Lesboseko errefuxiatuei jaten eta edaten ematen jarraitzeko laguntza eskatu du Zaporeak elkarteak
Suteak Moriako errefuxiatuen kanpalekua erre ostean, “beste zelai bat ireki dute Lesbos irlan, baina ez da nahikoa kale gorrian dagoen jende andanarentzat, errepide ertzean botata daude asko, eta gose eta batez ere egarri dira”, salatu dute Zaporeak elkartetik. Larrialdi egoeran, laguntza ekonomikoa eskatu diete herritarrei, eta Larrialdi Emanaldia antolatu dute irailaren 19rako.
Jendea orain sakabanatuta dagoela eta laguntza lanetan desordena handiagoa dela adierazi du Malen Garmendia Zaporeak proiektuko kideak ETBn. Beste hainbat gobernuz kanpoko erakunderekin batera jaten eta edaten ematen diete errefuxiatuei, baina egungo egoera berezian ez da erraza izaten ari.
Hala, laguntza ekonomikoa eskatu du Zaporeakek. “Batez ere ura lortzea eta jendeari ura helaraztea da gehien kostatzen zaiguna”. Hainbat kontu korronte eman dituzte eta horrez gain, Larrialdi Emanaldia antolatu dute, dirua lortzeko asmoz. Orain arte aurreratu dutenaren arabera, larunbat eguerdian Donostian izango da emanaldia eta Mursego, Amets Arzallus, Anari, Harkaitz Cano, J Martina, Juantxo Arakama, Beñat Gaztelumendi, Maialen Lujanbio, Ibon RG, Jose Luis Otamendi eta Jule Goikoetxeak hartuko dute parte.
Berriz ere beste tortura gune bat ari dira eraikitzen
Egoera ez dela aldatu eta akatsak errepikatzen ari direla azaldu du Malen Garmendiak: irlan kanpaleku berri bat egiten ari dira, baina errefuxiatuek esana dute jada ez dutela halakorik nahi, ez dute berriz ere beste kontzentrazio-esparru batean bizi nahi, aurreko kanpalekuan zituzten baldintzetan. “Moriakoa tortura-gune gisa definitu izan dugu, ez zituztelako gutxieneko baldintzak ere, ez higienerako, ez bestela”, salatu du Garmendiak, eta giza-eskubideak urratzen direla gehitu du.
Igandean egin du erreskatea Aita Mari salbamendu ontziak. Azaldu dute Siriatik etorritakoak direla gehienak, baina badaudela haien artean Egiptotik, Nigeriatik eta Bangladeshtik etorritakoak ere. Aita Mari ontziari Ravennako portuan lehorreratzea agindu dio Italiako... [+]
Calabriako (Italia) kostaldetik 120 miliatara hondoratu da astelehenean ontzi bat eta erreskate lanetan, haurdun zegoen emakume bat hil da. Libiatik gertu beste ontzi batean, ura sartu eta hamar pertsona hil dira sotoan. Desagertuen artean gutxienez 26 ume daude.
Ekainaren 16an Britainia Handiko BBC telebista kateak publiko egin duenez, Greziatik Europara joan nahi zuten pertsonak modu basatian hil izan dituztela frogatzen duten lekukotasunak bildu dituzte. Greziako uretatik irten eta brankatik behera itsasora bota dituzten bederatzi... [+]
Europar Batasunean berriki onartu den Migrazio Itunak, asko zaildu dizkie gauzak euren herrialdetik ihesi doazen eta asiloa eskatzen duten pertsonei. Eskuin muturraren tesiak ogi tartean irentsita, migratzaileentzako kontrol neurri zorrotzagoak onartu dituzte Estrasburgon,... [+]
Europar Batasunean migrazio politika gogorragoa ezartzeko ituna onartu du euroganberak, zortzi urtetako negoziazioen ondoren. Hala, eskuin-muturraren ideiei men egin eta arau baztertzaileak erabili ahal izango dituzte hemendik aurrera herrialdeek, kontrola areagotzeko eta... [+]
Migratzaileen kopurua anitz emendatu da Irun eta Hendaia arteko pasabidean. Irungo Harrera Sareak ohartarazi duenez, otsailean 600 pertsona lagundu dituzte, iaz, urte osoan 2.700 izan zirelarik. Iragan urtarrilean, 2.700 etorkin heldu dira Kanariar Uharteetara, egunero 80... [+]
Caminando Fronteras gobernuz kanpoko erakundeak “Monitoreo Derecho a la Vida” txostenaren edizio berrian egindako balantzea da: 6.618 hildako izan dira mendebaldeko Muga Euroafrikarrean; horien artean, 384 haur.
Europako Justizia Auzitegiak (EBJA) erabakia hartu du mugako barne-kontrolak berrezartzeko Frantziako Gobernuaren politikari buruz. Bidasoaren mugan ohikoak diren zenbait praktika. hala nola muga igarotzeko debekuak eta berehalako itzulketak, ez direla legearen araberakoak... [+]
2021eko abuztuaren 15ean, talibanek Kabul mendean hartu zutenean, milaka afganiar ihes egiten saiatu ziren. Soilik hilabete hartan, 35.000 pertsona baino gehiagok zeharkatu zuten Pakistango muga, eta 2022. urtea hasi orduko 145.000 ziren beste aldean. Aldiz, gertakari horien... [+]
Ongi Etorri Errefuxiatuak plataformak urteroko Marea Horia izeneko mobilizazioa egin du zapatuan, Plentzia eta Gorlizko hondartzetan. Horietan bildutako lagunek salatu dute mundu osoko milioika pertsonak, euren jatorrizko herrialdeak utzi eta Europara iritsi nahian,... [+]
Zalaparta sortu du Libia eta Tunisiako mugako basamortuan hilik ikus zitezkeen ama alaba batzuen argazkiak. Migratzaileak zenbaki gisa tratatu arren, Fati eta Marie izena zuten pertsonak ziren.
2005. urtean 6,5 milioi euroko aurrekontua zuen Mugen eta Kosten Europako agentziak. 2022. urtean, berriz, 750 milioi eurotik gora jaso zituen erakunde publikoetatik. Migratzaileen kanporaketak gauzatzera bideratutako diru-partidak %480 handitu dira azken bi urteetan.