Lehia gatazka denean
Oharkabean pasatu da Joe Biden presidenteak Kongresuaren eta Senatuaren aurrean irakurri eta bere aldekoek gogoangarritzat txalotu duten 2024ko Batasunaren Egoeraren hitzaldian. Hain oharkabean ezen aurkariek eta hedabideek ere apenas hartu baitute aintzat; eta ez da Bidenen adierazpen-nahasmenduen zerrenda gero eta luzeagoan gehitu, oraingoz behintzat.
Baina gaia halakoa izanik, Etxe Zuriko prentsa-zerbitzuek nahiago izan dute hitzaldiaren idatzizko argitalpenean zuzenketa egitea: "I want competition with China, not conflict. And we're in a stronger position to win the conflict [competition] of the 21st century against China than anyone else for that matter — than at any time as well". Horrela irakurrita, benetako zalantza sortzen zaio bati ea zer ote zioen benetan Bidenek irakurri zuen originalak; alegia, irristada, irakurlearena ala idazlearena izan ote zen.
Baina ez dago loa galdu beharrik. Txinarekiko "lehia" eta "gatazka" sinonimo hutsak dira AEBetako barne-politikagintza ez beste edozertarako. Eta, zalantza izpirik gabe, halaxe aditzen dira biak ala biak Beijingen. "Gerra Hotzaren garaiko pentsamoldea" deitu ohi diote han, perifrasia eginez. Bidenek bere hitzaldian gaiari esleitu ziona adituta, motz samar geratu da.
Dulles anaien garaiak gogorarazi ez ezik gainditu ere egin ditzaketenek aurkitzen hasi baikara AEBetako agerkari ofizialetan ere. Edozein ateraldik balio du etsaiaren aurkako propagandarako (gehiegitxo litzateke "gerra kognitiboaz" hitz egitea), eta bost axola dio errealitateak.
Errealitate horren osagai nagusietako bat da, ordea, "orkestra" horren zuzendaritzan gero eta nabariagoa den anabasa. Munduko bi potentzia nagusien harremanaren azken urtebeteko balantzearen konklusioa baita krisia ez datzala Wang Yi betierekoaren manupean, baizik Blinken jaunaren Estatu Idazkaritzan.
"Globoaren krisia" sutu zuen/ziotenetik (berak jakingo du zergatik; besteok, susmoak ditugu gehienera), Blinkenen Estatu Idazkaritza gatazka-gune bihurtu dela bistakoa da. Lehendabizi, Wendy Sherman bere bigarrenak (eta Asia Ekialdeari buruzko benetako adituak) utzi zuen kargua, erretiroa hartzeko adina aspaldi samar beteta zegoela ohartu zenean edo. Ematen zuen, dendaostean, Victoria Nuland (aka) "Fuck Europe" zalapartariak irabazi ziola lehia AEBen kanpo-politikaren ildoak erabakitzeko. Baina ez, hura ere erretiratzear dugu, agidanez; eta, oraingoz, Kurt Campbell-ek irabarazi duela lehia ematen du.
"Txina gehien gorrotatzen duenak" nagusitu zaiola "Errusia gehien gorrotatzen duenari" ondorioztatu dute batzuek.
Beti bezala, irakurketa tolesgabeena (eta, agian, zuzenena) egiten ari dira ekuazioaren beste muturrean.
2022ko otsailaren 28an atxilotu ondoren, aske utzi dute bere aurkako frogarik eta bistako epaiketarik gabe. Bizkaiko kazetariaren talde juridikoak informatu du “preso dauden hainbat kazetari libre uzteko” Errusiak eta Poloniak adostu duten trukeagatik geratu dela... [+]
Hamasen erasoaren ezohiko muntak, eta Israelgo gerra-kabineteak hari emandako erantzunaren desmasiak zerikusi zuzena dute ondorio geopolitikoen sakonerarekin. Ekialde Ertainean eta nazioarteko aliantzetan aldaketak eragin ditu genozidioak: Israelek zer irabazi eta galdu du?... [+]
1959. urtea mugarri izan zen jazzaren bilakaeran: Miles Davisek A Kind Of Blue grabatu zuen martxoan eta apirilean; disko horretan parte hartu zuen John Coltranek Giant Steps plazaratu zuen maiatzean; eta, azkenik, Ornette Colemanek The Shape Of Jazz To Come argitaratu zuen,... [+]
Munduko erakunde militar suntsitzaileenak 75 urte bete ditu, eta eztei horiek behar bezala ospatzeko, esan du bere kideek gehiago gastatu beharko dutela armetan. Gainera, urtemugaren goi bileran beste potentzien kontrako gerra hauspotu du NATOk, Txinaren eta Errusiaren kontrako... [+]
Hamasen urriaren 7ko erasoa eraikin zahar bat astindu duen lurrikararekin konpara daiteke. Arrakalak agertzen hasiak ziren, baina orain begi-bistan daude, oinarrietaraino.
Joe Bidenen narriadura kognitiboaren eztabaidak bi urte inguru ditu. Batzuetan portaera bitxia zuen, beste batzuetan ez zitzaion ondo ulertzen edo egiak ez ziren gauzak esaten zituen, semea Iraken hil zitzaiola, adibidez. Halere, establishment liberalak bere egoera kognitiboari... [+]
900 milioi inguru eskatzen dizkio Energy Transfer Partners enpresak AEBetako Greenpeace erakunde ekologistari, 2016 eta 2017an oliobidearen aurkako protestetan kalteak eragin izana leporatuta. “Epaiketa honetan porrot eginez gero, Greenpeace justizia klimatikoaren aldeko... [+]
25 egun baino gutxiagoz egon da martxan hasieratik polemikoa izan zen portua. “Distrakzio neurria” izan dela salatu dute eragile ugarik.
“Indar guztiak presidente karguan zentratzea” erabaki duela adierazi du, eta Kamala Harris presideneteordeari “babes eta abal osoa” eskaini dizkio. Harrisek baieztatu du bere hautagaitza aurkeztuko duela Alderdi Demokratak presidentegai izendatu dezan... [+]
Trump tiroz zauritu dute larunbatean, kanpainako mitin batean. Atsedenerako hiru egun hartu ditu, gaur arte. Biden jada hiru aldiz agertu da komunikabideen aurrean, aurkariaren aurkako atentatua salatzeko. Azken adierazpenean kanpainaren erritmoa moteltzeko mezua luzatu du;... [+]
Sortu zela 75. urteurrenean egindako gailurrean, Aliantza Atlantikoak Txinaren kontrako mezua gogortu du eta herrialde asiarrari egotzi dio Errusia laguntzea Ukrainako gerran. Kievi laguntza gehiago emateko konpromisoa adierazi dute NATOko 32 kideek eta Europako herrialdeek... [+]
Europar Batasunaren txandakako presidentetza beretu eta astebeteren buruan Viktor Orban hungariar lehen ministroak egin duen ezusteko blitz-ak azalpen serioa eskatzen du. Gaiaren neurrikoa.
Hamasek akordio proposamenari egindako aldaketa batzuk “ez dira egingarriak”, AEBetako Estatu idazkariaren arabera. Israelek ere ez du ofizialki onartu proposamena, baina AEBek Hamas aurkezten dute oztopo bakar gisa.