Lekeitioko konbentu zaharra okupatu dute herriko gazteek
Herriko konbentu zaharra okupatu zuten hainbat herritarrek igandean Lekeition. Eraikina publikoa da eta 2004tik hutsik zegoen.
Okupazioaren parte izan direnen esanetan, “herriaren beharrizanak asetzeko erabiliko da” eraikina. Bestetik auzokideen elkarbizitzarako arau batzuk jartzeko prestutasun osoa azaldu dute.
Ekainaren 29an beste eraikin bat okupatu zuten hainbat lagunek. Egun batzuetan konponketak egiten ibili ostean, ertzaintzak kanporatu egin zituen.
Lekeitioko hainbat herritarren oharra:
SANTA RITA ZABALIK!
Gaur, abuztuak 4, lekittar talde batek Santa Ritako konbentu zaharreko atiak ireki doguz.
Eraikinean gaztetxe bat zabaldu dogu; halan da be, ez da gazteontzako mugatutako gune bat izango, izan be, gure asmua, herritar guztijek parte hartzeko aukeria eukiko daben leku bat bermatzia izan da eta.
Ekainaren 29an beste eraikin huts bat hartu genduan, eta lau egunen buruan, legez kanpoko operazio polizial batek atiak zarratu ebazan. Besuak gurutzatuta geratu biharrian, alternatiba egokiago bat aurkitu dogu:
Udalaren eskuetan dagoen komentu zaharra 2004. urtetik hutsik eta erabilera barik egon da, eta guk, herriaren beharrizan bat asetzeko gai badela erakutsi nahi dogu.
Herri osoaren proiektua izanda, hasieratik argi utzi nahi dogu auzokideekin elkarbizitzarako arau batzuk zehazteko prestutasun osoa daukagula; Euskal Herriko Kultur Ondarearen Zerrendan dagon eraikina izanik, edozein proposamen jasotzeko zabalik gaoz.
Hala bada, Abuztuak 5ian, 10:00 etan eta 19:00 etan, Asanblada zabala deitu dogu, ekarpen danak batzeko asmoz.
Bertan behera geratu da Barakaldoko epaitegian egingo zen Sastraka Gaztetxeko bederatzi kideren aurkako epaiketaren ahozko saioa. Akusatuen defentsak egozten zaien okupazio delitu arinaren preskripzioa planteatu du, eta Fiskaltzak karguak erretiratu ditu.
Urtebetez egon da Gasteizko Alde Zaharreko frontoi okupatua itxita, 2023an kazkabar ekaitz batek teilatua apurtu ostean. Pozik daude pilotalekua kudeatzen duen Txapa Ahotsa asanbladako kideak, konponketa prozesuak erakutsi dielako pilotalekua “espazio garrantzitsua”... [+]
Dutxa Etxea zena 2013an itxi zuten Javier Marotoren alkatetza garaian, “integrazio arazo bat” zela argudiatuta. Uztailaren 22an auzoko zenbait eragile eta bizilagun Alde Zaharreko lokalean sartu ziren Herri Labanderia izeneko garbitegia martxan jartzeko. Udaltzaingoa... [+]
Bilboko AZET plataformak pisu turistiko bat okupatu zuen atzo, auzoaren turistifikazioa salatzeko.
Lokalaren jabeak eta Ertzaintzak desalojatu eta hesitu egin dute Jardun Koordinadorak maiatzaren 1ean okupatu zuen Kantauri espazioa. Jauregi Jenerala kalean dago lokal hori, eta bi hilabetez egon dira Jardun Koordinadorako kideak bertan, hainbat gorabehera izan badituzte ere.
Iaz, Señora Sariketa irabazi zuenean, Maider Arregik “inporta zaizkion jendea eta kausak” aipatu nahi izan zituen agurrean: “Infernu auzokoak, bollerak, marikak, AHTren kontra dabiltzan lagunak, okupazioaren aldekoak…”. Horiek denak eta... [+]
Zazpi urtetik gora okupatuta eman ondoren hustu egin dute Aiztogile kaleko 92. zenbakia.
'Desokupa kanpora' lelopean, elkarretaratzea egin dute larunbatean, etxebizitzaren aurrean.
Apirilaren 18rako zegoen ezarrita desalojoa, eta lurrak defendatzeko asmoz bertaratu ziren hainbat pertsona. Ertzaintza, baina, ez zen joan, eta auzitegiek jakinarazi dute atzeratu egin dutela huste saiakera. Desalojoa gelditzea lortzen duten bigarren aldia da.
Berangoko Otxantegiko nekazal lurrak modu kolektiboan lantzen bi urte eman ditu proiektu agroekologikoak, baina desalojo agindua dute apirilaren 18rako. Kanporatzea gelditzea lortu zuten iaz, eta berriro ere lortuko dutelakoan, gosari herrikoia deitu dute egun horretarako... [+]
Apirilaren 13an Berangoko Otxantegi Herri Lurra proiektuaren II. urteurrena ospatuko dute. Apirilaren 18an ordea bigarren desalojo saiakeraren mehatxua izango dute gainean.
Zestoako Gaztetxearen kontrako prozedura judiziala mantentzen du Elizak: asteazken honetan izango da epaiketa. Aurreko ostiralean, Gaztetxearen aldeko elkarretaratze bat izan zen Donostiako Artzain Ona katedralean.
Gipuzkoan, 700 apostasia eskaera baino gehiago lortu dituzte Zestoako Gazte Asanbladak eta Langile Kontrolpeko Espazioen Defentsa Komunitateak. Bihar protesta bat egingo dute Donostiako Artzain Ona katedralean, aurrera baitoa Gaztetxearen kontrako prozedura: hilaren 24an... [+]
Lurrak espekulaziorako eta dirua egiteko helburu bakarrarekin darabiltzaten jabeak badira Euskal Herriko hamaika txokotan; horren adibide nagusi izan dira azken urteotan Arbonako, Senpereko eta Kanboko esperientziak. Baina Hego Euskal Herrian ere badira antzeko kasuak; Uribe... [+]