Leioako bostak ez dituzte espetxeratuko, fiskaltzak haien aurkako zigor eskaera jaitsi ostean
Orain arte bi kideren aurka hamazazpina urteko espetxe zigorra eskatzen zuen, beste biren aurka bina urtekoa eta azkenaren aurka urte eta erdikoa. Gaurko epaiketan, ordea, lauren kontra urtebeteko zigorra eta bosgarrenarentzat urte erdikoa eskatu du.
Leioako bostek ez dute espetxera joan beharko. Asteazkenean izan da auzipetuen kontrako epaiketa, eta fiskaltzak jaitsi egin ditu zigor eskaerak. Lau kideren kontrako urtebeteko zigorra eskatu du desordena publikoa egotzita, eta bosgarrenarentzat urte erdikoa, atentatua egitea leporatuta. Epaiaren zain daude orain.
Bilboko Justizia Jauregian izan da epaiketa, eta Leioako bosten askatasuna aldarrikatzera hurbildu dira dozenaka lagun. Horietako sei identifikatu eta atxikita eduki ditu Ertzaintzak; dirudienez, irudiak grabatzeagatik.
Hala ere, "eskubide politikoen aurkako erasoa" salatu dute: "Zazpi urte baino gehiago eduki gaituzte prozesu judizial honekin, zigor eskaera izugarriak egin zituzten duela urtebete baino gehiago, eta denbora asko eman dugu kartzelara sartzeko arriskua gainean geneukala".
Plataformak azpimarratu du errepresioa salatzen zuen mobilizazio batean parte hartzeagatik zigortu dituztela. "Estatu kapitalistak militantzia politikoa eta protestarako eskubidea modu errepresiboan zigortzen ditu, eta gobernu ustez aurrerakoiek ere errezeta errepresibo bera erabiltzen dute".
Leioako bostetako Ander Mazkiaran eta Olast Arrizibita elkarrizketatu zituen Mikel Eizagirrek ARGIAn. Bertan azpimarratu zuten salatzen ari zirena ez zela zigor eskaerak "basakeria" zirela, baizik eta prozesu judizialari berari kendu nahi ziotela zilegitasuna. "Zigorrak txikiagoak balira ere, izaera politikoa ikusten diogu epaiketa honi. Militantzia politikoaren zilegitasuna defendatu behar dela uste dugu, inolako baldintzarik gabe". Azaldu zuten kasu askotan zigor-eskaerak izugarri puzten dituztela, gero xantaia egin eta auzipetuek "xumeagoak" diruditen zigorrak onartzeko.
Otsailean atxilotu zuten Iturmendiko pertsona bat, eta bi urte eta erdiko espetxe-zigorra eskatzen dute bere kontra, sare sozialetako zenbait mezu direla-eta. Uztailaren 16an epaituko du Espainiako Auzitegi Nazionalak.
2022ko uztailaren 14an jazotakoaren harira Peñako bazkide guztien datuak exijitu dizkio Sanduzelaiko zuzendaritzari, gertakarietan parte hartu zuen peñakidea dagoeneko identifikatuta zuten arren. Milioi euroko isuna jartzeko mehatxua jaso zuten Sanduzelai... [+]
John Weissman sionista Sadarrera joatekoa zenean, Palestinarekin elkartasunez argitaratu zuen mezu bat Indar Gorrik. Adierazpen horiekin lotuta, pertsona bat auzipetu du Espainiako Poliziak, iritzita gorroto-delitu bat egon daitekeela.
Egun osoko jardunaldi politikoaren barruan, manifestazio bat egingo du 19:30ean, Gipuzkoa Plazatik abiatuta. "Azken asteotako jazarpen polizialaren eta errepresioaren" kontra mobilizatuko dira.
Bi lagunen kontrako epaiketa hasi da gaur, otsailaren 29ean, Bartzelonan. Akusatuetako bat Zeberiokoa (Bizkaia) da, eta bestea Esplugueskoa (Bartzelona). 2020an Bartzelonan etxegabetze bat gelditzen saiatzean, Esquadra Mossoak bortizki oldartu ziren han bildutakoen kontra... [+]
Fuerteventura (Kanariar Uharteak), 1954ko otsailaren 11. Tefiako Nekazaritza Kolonia abian jarri zuten uharteko aireportu abandonatuan, basamortuaren erdian. Nekazaritza kolonia eufemismoaren atzean, praktikan, kontzentrazio eremua izan zen Tefia, nagusiki LGBTI komunitateko... [+]
Bateraguneko auziko auzipetuen izenean hitz egin du Arnaldo Otegi EH Bilduko koordinatzaileak eta poza agertu du Espainiako Auzitegi Konstituzionalak auzia ez errepikatzea erabaki duelako. Estatuko herrien askatasun nahia modu demokratikoan bideratzeko deia egin dio Espainiako... [+]
Azken hiru urteetan %13,7 igo da Eusko Jaurlaritzaren segurtasun-aurrekontua. Datorren urterako igoera 44 milioi eurokoa izango da.
Ostiralean izan da urriaren 11n atzeratu zen epaiketa eta langile akusatuak bere errugabetasuna aldarrikatu du epailearen aurrean. Hemen ikus daitekeen bideoa erabili dute hori erakusteko.
Martxoaren 12an izango dute epaiketa Ostia! kolektiboko militante Jeanine Beyrie, Filipe Laskarai, Jakes Bortayrou eta Dominika Daguerre-k, kalteak eragitea leporatuta. Manifestazioa egin dute goizean Baionan atxilotuen askatasuna eskatzeko, eta hitzordua jarri dute... [+]
Ankerkeria stop! plataformak deituta manifestazio jendetsua egin zuten larunbatean, Galder Barbado eta Aitor Zelaiari ezarritako lau urteko espetxe zigorraren aurka. Ostiralean agortu zuten bi gazteek beren borondatez espetxean aurkezteko epea, eta larunbatean bertan,... [+]
Azken asteetan Euskal Herriko txoko ezberdinetan egin dituzte gazteen atxilotze agindua salatzeko ekintzak. 2019an atxilotu zituen Ertzaintzak gazte arabarrak. Sei hilabete igaro zituzten espetxean, baldintzapean aske utzi zituzten arte. Prozesu judiziala lau urtean luzatu da.
Bilbon, Espainiako Gobernuaren ordezkariordetzan egin dute ekintza; Gasteizen, Ertzaintzaren komisaldegi atarian. Ertzaintza gazteen aurka oldartu da, eta Gasteizen bost pertsona atxilotu ditu.