Lesbianismoaz eta ultraeskuinaz mintzo den ‘Lesvia’ dokumentalak irabazi du Zinegoakeko sari nagusia
Epaimahaiaren esanetan, dokumentala beharrezkoa da "bizikidetzari espazioa emateko", eta era berean, ez ahazteko urte luzez lesbianismoak ez duela ikusgarritasunik izan. Filminen dago ikusgai.
Bilboko LGTBIQ+ 21. Nazioarteko Zinema eta Arte Eszenikoen Jaialdi den Zinegoakek edizio honetako sariak iragarri ditu asteon, Harrotasunaren Eguna iragan berritan. Antolatzaileek nabarmendu dutenez, memoria lesbikoak eta ultraeskuinari erresistentziak eta borrokak izan dira palmaresaren protagonistak.
Sari nagusia Tzeli Hadjidimitriou zuzendariaren Lesvia dokumentalak bereganatu du, epaimahaiaren arabera, gaia bete-betean datorrelako ultraeskuinaren gorakadaren eskutik neurri lesbofoboak gero eta gehiago hartzen diren garai honetan.
Horrez gain, saria bereganatu ez badu ere, Joris Lachaiseren Transfariana lanari aipamen berezia egin nahi izan dio epaimahaiak: "Ezinbestekoa da pelikula hori ere ikustea, maisutasun handiz erakusten duelako FARC taldearen borroka marxista eta militarizatua bat eginda aritu zela transfeminismoarekin, sistema eraldatzeko grinez".
Gainontzeko palmaresa
Lesvia dokumentalaz gain, sari gehien jaso dituen lana Lilla Halla zuzendariaren Levante filma izan da. Sari bi jaso ditu: Aniztasuna eta Giza Eskubideen saria eta Lesbianismo eta Generoaren saria. Honakoa nabarmendu diote: "Genero-aniztasuna irudikatzen du eta zaintza-sarea erdigunean jarri, eskubideen galerari erantzuteko eta faxismoak aurrera egin ez dezan".
Fikzioen sailean, Levan Akninen Crossing pelikulak irabazi du, Istanbul (Turkia) zaratatsuaren erretratu bikaina egiten duelakoan. "Pertsonaia guztiak elkarren artean bilatzen ari direla ematen du, baina batik bat euren buruaren bila ari dira".
Narratiba berriei loturik, Lisa Gerig zinegilearen The Hearing saritu dute. Europako migrazio gaiak lantzen ditu filmak, eta migrazio horien barnean, kuir edo ez kuir, bizi duten drama soziala jorratu.
Publikoaren saria, azkenik, Elsa Aloisioren Au bord de nos nuits blances lanak irabazi du, zeinak sexu langileen eta trans emakumeen erresistentzia eta sororitatea kontatzen dituen.
'Queertopia' da aurtengo Zinegoak jaialdiaren izenburua. Queertopiek erakusten dute posible dela errealitate ezberdinak harremanetan jartzeko espazioak sortzea. Alaitz Arenzana jaialdiko zuzendariarekin eta Julen Nafarrate komunikazio arduradunarekin duela 21 urte Bilbon... [+]
Zinegoak, Bilboko LGTBIQ+ 21. nazioarteko zinema eta arte eszenikoen jaialdia, ekainaren 24tik uztailaren 1era egingo da. Jaialdiaren barruan, bigarren urtez, Bizi Bisexualitatea proiektuak bere tokia izango du. Egitasmo horrek bisexualitatea eta euskal kultura uztartzen ditu... [+]
Rita Baghdadiren Sirens dokumentalak irabazi du 2023ko Zinegoak Sari Nagusia, eta Dania Bdeir-en Warsha-k Publikoaren Saria eta Senior Epaimahaiaren Saria. Saridun gehienak emakumeak izan dira. Jarraian saritutako lanen zerrenda.
Aktore, gidoilari eta zuzendariak gai politiko eta sozialak lantzen dituen fikziozko filmak egiten ditu, Mexikoko bere komunitatean oinarrituta.
Bilboko LGBTIQ+ zinema eta arte eszenikoen jaialdia ekainaren 23tik uztailaren 3ra egingo dute. Hamasei film luze eta 25 labur dituzte programazioan, beste hainbat jarduerarekin batera.
Albertina Carri zinemagile eta ekintzaile argentinarrak otsailaren 28an jasoko du Ohorezko Saria, Zinegoak LGTBI+ zinema eta arte eszenikoen jaialdiaren inaugurazio ekitaldian, Bilboko Arriaga antzokian. Aurtengo edizioan Carriren obrari buruzko ziklo berezia eskainiko da.
“Marioker”, “Lumatza”, “Kuir”, “Soropila” edo “Kapaza” hitzek osatu dituzte Zinegoak LGTBI+ jaialdiaren aurtengo kartelak. Inposatutako etiketarik gabe, "gure burua nahi dugun moduan berrizendatzeko, erakusteko eta... [+]
Zinegoak, Bilboko Gaylesbitrans Nazioarteko Zinema eta Arte Eszenikoen jaialdiak 18. edizioa aurkeztu du astearte honetan, Bilborocken antolatutako prentsaurrekoan. Aurten, martxoaren 1etik 14ra bitartean ospatuko da eta era presentzial zein birtualean jarraitu ahal izango... [+]
Film bat ikusten dugunean, nork zuzendu duen jakiteak testuinguru bat ematen digu. Zuzendaria ezagutu ez arren. Susmagarri gertatzen da, adibidez, Palestinako egoeraren inguruko filma AEBetakoa izatea, edo sexu-erasoa kontatzen duena gizonezko batek zuzendutakoa izatea. Elkarren... [+]
Zuzendari frantsesak otsailaren 28an jasoko du Zinegoak jaialdiaren 18. edizioko ohorezko saria Bilbon.
Aurtengo Bilboko Gaylesbitrans 18. Nazioarteko Zinema eta Arte Eszenikoen Jaialdia modu presentzialean eta birtualean ospatuko da. Jaialdiak egoitza ofiziala Lekeition izango du eta hainbat jarduera antolatuko dira bertan, Bilbon jaialdia ospatzen den bitartean.
Erasoa Zinegoak jaialdiaren baitan antolatutako Artefactos contra la lesbofobia [Lesbofobiaren aurkako artefaktuak] ekimenean jazo zen. Gizonezko argazkilari batek fisikoki zein hitzez erasotu zituen hainbat parte hartzaile eta langile bat.
Bere buruaz beste egin zuen Ekai nerabeari buruzko Mi pequeño samurai dokumentalaren estreinaldiak irekiko du aurtengo Zinegoak jaialdia: transexualitatearen gaineko tabuak apurtu eta kontzientziatu egin nahi dute filmeko zuzendariak eta Ekairen gurasoek.
Kartelaren protagonista bi emakumeen arteko maitasun istorioa da. Emakume bat cis da, bestea trans. Mar Saez argazkilaria da kartelaren egilea.
GIB birusaren estigmatizazioaren aurka egiteko, sormen artistikoaren balioa aldarrikatuko du Zinegoak Elkarteak abenduaren 4an eta 5ean egingo den VIHsible Zinema Zikloan.