‘Leioako 5en’ askatasuna exijitu dute Altsasun
Irailaren 27an epaituko dituzte 'Leioako 5ak', 2016an Leioako campusean izan zen ikasle mobilizazio baten harira. 45.000 euroko eta 40 urteko zigorrak eskatzen dituzte haientzat. Aste honetan ere mobilizazioak egingo dituzte, auzipetutako bost lagunen eskualdeetan nahiz Leioan.
Leioako 5ak aske. Errepresio politikoa gelditu! lelopean, mobilizazio bat egin zuten Altsasun (Nafarroa) joan den larunbatean, herriko festetan. Elkartasun bazkari bat egin zuten lehenengo Altsasuko Jai Batzordearen karpan, Leioako 5en kontrako auzian izango diren gastu ekonomikoei aurre egiten laguntzeko. Horren ondoren izan zen manifestazioa herriko kaleetan zehar, 18:00etan hasita.
Hilabete honen amaieran, irailaren 27an, epaituko dituzte Leioako 5ak. Bilbon (Bizkaia) izango da epaiketa, goizeko aurreneko orduan. 2016an Leioako (Bizkaia) campusean izan zen mobilizazio batean atxilotu zituzten bost auzipetuak; ikasle mugimendua jasaten ari zen errepresioa salatzeko manifestazio batean, hain zuzen ere.
Horren harira, desordena publikoak, kalte materialak eta lesioak eragitea leporatzen diete, baita autoritateari atentatua egitea ere. Guztira, 45.000 euroko eta 40 urteko zigor ikaragarriak eskatzen dituzte bostentzat; hamazazpina urteko espetxe-zigorrak, bi lagunen kasuan.
Auzipetuetako bik, Gabi Daraspek eta Ander Mazkiaranek, iaz azaldu zioten GEDAR LANGILE KAZETAri 2016ko manifestazioan eta horren ondoren gertatutakoa, elkarrizketa honen bidez.
Mobilizazioak aste honetan ere
Leioako 5ak aske gera daitezela exijitzeko, hainbat mobilizazio antolatu dituzte asteotarako. Aurreko larunbatean Altsasun mobilizatu ostean, Leioako campusean eta auzipetutako bost pertsonen eskualdeetan egingo dute protesta aste honetan. Leioan jarri dute lehenengo hitzordua, ostegun honetarako. Ikasle Abertzaleakek deituta, 13:00etan campuseko Mikel Laboa plazan elkartuko dira ikasleak.
Larunbat honetan, berriz, bost herritan izango dira deialdiak: Altsasun, Baionan (Lapurdi), Iruñean (Nafarroa), Lizarran (Nafarroa) eta Portugaleten (Bizkaia). Zehazki, ondokoak dira larunbaterako jarritako hitzorduak: 13:00etan Altsasuko udaletxe aurrean, 11:00etan Baionako Herriko Etxe aurrean, 12:00etan Lizarrako bus geltokian, eta 19:00etan Iruñeko Konpainia plazan zein Portugaleteko Triangeluan.
Apirilean Jaurlaritzako Segurtasun Sailak gazte antolakundeko 133 kideri jarritako isunen harira manifestua aurkeztu du Ernaik. Euskal Herriko 32 eragile sozial, sindikatu eta alderdi politikok egin dute bat idatziarekin. Isunek antolakundea “itoarazi eta politikoki... [+]
Pasa den urriaren 30ean, Portugaleteko Sastraka Gaztetxeko bederatzi lagun auzipetu zituzten. Handik egun batzuetara Portugaleteko kaleak hartu zituzten hainbat lagunek gaztetxearen defentsan. Bi egun geroago, fiskalak karguak kendu zituen.
Bertan behera geratu da Barakaldoko epaitegian egingo zen Sastraka Gaztetxeko bederatzi kideren aurkako epaiketaren ahozko saioa. Akusatuen defentsak egozten zaien okupazio delitu arinaren preskripzioa planteatu du, eta Fiskaltzak karguak erretiratu ditu.
Azaroaren 5ean epaituko dituzte Barakaldoko epaitegian. “Kapitalismoaren logikatik kanpo” dagoen alternatiba bat sortzeagatik okupazio mugimendua “kriminalizatu eta zigortu” nahi dutela salatzen dute gaztetxeko kideek. Txirbilenea Kulturgunearen hustearen... [+]
2020an birjabetu zuten espazioa Portugaleten, eta horren harira epaituko dituzte bederatzi pertsona azaroaren 5ean. Ostiral honetan manifestaziora deitu dute, 'Okupazioaren kontrako erasoak gelditu' lelopean.
"Espainolismoa goratzen duen sinbolorik" ez dutela nahi adierazi dute antolakundeko kideek. Euskal Herri antifaxista aldarrikatzeko ekintza izan da Nafarroan gelditzen zen azkenengo zezena botatzea, ekintza zuzenaren bideoa zabaltzearekin batera.
Euskal Herri mailako topaketak antolatu dituzte hainbat gaztetxe eta gazte asanbladatako gazteek urriaren 19rako, Leitzan (Nafarroa). Mugimenduaren egoeraz eta egitekoez hausnartu, elkarren artean saretu, eta borrokarako indartzea dute helburu. Idatziz erantzun diete ARGIAren... [+]
“Españolismoaren eta faxismoaren normalizazioan” Hispanitatearen egunak jokatzen duen papera salatzeko urriaren 12an Tafallan mobilizatuko da Ernai. “Gu, Nafarroako etorkizuna gara, haiek, aldiz, iragana. Faxismoak herri honetan lekurik ez duela argi... [+]
Amaiur Egurrola Ernairen bozeramaileak azaldu du Ernairen aurkako operazioari erantzuteko bildu direla, “baina batez ere gazteria independentista kalean dagoela esateko”. Eusko Jaurlaritzak ia 300.000 euroko isuna ezarri die Ernaiko 133 kideri, Aitor Zelaia eta... [+]
Ernai Gazte Antolakundeko 133 kideri isunak jarri dizkiete, Aitor Zelaia eta Galder Barbadoren espetxeratzearen aurka mobilizatzeagatik. 290.500 euro dira guztira, eta diru bilketa bat jarri dute martxan, herriak ere ekarpenen bat egin dezan. Ibone Alonso eta Aizpea Uranga... [+]
Joan den uztailean, hilabete batez, 127 gaztek 400 kilometroko espedizioa oinez egin dute Euskal Herrian gaindi. Abenturazale haiek Jzioquitarrak deitzen dira eta 30 egunez, 27 herri bisitatu eta hainbat euskal eragile ezagutu dituzte. Aurten, EuskarAbenturako helburuak aise... [+]
Uztailaren 19an, 8:00etan zegoen gaztetxea husteko agindua emanda. Momentuz, lortu dute desalojoa atzera botatzea. Zestoako Gazte Asanbladak Bilboko Aresti Zentro Sozialistaren desaloa jasan zutenei elkartasun osoa adierazi die.
Autogestio espazio "irekiak, asanblearioak eta horizontalak" eraiki nahi dituzten gaztez osaturiko gaztetxe eta gazte asanbladak antolatutako jardunaldiek gaur egun atomizatua eta polarizatua dagoen esparru batean eragin nahi dute.