“Defendatzen dituzten ideiak batzordea osatzen dugun talde aunitzen lan ildoarekiko erasokorrak dira”
Lesakako Txozna Batzordeak gutun bat idatzi du Lesakako herriari zuzendua, astelehenean GKSk zabaldu ostean herri horretan ere "beto politikoa" jasan dutela. "Zaila egiten zaigu ulertzea zergatik dagoen Txozna Batzordean parte hartzeko interesa, bertan dauden taldeen gehiengoaren kontrako diskurtso irmoa baldin badago", adierazi dute.
Gedar.eus atarian irakur daiteke astelehenean GKS-k salatu duela ez dietela utzi Lesakan txosnarik jartzen. Honela diote: "Txosna batzordean sartzeko interesa agertu genuenean, Sorturen aginduz, GKSk txosnetan parte hartzea debekatua zeukala jakinarazi ziguten. Azalpen eske joan ginenean, erantzuna birplanteatuko zutela erran ziguten, eta hala, bigarren proposamen bat egin ziguten txosna batzordetik: zortzi orduko txanda bat egitea xox batzuen truke, baina ez eragile moduan". Hainbat ondorio zuzen ditu, gainera, eragile gisara parte ez hartzeak: "txosna batzordeko erabakietan parte hartzea, txanda gehiago egin ahal izatea, propaganda jartzea eta abar ukatu zaizkio GKSri".
"Beraien menpe jarri, beraien baldintzak onartu eta GKS ikusezin egitea izan dute helburu", salatu dute GKSko kideek. "Bi aukera eman dizkigute, beraz", diote: "onartezina den proposamen bat onartzea edo txosnarik gabe geratzea. Eta modu horretan, orain arte espazio irekia izan den txosnagunea pribatizatu du Ezker Abertzaleak".
Lesakako Txozna Batzordearen erantzuna
Lesakako herriari zuzendutako gutunean, Txozna Batzordeak bere bertsioa eman du. "Txozna Batzordearen parte izan dira ildo politikoko eragileak, baina, noski, baita kirola, kultura, feminismoa, euskara edo arte sorkuntza oinarri duten eragileak ere. Gunea erabat irekia eta parte hartzailea izateko lesakar aunitzek lan egin dugu. Gure herri ttikia bizirik mantentzeko urtean zehar lan egiten ari diren aunitzek sanferminetan ere beren alea jartzen dute txoznagunea mantentzeko", diote.
Azaldu dute ez dutela ulertzen GKSren idatzia. "Ez baita inondik inora Lesakan dugun errealitatearen isla. Nazio mailan dagoen gatazkaz jakitun izanik ere, GKSko kideekin elkartu gara adostasun batera ailegatzeko asmoz, herriarentzat onena dela iritzita. Kontuan hartzeko modukoa da, alde batetik, Txozna Batzordearen jarduna urte hasieran hasten dugula, eta eskaria azkeneko aste hauetan egin dutela, Sanferminak prestatzeko lan gehienak eginak daudenean. Eta, bertzetik, berriz, defendatzen diren ideiak batzordea osatzen dugun talde aunitzen lan ildoarekiko erasokorrak direla uste dugu. Zaila egiten zaigu ulertzea zergatik dagoen Txozna Batzordean parte hartzeko interesa, bertan dauden taldeen gehiengoaren kontrako diskurtso irmoa baldin badago".
Amaitu nahi izan dute esanez argi utzi nahi dutela "une oro prest egon garela elkarlanean aritzeko", beren konpromisoa Lesakarekin eta Lesakako Sanferminekin dutela. "Urtez urte erakutsi izan dugu, eta hori da etorkizunerako gure nahia ere. Hortaz, batzordea osatzen dugun eragile guztiok, besta herrikoi, parte hartzaile, euskaldun eta feministan parte hartzera gonbidatzen zaitugu".
Atzo hasi ziren zabaltzen Iñaki Castro musika teknikariaren kontrako salaketak '@denuncias_euskalherria' kontuan, eta dagoeneko dozenatik gora emakumeren testigantzak bildu dira.
Epaiketa prozesua abiatu du ostegun honetan gazte antolakundeak. 2023an egindako bi ekimenen ondorioz 290.500 euroko zigor ekonomikoa jarri dio Eusko Jaurlaritzak. Ekonomikoki "ito eta desagerrarazteko" mekanismoa dela salatu du Ernaik.
Gutxi ateratzen naiz azken urteetan. Askotan esan dut, badakit, baina badaezpada ere. Bertso saio batera joan naiz gaur. “Bejondeizula”. Bai, horregatik abisatu dut gutxi ateratzen naizela, pentsatzen dut zuek kultur ekitaldi askotara joaten zaretela, eta... [+]
Milaka lagun bildu dute Indarkeria Matxistaren Kontrako Egunean deitutako manifestazio eta elkarretaratzeek. Gizon, hedabide eta erakundeei zuzendu zaie Mugimendu Feminista.
.jpeg)
Paris 365 elkarteak 15 urteurrena ospatu zuen larunbatean Geltokin. 15 urte gosariak, bazkariak eta afariak egunean euro baten truke zerbitzatzen urteko 365 egunetan horren beharra duten guztiei. “Atsedenik gabe”, azpimarratu nahi izan zuten bezala. Horrez gain,... [+]
Azken asteetan albiste izan da Gasteizko Errota auzoa, urriaren 8az geroztik delinkuentziaren aurkako eta segurtasunaren aldeko mobilizazioak egiten baitituzte zenbait auzokidek asteartero, bi lonja huts okupatu zituzten gazte migratzaile batzuk jo-puntuan jarrita. Inguruan... [+]
Zestoako Iraeta auzoko Amilibia baserria eta lurra kolektibizatzeko 100.000 euro batzea falta du Amillubi proiektuak, lehen urte honetan 310.000 euro eskuratu baititu. Biolurrek abiatutako proiektu agroekologiko honek dagoeneko jarri du lurra martxan, sektorearen beharrei... [+]
Udan izandako indarkeria kasuen gorakada batetik, eta hainbat gizonezkok mugimendu feministak antolaturiko ekitaldiak boikotatu dituztela bestetik, Bortziriak, Xareta, Azkain, Bertizarana, Malerreka eta Baztango mugimendu feministek, erakunde publikoen konpromiso irmoa exijitu... [+]
Atxuriko irakasle eta ekintzaile batek uko egin dio akordioari kontzientzia arrazoiak direla eta. Voxek bost urteko kartzela-zigorra eskatzen du auzokidearentzat, Fiskaltzak aldiz zazpi hilabeteko espetxe-zigorra hauteskunde-delituagatik eta hiru hilabeteko isuna mehatxu... [+]
Euskarari Puzka azken kanpainan 16.000 saski saldu dituzte, eta euskararen alde lan egiten duten elkarteentzat bideratuko zaie lortutako etekina.
Azaroaren 20an Donostiako Le Bukowski tabernan abiatuko dute elkarlanean egindako jaialdia. 40 artista, aktibista, pentsalari eta kolektibok hartuko dute parte. Amaiera Gasteizen izango da, ZAS espazioan.
Korrika kari, 36 migratzaileri muga trabeskatzeko laguntza bideratzeagatik epaituko dituzten zazpi ekintzaileei elkartasuna adierazteko batu dira hainbat eragile J´accuse [Salatzen dut] kolektiboan. Urtarrilaren 26an eginen dute manifestazioa Irungo Ficobatik Hendaiara... [+]
Palestina, mediatikoki aurkeztua ez den bezala, aipatu zen joan den larunbatean Makean, mintzaldi, tailer, merkatu eta kontzertuen bidez.
Asteburu honetan Euskalduna Jauregian Euskadiko Etxebizitza eta Dekorazio Higiezinen-aretoa egon da. Sustatzaile eta higiezinen agentziek eraikuntza berriko promozioak eta bigarren eskuko etxebizitzak eskaini dituzte partikular eta profesionalen erosketa eta inbertsiorako... [+]
Egin berri dira Euskal Herriko Emakume* Abertzaleen Topaketa Feministak, azaroaren 16an, Laudion. Trantsizio feminista dimentsio guztietan lelopean 500 feminista elkartu ziren. Egun osoz amets egin zuten, utopiak lortzeko bidea marrazteko eta mugimenduko kideak ilusioz betetzeko.