Erritu-zeremonia dela esango du norbaitek, eta ez zaio arrazoirik faltako. Baina ur handiagotan murgildu baino lehen, komeniko zaio halakori gogoan izatea gure artean –gaur egun eta kanpora begira– errituekiko dugun gutxiespena, agian, beste paraje batzuetan, lehen eta orain, ez dela halakoa.
Kontua da urtero, duela 60 baino gehiagotik, martxoko lehen egunetan biltzen direla, astebetez gutxi gorabehera, aldi eta hirigune berberean baina bakoitza bere aldetik, Txinako Herri Biltzar Nazionala (3.000 kide inguru) eta Txinako Herriaren Aholku Konferentzia Politikoa (2.150 kide inguru). Lianghui, Bi Saioak. Eta erritualtasun zorrotzenarekin onesten dituztela bilduek, aho batez ia, agintetik egiten zaizkien proposamen potolo guztiak: urteko aurrekontua, helburuen zenbatekoak, aginte-arduren banaketa... Aurten, gainera, Alderdiaren XX. Kongresuaren ondorengo lehen lianghui-a izanik, erakundeetako bakoitzaren arduradun guztiak ez ezezik, Estatuaren aginte gorenaren arduradunak ere aldatu beharra suertatzen da. Eta ez da ahuntzaren gauerdiko eztula.
Erabaki beharreko guztia aurretiaz erabakita datorrenez erritu hutsa eta interesik gabeko zerbait dela dioena, ordea, oker samar ibiliko da. Alde batetik, hartuta baina argitaratzeke zeuden erabakiak bertan agertzen direlako, hitzez edo egitez. Eta sinologoei denboratarako bazka eman ohi die horrek. Oraingoz, hasi dira entretenitzen Hu Chunhua-ren inguruko gorabeherekin. Baina, beharbada, Aholku Konferentzia Politiko horretan bertan, Wang Huning nagusi berriaren eskutik etor daitezkeenak are mamitsuagoak izango dira etorkizunean.
Grinaz itxaron ohi dituzte, bestalde, ekonomia eta finantzen munduko nor guztiek lianghui-an argitaratzen diren zifra eta aurreikuspenak, epe motzera burtsan (eta horrexegatik ematen dira asteburuko jaiegun batean) eta luzexeagora askoren plangintzan duten eraginagatik. Aurtengoak (%5eko hazkundea; %3ko defizita...) "kontserbadore samarrak" omen lirateke, beste batzuontzat estratosferikoak diruditen arren. Baina Txinak munduko ekonomiaren gurdia buxaduratik atera beharko duela espero duenarentzat, litekeena da gutxitxo iruditzea.
Hala ere, 2023ko lianghui horretan eman diren zifren artean bada bat, kontserbadore samarra dirudien arren, batzuek jada asaldagarritzat hartu dutena: gastu militarra %7,2 gehituko du Txinak 2023an, 225 mila milioi dolarrekoa izateraino, 2020tik dakarren hazkunde-ehunekoa motelduz baina hazkunde ekonomikoaren dezente gainetik haziz.
Agian, Ameriketako Estatu Batuek bere defentsa-aurrekontua 850 mila milioi baino gehiagoraino eraman ondoren, beste zerbait esperoko zuen norbaitek.
2021etik 2025era isuriak %15ean murriztu behar zituen industriak. Ursula Von Der Leyenek automobilgintzaren sektorearen eskutik ekintza plan bat aurkeztuko du martxoaren 5ean. Oraindik erabakia hartua ez badago ere, Europar Batasunak sektorearen eskaerak onartuko dituela diote... [+]
Silicon Valley-ko oligarkia AEBetako gobernura iritsi berritan lehertu da adimen artifizialaren (AA) burbuila. Txip aurreratuen erraldoia den Nvidia-k urtarrilaren amaieran izandako %16,8ko balio galera, egun bakar batean inoiz izan den burtsa balio galerarik handiena da... [+]
Otsailaren 17an Txinako Alderdi Komunistaren arduradun gorenak bildu ziren bertako enpresa pribatu handienen zuzendari nagusiekin. Ez da ohikoa aldi eta areto berberean Huawei, BYD, New Hope, Tencent, SWSC, Yushu, Xiaomi edo DeepSeek bezalako konpainien nagusi gorenak bilduta... [+]
Bi herrialdeekin arma nuklearrei buruz hitz egin nahi du AEBko lehendakari Donald Trumpek, ostegun honetan bere bulegoan kazetariei jakinarazi dienez.
Iazko azken hatsean Txinako gobernuak Yarlung Zangbo ibaiaren behe-arroan proiektu hidroelektriko handia abian jarriko duela iragarri izanak, urak harrotu ez, sutan jarri dituela dirudi gure artean. Esan dezakegu alarmaren eskala osoa kurritu dutela iruzkinek: munduko handiena... [+]
Donald Trumpek agindutako muga-zergak indarrean sartu dira: Kanadak eta Mexikok %25ekoak izango dituzte eta Txinak %10ekoa. Kanadak zifra bereko arantzelekin erantzungo du. Mexikok arbuiatu du AEBko Gobernuak esan izana organizazio kriminalekin loturak dituela herrialde horrek... [+]
ChatGPT ez da dagoeneko "hainbesterako". Lehiakide biziago, eskuragarriago eta merkeago bat jarri zaio parean AEBetako eta mundu mailako liderrari: enpresa txinatar baten eskutik ikusi du argia DeepSeekek. Dantzan jarri da mundua, eta ez espresuki onerako. Mikrotxipen... [+]
Garai aproposa izaten da urteburua iraganeko lorpenak goraipatzeko eta, are gehiago, etorkizuneko asmo-usteak aldarrikatzeko. Eta halatsu da Txinan ere, alafede. Bide batez, ez da harrigarria abenduko azken orduetan, aurreikusitako planari aurrea hartuz, Xinjiangeko Urumqi-Yuli... [+]
2018ko martxoaren lehena zen, bere lehen agintaldiaren lehen laurdena burututa, Donald Trumpek pentsaera politiko-ekonomikoaren lagin gardenena utzi zigunean: “Merkataritza-gerrak onak dira, eta irabazten errazak”. Orduantxe abian jartzear zituen altzairu eta... [+]
Ipar hemisferioan ikasturtea hastearekin batera izan ohi den albiste-zaparradan argitaratu zen duela astetxo batzuk: aspaldiko urteetan ez bezala, txinatar jatorriko ikasleak (275 milatik gora) ez dira jada ugarienak Estatu Batuetako unibertsitateetako atzerriko ikaslerian;... [+]
Argazkia bai, ala argazkia ez? Oraintxe bertan, ez dago argi Rio de Janeiron hasi berri-berria den G20aren goi bileran argazkia izango ote dugun ala ez. Bertaratu diren agintari gorenen “familia-argazkia”, alegia. Horrelakoetan arauzkoa bihurtu dena: turista... [+]
Mundu mailako inperioaren urbs estatubatuarra –eta haren periferiako lurbira osoa– Donald Trumpen bigarren agintaldirako kontuak ateratzen ahalegintzen ari garenean, tentsioak gorabidean jarraitzen du datozen lau urteetan, zalantzarik gabe, arreta-gune nagusietakoa... [+]
Kontinente zaharrak gerra komertziala plantatu dio Txinari, auto elektrikoen merkatu europarra porrot historiko eta irrigarri izatetik gertu dagoelako. Txinatarren errua omen, kotxe elektriko europarrak bi aldiz garestiago izatea haienekin alderatuta. Min egiten dietena da... [+]
Zeurea ez dela –eta ez duela izan behar– deritzozun herrialde bateko gertakari historikoa izan al daiteke nonbaiteko festa nazionalaren sorburua? Bai, horixe. Gertatu ere gertatzen da Taiwanen: “Hamar Bikoitzean”, alegia, urriaren 10ean ospatzen da... [+]