Leioan kartelak jartzeagatik salatutako sei pertsonen kasua epaituko dute
Barrios Conectados Leioa plataformak jakinarazi duenez, Avanzadako lanak geldiarazteko mobilizazioen deialdien kartelak jartzen ari ziren sei herritar salatu zituen Leioako Udaltzaingoak iaz. Bada, salatuek alegazioak aurkeztu zizkieten zehapen-espedienteei, eta, orain, epaitegietara jo dute; izan ere, guztira, 3.000 eurorainoko isunak jaso ditzakete. Era berea, martxoaren 8ko manifestazioa iragartzeko kartelak jartzen ari ziren beste bi emakumek ere isunak jaso zituztela gogoratu dute. Udalaren jarrera salatzeko manifestazioa egingo dute barikuan.
Plataformako kideek zehaztu dutenez, Leioako Udaltzaingoak sei pertsona salatu zituen iaz Avanzadako irteera bat ezabatuko zuten lanak geldiarazteko mobilizazioen deialdietarako informazio-kartelak jartzeagatik eta megafoniatik horien berri emateagatik. "Bizilagunei gure auzoetarako irteera ixteko helburua zuten Avanzadako obren berri emateko asmo bakarra zuten", azaldu dute taldeko kideek sare sozialetan. Ezarritako zigorrak 3.000 euroraino heldu daitezkeela jakinarazi du Leihoa.info atariak.
Horretaz gain, azaldu dute sei salatuetako bati hiru zehapen-espediente zabaldu dizkiotela, beste biri bi espediente bakoitzari eta beste hiruri zehapen-espediente bana. Zigortuek alegazioak aurkeztu zizkieten salaketei, besteak beste, honako argudio hauek planteatu baitzituzten: ebazpenek ez zutela motibazio-falta nabarmenik, egitateen kalifikazioak arbitrariotasun nabarmena zuela eta errugabetasun-presuntziorako eskubidea.
Hala ere, atariak azaldu du gobernu-taldeak ez ziela jaramonik egin aurkeztutako alegazioei eta ezarritako zigorrak berretsi zituela; horren ondorioz, salatuek bide judizialera jotzea erabaki zuten, eta bihar izango da horren epaiketa.
Martxoaren 8ko deialdiak ere zigortuta
Horretaz gain, Barrios Conectados plataformak gogoratu du aurreko martxoaren 6an, martxoaren 8ko mobilizazioetara deitzeko kartelak jartzen ari ziren Sutea eta Leioako Sare Feministako bi emakume identifikatu zituztela udaltzainek; are gehiago, "emakume bat kartelak besapean eramateagatik identifikatu zuten", gogoratu dute. Aldiz, atari digitalak jakinarazi du Sare Feministako bi kide salatu zituztela Udondoko bulebarrean kartel bakarra jartzeagatik.
Udalak 201 euroko isuna proposatu omen du salatutako bakoitzarentzat; horretaz gain, Eusko Jaurlaritzako Segurtasuna Koordinatzeko zuzendariak 602 euroko isun bana ere ezarri gura die, Mozal Legea izenez ezagutzen den Herritarren Segurtasuna Babesteko Legea aplikatzeko, "Agintaritzaren agenteek eskatuta identifikatzeari uko egiteagatik".
Barrios Conectados plataformak ekintza horiek gaitzetsi ditu eta honako hau adierazi du sare sozialetan: "Gure udaltzainek ezin dituzte egoera subjektibo eta ausazko horiek onartu, aurrean duten profilaren arabera jazarri edo baimentze dituztenak". Era berean, azpimarratu dute ez dutela atzerapausorik emango eta "bidegabekeria horien aurrean" defendatuko direla adierazi dute; horretaz gain, elkartasuna adierazi diete Sutea eta Mugimendu Feministako kideei.
Bestalde, salatutakoei elkartasuna adierazteko eta Udalaren jarrera salatzeko elkarretaratzea egingo dute barikuan, ekainaren 10ean, Leioako Bulebarrean 20:00etan; Leioako Sare Feministak, Sutea Leioako Gazte Talde Feministak, Leioako Pentsiodunek eta Avanzada lurperatzearen aldeko plataformak zabaldu dute deialdia.
Palestinan genozidio bat burutzen ari den Israelgo estatu eta berarekin batera diharduten enpresa eta erakunde guztiekin eteteko asmoz sortu zen EHU Palestina. Israelen inpunitatea Europan eta Estatu Batuetan dituen harreman politiko, militar, ekonomiko, zientifiko zein... [+]
Esloveniako eskoletan izan duen arrakastari tiraka, Alberdania argitaletxeak Euskal Herriko ikastetxeetara ekarri du Joko Ona Denontzat irakurketa-lehiaketa: DBHko ikasleek “kalitate handiko liburuak” irakurriko dituzte taldeka, eta avatarra aukeratuta, horiei... [+]
Milaka lagun bildu dute Indarkeria Matxistaren Kontrako Egunean deitutako manifestazio eta elkarretaratzeek. Gizon, hedabide eta erakundeei zuzendu zaie Mugimendu Feminista.
.jpeg)
Paris 365 elkarteak 15 urteurrena ospatu zuen larunbatean Geltokin. 15 urte gosariak, bazkariak eta afariak egunean euro baten truke zerbitzatzen urteko 365 egunetan horren beharra duten guztiei. “Atsedenik gabe”, azpimarratu nahi izan zuten bezala. Horrez gain,... [+]
Alokairuen bidezko espekulazioa oztopatzeko neurria azaroaren 25etik goiti izanen da indarrean Ipar Euskal Herrian. Momentuko, tentsiopean diren Lapurdiko 24 herriei eraginen die: Ahetze, Angelu, Arbona, Arrangoitze, Azkaine, Basusarri, Baiona, Biarritz, Bidarte, Biriatu,... [+]
Larraulgo eskolan da hitzordua, azaroaren 27an, 17:30ean. 'Superbotereak' liburuaren egile Koldo Rabadan ez ezik, hitzaurrea idatzi duen Nora Salbotx eta hainbat kide izango dira mahaiaren bueltan: Ainhoa Azpirotz (Hik Hasi-ko koordinatzailea), Irati Manzisidor... [+]
Asteartean, hilak 26, egingo dira EHUko errektoretzarako hauteskundeak. Kanpaina nahasia izaten ari da, eta, horren erakusgarri, Joxerramon Bengoetxearen taldeak eskatu izana "ustez Eva Ferreiraren hautagaitzako pertsonek edo ingurukoek egindako ekintzak eta kanpainako... [+]
Azaroaren 25ean, Indarkeria Matxistaren Aurkako Nazioarteko Egunean, Steilas sindikatuko Idazkaritza Feministak kartel bat argitaratu du: Gure gorputza gudu zelai bat da du leloa, eta Hego Euskal Herriko ikastetxe guztiek jaso dute. Gatazka armatuetan emakumeek eta adingabeek... [+]
Azken asteetan albiste izan da Gasteizko Errota auzoa, urriaren 8az geroztik delinkuentziaren aurkako eta segurtasunaren aldeko mobilizazioak egiten baitituzte zenbait auzokidek asteartero, bi lonja huts okupatu zituzten gazte migratzaile batzuk jo-puntuan jarrita. Inguruan... [+]
Azaroak 25 Indarkeria Matxistaren Aurkako Nazioarteko Eguna da. Mugimendu feministak Bilbo, Iruñea, Gasteiz, Donostia eta Baionan mobilizazioak egingo ditu. Mugimenduak argitaratu duen manifestuan, 2024an Euskal Herrian eraildako bost emakumeak gogoratu dituzte. Aurtengo... [+]
Abenduak hostoen kolore marroia dauka: lurrean, intxaurrondo biluziaren azpian, geratu diren hostoena. Intxaurrondoak bukatu du bere zikloa. Atseden hartzera doa: zuztarrak indartuz, elikatuz, nutritzea du helburu. Barrura begira, barrenak osatzeko garaian dago, orain arte egin... [+]
Mundu-mailan antifeministak eta arrazistak diren gorroto-diskurtsoak larriki areagotzen ari diren testuinguruan bizi gara. Mundu zabalean sare sozialek zein agenda
politikoek txertatzen dituzte eskuin-muturreko narratibak. Arrazismoa eta antifeminismoa tokian tokiko... [+]
Askotan gertatu izan zait etxetik lanbroari so egon ostean, blai bukatuko dudala jakin arren, aterkirik ez hartzea. Zergatik ote? Beharbada, aterkia hartzeko gogorik eza? Beharbada, bustiko ez naizen itxaropena? Kontuak kontu, ondorioa beti berbera izan da. Esaerak dio, euri... [+]