erasoak", "operazio sekretuak" baita "petrolio azpiegituren kontrako erasoak" bideratu nahi ditu Israelek
1.100 hildako baino gehiago eragin ditu Tsahal armadak Libanon eta beste milioi batek beren bizilekua utzi behar ukan dute irailaren 23az geroztik.
AEBetako presidente Joe Bidenekin hitz egin behar du Netanyahuk urriaren 9an. Hezbollahren kontrako erasoak zein Irani eman beharreko erantzun militarra dituzte solasagai nagusiak. Badu bi hilabete ez direla zuzenean elkarri mintzatu. Israelgo iturriez fidatuz gero, Irango "gune militarren kontrako aire erasoak", "operazio sekretuak" baita "petrolio azpiegituren kontrako erasoak" bideratu nahi ditu Israelek.
Siria ere jomugan
Badirudi Siria erasotzearen ideia ere mahai gainean duela Israelek. Hain zuzen, Damasko hiriburuaren kontrako eraso bat bideratu du urriaren 8an, "Hezbollahko goi-kargudun" bat jomugan hartuta. Gutienez bederatzi zibil hil eta beste hamaika kolpatu ditu bonbardaketa horrekin. Eraso horiek ez dira berriak, baina areagotu besterik ez dira egin iazko urriaren 7az geroztik.
Bonbardatutako eraikina Irango enbaxadatik bostehun metrotara da eta aurretik ere bonbardatu ditu inguru horiek Israelek. Azkena, urriaren 1ean, hiru herritar hil zituen.
Iranen “mehatxuari” arreta handiagoa eskaintzeko eta Gazan sarraskiarekin jarraitzeko helburuz sinatu du menia Israelek, Benjamin Netanyahuk onartu duenez, baita Hamas Hezbollahtik aldentzeko ere. Israelen aliatuen tropek "ziurtatuko" dute akordioa betetzen... [+]
Urriaren 24an 40 urte egin du preso Georges Ibrahim Abdallah libanoarrak Frantziako Estatuan. Palestinaren askatasunaren aldeko militantea, Libanoko Frakzio Armatu Iraultzailearen sortzailea izan zen, eta diplomazialari israeldar eta amerikar bana hiltzeaz akusatua da... [+]
Hezbollah jokoz kanpo uzteko aitzakiapean, Israelek Libanori eraso dio. Horren ondorioz, Ekialde Hurbileko Suitza txikia foku mediatikoan kokatu da, baina herrialde ezezaguna da oraindik. Antzinaroan, Feniziarren zibilizazio garrantzitsuaren sorburua izan zen, eta baita... [+]
Asteburuan indiskriminatuki bonbardatu ditu Gaza eta Beirut hegoaldea. 2023ko urriaren 7az geroztik, 42.600 pertsona baino gehiago hil ditu Israelek Palestinan, Gazako Osasun Ministerioak zenbatu ahal izan duenaren arabera. The Lancet aldizkari zientifikoak uztailean kaleratu... [+]
Berrogei urte eginen du urriaren 24an Georges Ibrahim Abdallah libanoarra atxilotu eta preso sartu zuela Frantziako Estatuak, eta horrenbestez Europako preso politiko zaharrena da. Palestinaren askatasunaren aldeko militantea, Libanoko Frakzio Armatu Iraultzailearen sortzailea... [+]
Azken egunetan gutxienez Nazio Batuen Erakundeko bost kasko urdin zauritu ditu Israelgo armadak, UNIFIL Nazio Batuen Libanorako Indar Behin-Behinekoak duen egoitza nagusiaren kontrako erasoetan, Naqoura herrian. Netanyahuk esan du kasko urdinak “giza ezkutu” gisa... [+]
Uri Tzafon 2023ko martxoan sortu zen, ehunka batzuk kide dira, baina milaka jarraitzaile ditu jada eta tinko jarraitzen du bere ideia nagusia saltzen: Libanoko Litani ibaitik hegoalderako lurraldea Galilearen iparraldea da, beraz, "koloniza dezagun".
Irailaren 17ko astean, Israelgo lehen ministro Benjamin Netanyahuk erabaki zuen Hezbollah-rekin Libanon zuen misil trukea beste maila batera eskalatzea, eta erabateko gerra hastea.
“Gerraren hurrengo fasea” hasi duela iragarri du Israelgo Armadak. Beirut hiriburuan, Gazan eta Sirian ere egin ditu bonbardaketak, eta Iran mehatxatu du berriz ere. AEBek jakinarazi dute soldadu gehiago bidaliko dituztela Ekialde Hurbilean dituen baseetara, Israeli... [+]
Israelek jarraitzen du Libanoko hegoaldeari eta Beiruteko hainbat auzori airez eraso egiten eta, nazioarteko eragileen deiak gero eta handiagoak badira ere, oraingoz ez da su-etenerako aukerarik ikusten.
Asteartean Beirut hiriburua bonbardatu du Israelek, aurreko egunetan erasoak nagusiki herrialdearen hegoaldean eta ekialdean egin ostean. “Ofentsiba areagotzeko” asmoa azaldu du Israelgo Armadako burua Herzi Halevik. Gerra “eskualde osora” zabaltzeko... [+]
Azken urteetan ikusi gabeko bonbardaketa egin du Israelek Libanoko hainbat hiritan. Astelehenean, gutxienez 492 pertsona hil dituzte eta 1.645 zauritu, Libanoko osasun ministerioak emandako datuen arabera. Horrez gain, ostiralean Hezbollahren bi komandante hil zituen Israelek... [+]
Ekialde Erdia dantzan jarri dute pertsona-bilagailuak eta walkie-talkieak lehergailu bihurtu dituzten erasoek. Israel isilik da, baina inork gutxik jartzen du zalantzan erasoen atzean hura dela. Besteak beste, iraganean aritu delako jada jolas hilgarri horietan, eta akusazio... [+]