Nekazarien etsipena orokortzen hasia da, lehorteak haien ekoizpenari nola eragiten dion ikusteaz gain, urtegietatik erabiltzen duten uraren murrizketek haien etorkizuna arriskuan jartzen dutelako. Ur eskasiak bereziki nabari dira Araban eta Nafarroan. Egoera aztertzeko, maiatzaren 4an bilduko da Nafarroako Lehortearen Mahaia.
Pello Oria Meteorologia Estatu Agentziako (AEMETE) kideari Hamaika Telebistak egindako elkarrizketan nabarmendu du Araban pairatzen ari den euri falta eta Nafarroan Ebro ibaiaren ardatzean ur eskasiagatik dagoen alerta: “Nafarroan irailaren hasieratik jasotako euri kopuru normalaren bi heren bakarrik eman dira, eta Araban egoera oso antzekoa da”. Esako urtegiaren betetze maila %57an dago gaur egun, eta garai honetan ohikoa izaten da %80tik gora egotea.
Copernicus Europako Klima Behaketa zerbitzuak argitaratu berri duen txostenaren arabera, Europak bere historiako bigarren urterik beroena bizi izan zuen 2022an, eta uda inoizko beroena izan zen.
AEMETEko kidearen arabera, klima aldaketaren ezaugarri nabarmena da eta “aldaketa larriak eta oso azkarrak” frogatuta daudela esan du. Adierazi du aurtengo udari begira aurreikuspen "txarrak” direla, eta seguruenik udara beroenetakoa izango dela.
Asteburuan euria egin badu ere, horrek ez du aurreikuspena aldatzen. Patxiku Irusarri Euskal Herriko Nekazarien Elkartasuna (EHNE) sindikatuko idazkari nagusiak Euskalerria Irratian egindako elkarrizketan esan du lagunduko duela baina epe motzean oraindik euri gehiago egin behar duela: “Urtegiak ez badira betetzen udaran gorriak ikusiko ditugu”.
Haren ustez, nekazarien ekoizpenean “bereziki baldintzatu du" zer landatzen den erabakitzea: “Askok artoa landatu beharrean, ekilorea landatzen ari dira ur kontsumo gutxiago suposatzen duelako”. Bestetik, azpimarratu du lur batean bi kultibo jartzen ziren lekuan bat jarriko dela, urik gabe “galera izugarriak” izaten direlako eta “produkzioa gutxitu” egiten delako.
Soluzioa "azpiegituren modernizazioan" dago
EHNEko idazkari nagusiak adierazi du soluzioa “azpiegituren modernizazioan” dagoela. Era berean, esan du egungo aldaketa klimatikoa kontuan izanik, datozen urteetan landatu behar dituztenak ezingo dituztela bi kultibo jarri eta batekin “aurrera atera” beharko dutela.
Diego Galileak, Alinar Nafarroako, Errioxako eta Aragoiko Nekazaritzako Elikagaien Industrien Elkarteko zuzendari nagusiak ere ez du azpiegitura berriak egitea baztertzen: “Nafarroako ubidea diseinatu zenean aurreikusitako beharrak ez dira oraingoak. Irtenbide gehiago behar ditugu. Azterketa bat egin behar da datozen 20-30 urteak kontuan hartuz”.
Joan den uztailean, hilabete batez, 127 gaztek 400 kilometroko espedizioa oinez egin dute Euskal Herrian gaindi. Abenturazale haiek Jzioquitarrak deitzen dira eta 30 egunez, 27 herri bisitatu eta hainbat euskal eragile ezagutu dituzte. Aurten, EuskarAbenturako helburuak aise... [+]
EAEko hiru hiriburuetan udako jaiak ospatzearekin batera, etorri dira, berriz ere, ostalaritzako patronalaren kexuak jai herrikoien aurka. Gipuzkoako Ostalaritzaren elkarteak Gipuzkoako Foru Aldundiari eskatu dio Arabakoaren bidea jarraitzeko, eta txosnei eta kale saltzaileei... [+]
Palestinarekin Elkartasuna ekimenak antolatu du Aste Nagusian Israel borrokatu lelopean. Bilboko Aste Nagusiaren bezperan, ostiralean, 19:00etan, egingo dute mobilizazioa.
Zortzi pertsona atxilotu dituzte Nafarroan, beste biak, berriz, Gasteizen. Horrez gain, Algortako Portu Zaharreko jaietan gertatutako sexu eraso bat salatzeko elkarretaratzea egin dute, astelehenean.
Zirrara eta pasioaren eroale da Arantxa Orbegozo Txitxi (Tolosa, 1962). Bizitza darama eskuetan eta hura eskaintzen dio zuzentzen zaion edonori. Atleta izan da, txirrindularia, eta bere buruari proposatu dizkion beste hainbat diziplinatan aritua. Hala eta guztiz ere, benetan... [+]
Abuztu hasierarekin batera, bero, idorte eta su arriskuak altuak dira mendiguneetan. Arriskuen murrizteko nahian, 2021tik, Lapurdi eta Nafarroako mendigunea osatzen duten hiriek zonbait protokolo eta konbentziotan elkartu dira, mugaz gaindi. Horien artean, “Gure... [+]
Gipuzkoako Plataforma Antitaurinoak deitu zuen mobilizazioa, “Ez da kultura tortura da” lelopean. Donostiako Aste Nagusian zezenketak egongo dira aurten ere, jaietako egitarautik kanpo bada ere, hiru ikuskizun eskainiko dituzte abuztuaren 15,16 eta 17an Illunbeko... [+]
Odei Etxeberri Bimboire, Gorka Roca Torre eta beraien seme Oihan eta Miru buruaskiak dira elikaduran. Horretarako, aztertu behar izan dute gorputzak zer elikagai eta zein kopurutan behar dituen; horiek zein janaritan dauden; urtaro bakoitzean horiek denak eskuratzeko zer landu... [+]
Bitxia egiten zait oso askok su artifizialei dieten miresmena. Ikuskizunak sortzen duen itsutasun eta gorreria aukeran nonahi. Ni uxatu egiten nau giro piroteknikoak. Baina onartzea besterik ez daukat gehiengo batek horretan murgilduta bizi nahi duela; besteak beste, sistema oso... [+]
Bi bortxaketa eta beste sei erasoren salaketa zuzenak jaso ditu Gasteizko Mugimendu Feministak. Elkarretaratzea egin du erasoak salatzeko txosna gunean, ostegunean. Gasteizko Udalak elkarretaratzea ostiralean 11:00etan egin du. Erasoen harira ez dute inor atzeman, momentuz.
Martxoaren 5ean zabaldutako auto batek armarria “kentzea edo ezabatzea” agindu zuen, “jarrera politiko baten aldeko posizionamendua” dela eta “neutraltasun politikoaren aurka” egiten duelako. UPNk jarri zuen salaketa, eta Atarrabiako alkate... [+]
Bizkaiko e28 koordinadorak salatu du kide trans lodi batek eraso lodifoboa pairatu duela Gurutzetako ospitaleko Genero Identitatearen Unitatean.
Venezuelan dauden Askapena talde internazionalistaren brigadistekin hitz egin du ARGIAk, hauteskundeen osteko egoeraz eta etorkizunaz.