Lesbosko haurrei oparitzeko jostailuak bilduko dituzte Donostian
2021ean ere, milaka errefuxiatuk harrapatuta eta pilatuta jarraitzen dute Greziako Lesbos irlan, Europako kanpalekurik handienean. Bertako haurrei jostailuak oparitu asmoz, Zaporeak elkarteak eta Donostiako Morlans auzoko bizilagunek ekimena jarri dute martxan: auzo elkarteko lokalera jostailuak eraman ditzakezu, Lesbosko umeek haiekin jolasteko.
Urtarrilaren 8an eta 15ean (datozen bi ostiraletan) egingo dute jostailu bilketa, Morlansko auzo elkartean, 17:00etatik 19:00etara.
Berez latzak dira Lesbosko kanpalekuan dituzten bizi-baldintzak, baina 2020a bereziki gogorra izan da, pandemiak eraginda batetik, eta sutea jasan zutelako bestetik: pasa den irailean, Moriako kanpalekua erre zen Lesbosen, eta jende andanak kale gorrian igaro zituen gau eta egunak, errepide ertzean botata askok, gose eta egarri.
Larrialdi egoera horretan, errefuxiatuei jaten ematen dien Zaporeak elkarteak laguntza ekonomikoa eskatu zien Euskal Herriko herritarrei, eta dirua biltzeko emanaldia ere antolatu zuten. “Badakigu askotan esaten dugula, baina ez gara errepikatzeaz nekatuko: hemen egiten dugun lana zuen ekarpenei esker da posible”, adierazi izan du Zaporeakek.
“Kontzentrazio-esparru berria” Lesbosen
Sutearen ostean, Lesbosen bigarren kanpaleku bat egin dute, baina egoera ez dela aldatu eta akatsak errepikatu direla azaldu zuen elkarteak: izan ere, errefuxiatuek ez dute halakorik nahi, ez dute berriz ere beste kontzentrazio-esparru batean bizi nahi, aurreko kanpalekuan zituzten baldintzetan. “Moriakoa tortura-gune gisa definitu izan dugu, ez zituztelako gutxieneko baldintzak ere, ez higienerako, ez bestela”.
Calabriako (Italia) kostaldetik 120 miliatara hondoratu da astelehenean ontzi bat eta erreskate lanetan, haurdun zegoen emakume bat hil da. Libiatik gertu beste ontzi batean, ura sartu eta hamar pertsona hil dira sotoan. Desagertuen artean gutxienez 26 ume daude.
Ekainaren 16an Britainia Handiko BBC telebista kateak publiko egin duenez, Greziatik Europara joan nahi zuten pertsonak modu basatian hil izan dituztela frogatzen duten lekukotasunak bildu dituzte. Greziako uretatik irten eta brankatik behera itsasora bota dituzten bederatzi... [+]
Europar Batasunean berriki onartu den Migrazio Itunak, asko zaildu dizkie gauzak euren herrialdetik ihesi doazen eta asiloa eskatzen duten pertsonei. Eskuin muturraren tesiak ogi tartean irentsita, migratzaileentzako kontrol neurri zorrotzagoak onartu dituzte Estrasburgon,... [+]
Europar Batasunean migrazio politika gogorragoa ezartzeko ituna onartu du euroganberak, zortzi urtetako negoziazioen ondoren. Hala, eskuin-muturraren ideiei men egin eta arau baztertzaileak erabili ahal izango dituzte hemendik aurrera herrialdeek, kontrola areagotzeko eta... [+]
Migratzaileen kopurua anitz emendatu da Irun eta Hendaia arteko pasabidean. Irungo Harrera Sareak ohartarazi duenez, otsailean 600 pertsona lagundu dituzte, iaz, urte osoan 2.700 izan zirelarik. Iragan urtarrilean, 2.700 etorkin heldu dira Kanariar Uharteetara, egunero 80... [+]
Caminando Fronteras gobernuz kanpoko erakundeak “Monitoreo Derecho a la Vida” txostenaren edizio berrian egindako balantzea da: 6.618 hildako izan dira mendebaldeko Muga Euroafrikarrean; horien artean, 384 haur.
Europako Justizia Auzitegiak (EBJA) erabakia hartu du mugako barne-kontrolak berrezartzeko Frantziako Gobernuaren politikari buruz. Bidasoaren mugan ohikoak diren zenbait praktika. hala nola muga igarotzeko debekuak eta berehalako itzulketak, ez direla legearen araberakoak... [+]
2021eko abuztuaren 15ean, talibanek Kabul mendean hartu zutenean, milaka afganiar ihes egiten saiatu ziren. Soilik hilabete hartan, 35.000 pertsona baino gehiagok zeharkatu zuten Pakistango muga, eta 2022. urtea hasi orduko 145.000 ziren beste aldean. Aldiz, gertakari horien... [+]
Ongi Etorri Errefuxiatuak plataformak urteroko Marea Horia izeneko mobilizazioa egin du zapatuan, Plentzia eta Gorlizko hondartzetan. Horietan bildutako lagunek salatu dute mundu osoko milioika pertsonak, euren jatorrizko herrialdeak utzi eta Europara iritsi nahian,... [+]
Zalaparta sortu du Libia eta Tunisiako mugako basamortuan hilik ikus zitezkeen ama alaba batzuen argazkiak. Migratzaileak zenbaki gisa tratatu arren, Fati eta Marie izena zuten pertsonak ziren.
2005. urtean 6,5 milioi euroko aurrekontua zuen Mugen eta Kosten Europako agentziak. 2022. urtean, berriz, 750 milioi eurotik gora jaso zituen erakunde publikoetatik. Migratzaileen kanporaketak gauzatzera bideratutako diru-partidak %480 handitu dira azken bi urteetan.
Marokotik irten ondoren migratzaileek zortzi egun eman dituzte itsasoan noraezean, larunbatean hondoratu arte.