Nekazal lurraldetako zerbitzu publikoak gutxituz, Nafarroako Foru Gobernua despopulazioa eta zahartzea bizkortzen ari dela kritikatu dute. Aitzina, egoitzarik hurbilena Irurtzunen egongo da, bulego zaharretik autoz 22 minutura, eta Aranotik ordubetera.
Basozainen bulegoen zentralizazioa zertarako? Antolakuntza errazteko ala murrizketen bitartez dirua aurrezteko? Lehenengo argudioa da Nafarroako Gobernuak eman duena Leitzako egoitzaren itxiera justifikatzeko; bigarren arrazoia, ordea, neurria kritikatzeko inguruko udalek Foru Legebiltzarrean salatu dutena da.
Asteazkenean, Foru Parlamentuko Landa Garapeneko eta Ingurumeneko Batzordean, Leitzako alkate Mikel Zabaletak bere herriko udalaren zein Arano, Areso eta Goizuetakoen iritzia azaldu zuen: "Gauza bat da basozainen lantaldeak birrantolatzea eraginkortasuna bilatzeko eta beste bat erreferentziazko bulego bat itxi eta dagokion eskualdetik kanpo uztea”.
“Horrelako neurri batek kalteak baino ez ditu eragiten”. Izan ere, Zabaletaren iritziz hurbiltasunak koordinazioa errazten zuen. "Zerbitzu publikoak landa-ingurunean mantentzearen aldeko apustua egin ezean, herrien iraupena arriskuan jarriko da", ohartarazi zuen.
Alkateak adierazi moduan, abenduaren 20ean gauzatu zen itxiera ez da harritzekoa, “gobernuak urteak daramatzalako basozainak mendi eta basoetatik aldentzen”. Gainera, gogorarazi du “klima aldaketarekin oraindik garrantzitsuagoa izango dela basozaintza”, are gehiago iazko udan Nafarroan izan ziren inoizko suterik handienak gertatu zirela ikusita eta kontuan izanda Leitza inguruko zonaldea sute arrisku handikoa dela.
Gloria Giralda Nafarroako Gobernuko Basozaintza zerbitzuen zuzendariak erantzun zion egin berri den “barne antolakuntzaren aldaketak” ez duela “zerbitzua kaltetzen”, bulegoak ez baitira “publikoa artatzeko tokiak”, baizik eta “basozainek lan egiteko lekuak”. Beraz, “langile guztiak elkarrekin edukitzeak arratsaldeak, asteburuak eta bajak betetzea errazten du”.
Baina, Mikel Zabaletak dioenez, egoitza ixteko Giraldak emandako argudioa kontraesanean dago Leitzan lan egiten zuten basozainei gobernuak esan zienarekin. Leitzako alkatearen arabera, azken sei hilabetean bulegoan pertsona bakarra artatu zutelako itxi dute lokala, aintzat hartu gabe basozainak bulegoan deiak jaso eta herritarrak dauden tokietaraino doazela haiekin hitzorduak izateko.
Giraldak argitu du neurria ez dela murrizketa, “udalen kezka ulertzen” duela eta urtebete igaro baino lehenago antolakuntza eredu berriaren balorazio sakonagoa egingo dutela.
Aurten "Israel Premier Tech" txirrindularitza talde israeldarra ez da Lizarraldeko Miguel Indurain Sari Nagusia lasterketara etorriko. Berri ona da hori Palestinaren askapenaren alde gaudenontzat eta munstro sionistarekin harreman oro etetea nahi dugunontzat, izan... [+]
Kutsatzaile kimiko toxikoak hauteman dituzte Iratiko oihaneko liken eta goroldioetan. Ikerketan ondorioztatu dute kutsatzaile horietako batzuk inguruko hiriguneetatik iristen direla, beste batzuk nekazaritzan egiten diren erreketetatik, eta, azkenik, beste batzuk duela zenbait... [+]
Festa egiteko musika eta kontzertu eskaintza ez ezik, erakusketak, hitzaldiak, zine eta antzerki ikuskizunak eta zientoka ekintza kultural antolatu dituzte eragile ugarik Martxoaren 8aren bueltarako. Artikulu honetan, bilduma moduan, zokorrak gisa miatuko ditugu Euskal Herriko... [+]
Administrazio Epaitegiak arrazoia eman dio EH Bilduk Lizarrako plantilla organikoaren hizkutnz profilen aurka jarritako helegiteari.
Irakurlea dagoeneko jakitun dateke Euskal Herrian askatasunaren alde egon den eta dagoen gatazka politikoaren ondorioz urte luzetan kartzelan, erbestean edota deportazioan bizi behar izan duten euskaldunak, etxerako bidean, beren bizitza berregiten hasteko izaten dituzten... [+]
Lapurdiko hezegunea funtsezkoa da biodibertsitatearen biziraupenerako. Proposamena eremuan zabaldu dute eta Errobi inguruko sistema hidrauliko osoa barnean izango luke; Baionako, Angeluko, Basusarriko, Milafrangako eta Uztaritzeko Aturri ibaiaren ibaiadarrak, esaterako. Bost... [+]
Lursailaren jabeak hitzarmena sinatu du Lurgaia Fundazioarekin eta Sagarrak talde ekologistak deialdia zabaldu du landaketara batzeko. Zaraobe Institutuko ikasleak asteartean aritu ziren zuhaitzak landatzen.
Azaroaren 23an egingo dute tokiko arbola, fruitondo eta landare ekoizleen azoka. Horrez gain, egitarau oso indartsua prestatu dute 22 arratsaldetik hasita 23 iluntzera arte: bioaniztasunari buruzko mahai-ingurua, sagarrari buruzko mintzaldia, "Nor dabil basoan?"... [+]
UNESCOk Munduko Biosfera Erreserben Sarea zabaldu du hamaika izendapen berrirekin, horien artean da Iratiko Oihana. Astearte honetan jaso dute diploma Zaraitzu eta Aezkoa ibarretako presidenteek Ariben.
Barrikoteak, barrikak, bukoiak eta upelak bete berriak ditugu etxean sagar muztioz (Malus domestica). Makina bat beteko ziren, ipar eta hego, gure geografia guztian mahatsarenarekin ere (Vitis vinifera). Sagasti, mahastiko lanak eta dolare, soto, upelategi eta pitarretako lanak... [+]
Mugitzeko eta ibiltzeko zailtasunak dituzten 5 urteko bi ikasleri asteroko baso-eskola saioa egokitu zaie Irungo ikastetxean: muga eta beldur artean hasitako erronkak onura, garapen eta ikasketa handiak izan ditu. "Oso babestuta dauden ikasleak dira eta basoan aske uzteak... [+]
Odei Etxeberri Bimboire, Gorka Roca Torre eta beraien seme Oihan eta Miru buruaskiak dira elikaduran. Horretarako, aztertu behar izan dute gorputzak zer elikagai eta zein kopurutan behar dituen; horiek zein janaritan dauden; urtaro bakoitzean horiek denak eskuratzeko zer landu... [+]
Tolosatik abiatu eta Bedaion gora egin, Menditxiki aldera. Batean Bedaio, bestean Zarate, Gipuzkoako eta Nafarroako muga-mugan gara. Hantxe dira helburu ditugun lursailak, Itxitua eta Erlo, garai batean lahar, pagadi gaur egun: Gregorio Ugartemendia Zubillagaren basoa duzu.
Baso naturaletan estratu eta funtzio ezberdinak betetzen dituzten espezieak aurkitzen ditugu. Batzuek gaina hartuko dute, eta mende ugari bertan igaroko dituzte. Beste batzuek lehen urratsak emango dituzte, baso-kideengatik sakrifikatuko dira eta beraien gorpu ustelak sistemari... [+]
