Leitzako Atekabeltz Gaztetxeak 10 urte
Asteburuan ospatuko dute 10. urteurren festa Leitzako Atekabeltz Gaztetxean. Egun osoko egitaraua antolatu dute larunbatean, herritar nahiz kanpokoentzat hamaika ekitaldirekin.
2005eko uztailaren 20an okupatu zuten Leitzako gazteek 100 urtez Guardia Zibilaren kuartela izan zen eraikina. “Sinbolikoki indar handiko eraldaketa suposatu zuen okupazioak: 100 urte lehenago herriak auzolanean eraikitako etxea, mende batez kuartela izan ondoren, gazteok herriarentzat berreskuratu genuen”, adierazi dute zabaldutako idatzian.
“10, hameika itteko!” lemapean antolatu dute larunbateko festa. Goizean txupinazoarekin eta brindisarekin ekingo diote egunari, eta taldekako jokoak egingo dituzte jarraian. Arratsaldean, haurrentzako rokodromoa eta La Jodedera euskal-kubatar taldearen kontzertua izanen dituzte gaztetxe atarian, eta gauean berriz, Governorsen eta Bide Bakarra talde lizarratarraren emanaldiak.
“Bestelako jendarte ereduaren alde, kontsumismoari eta indibidualismoari aurre eginez, egungo sistemaren aurkako borrokak mugitu du gaztetxea”, adierazi dute. Gogorarazi dute gaztetxe izatetik haratago, urteetako lanaren ondoren Herri Gune izatea pasa direla, eragile eta talde askok parte hartzen duten gune bihurtuz, eta herriarentzat “erreferente” bilakatuz.
Herritarrei larunbateko ospakizunean parte-hartzeko deia luzatu diete, bereziki hamar urte hauetan bertan modu batera edo bestera egondako guztiei: “Zu, gaztetxeko barrako turnoak bete dituzun hori, edo zu, hitzaldi interesgarri hartara hurbildu zinena, edota auzolanetan esku bat botatzera etorri zarena, talde haren kontzertu bikain hartan lehenengo ilaran dena eman zenuena, bazkari hartan makarroi siku xamarrak kexatu gabe jan zenituen hori... Zuek, zuek guztiok, Atekabeltz Gaztetxearen historiaren parte izan zareten horiek, 10. urteurren honen parte izan zaitezten ere nahi dugu”.
Kaletik Gaztetxera asanbladak ostiralean jakinarazi zuen lehengo Correos birjabetu duela, Gaztetxe bilakatzeko. Hainbat ekimen antolatu dituzte bertan azken egunetan, eta jende andana bertaratu da.
Bertan behera geratu da Barakaldoko epaitegian egingo zen Sastraka Gaztetxeko bederatzi kideren aurkako epaiketaren ahozko saioa. Akusatuen defentsak egozten zaien okupazio delitu arinaren preskripzioa planteatu du, eta Fiskaltzak karguak erretiratu ditu.
Urtebetez egon da Gasteizko Alde Zaharreko frontoi okupatua itxita, 2023an kazkabar ekaitz batek teilatua apurtu ostean. Pozik daude pilotalekua kudeatzen duen Txapa Ahotsa asanbladako kideak, konponketa prozesuak erakutsi dielako pilotalekua “espazio garrantzitsua”... [+]
Dutxa Etxea zena 2013an itxi zuten Javier Marotoren alkatetza garaian, “integrazio arazo bat” zela argudiatuta. Uztailaren 22an auzoko zenbait eragile eta bizilagun Alde Zaharreko lokalean sartu ziren Herri Labanderia izeneko garbitegia martxan jartzeko. Udaltzaingoa... [+]
Bilboko AZET plataformak pisu turistiko bat okupatu zuen atzo, auzoaren turistifikazioa salatzeko.
Lokalaren jabeak eta Ertzaintzak desalojatu eta hesitu egin dute Jardun Koordinadorak maiatzaren 1ean okupatu zuen Kantauri espazioa. Jauregi Jenerala kalean dago lokal hori, eta bi hilabetez egon dira Jardun Koordinadorako kideak bertan, hainbat gorabehera izan badituzte ere.
Iaz, Señora Sariketa irabazi zuenean, Maider Arregik “inporta zaizkion jendea eta kausak” aipatu nahi izan zituen agurrean: “Infernu auzokoak, bollerak, marikak, AHTren kontra dabiltzan lagunak, okupazioaren aldekoak…”. Horiek denak eta... [+]
Zazpi urtetik gora okupatuta eman ondoren hustu egin dute Aiztogile kaleko 92. zenbakia.
'Desokupa kanpora' lelopean, elkarretaratzea egin dute larunbatean, etxebizitzaren aurrean.
Apirilaren 18rako zegoen ezarrita desalojoa, eta lurrak defendatzeko asmoz bertaratu ziren hainbat pertsona. Ertzaintza, baina, ez zen joan, eta auzitegiek jakinarazi dute atzeratu egin dutela huste saiakera. Desalojoa gelditzea lortzen duten bigarren aldia da.
Berangoko Otxantegiko nekazal lurrak modu kolektiboan lantzen bi urte eman ditu proiektu agroekologikoak, baina desalojo agindua dute apirilaren 18rako. Kanporatzea gelditzea lortu zuten iaz, eta berriro ere lortuko dutelakoan, gosari herrikoia deitu dute egun horretarako... [+]
Apirilaren 13an Berangoko Otxantegi Herri Lurra proiektuaren II. urteurrena ospatuko dute. Apirilaren 18an ordea bigarren desalojo saiakeraren mehatxua izango dute gainean.
Zestoako Gaztetxearen kontrako prozedura judiziala mantentzen du Elizak: asteazken honetan izango da epaiketa. Aurreko ostiralean, Gaztetxearen aldeko elkarretaratze bat izan zen Donostiako Artzain Ona katedralean.
Gipuzkoan, 700 apostasia eskaera baino gehiago lortu dituzte Zestoako Gazte Asanbladak eta Langile Kontrolpeko Espazioen Defentsa Komunitateak. Bihar protesta bat egingo dute Donostiako Artzain Ona katedralean, aurrera baitoa Gaztetxearen kontrako prozedura: hilaren 24an... [+]