‘Lehertu Gasteiz’ dinamika aurkeztu dute hainbat okupazio mugimenduk
Okupazioa eraldaketarako erreminta bezala aldarrikatu dute, kriminalizazioari, espazio okupatuen aurkako erasoei eta krisi ekonomikoari erantzuteko. Maiatzaren 15ean emango diote amaiera dinamikari, manifestazio batekin.
Errekaleor auzo okupatuak, Gazte Emantzipazio Sareak, Talka okupazioaren aldeko eragile feministak, Auzolana pilotalekuak, Sumendik eta Gaztetxeak prentsaurrekoa eman dute ostegun goizean. Azken asteetan Gasteizko hormetan margotuta agertu diren zenbakien zentzua argitu dute hasteko: zenbaki bakoitzari alfabetoan dagokion hizkia emanez, “okupazioa” hitza osatzen da.
Etxebizitza eskubidea zertan den azaltzeko hainbat datu eman dituzte Lehertu Gasteiz dinamikako kideek. Ziurtatu dutenez, Gasteizen 115.367 etxebizitza daude, horietarik 9.470 hutsik, eta beste 2.200 salgai: hamar etxebizitzatik bat hutsik, batetik, bi gasteiztarreko etxebizitza bat. “Bien bitartean, eta nahiz eta gure egunerokotasuna hankaz gora jarri duen pandemia baten erdian egon, desalojoak, etxe hutsak, prezioen gorakadak, espekulazioa... etengabekoak dira”.
Krisiaren “aitzakian” langile klasea pobretzen ari dela salatu dute, kapitalismoak etxebizitza eskubidearekin negozioa egiten jarraitzen duen bitartean okupazioaren alde egingo dutela ziurtatuz. “Okupazioa langile klaseak dugun tresna da. Etxebizitza ordaintzerik ez dugunean (soldata baxuak, langabezia, lan prekarioenak...), hau berreskuratzeko balio dezakeen tresna. Inork ez du kalean bizitzea merezi. Inork ere ez. Eta instituzioek bermatzen ez dutena, guk bermatu behar dugu”.
Kriminalizazioa eta erasoak
Okupazioaren aldeko mugimenduek kriminalizazio kanpaina bat abiatu dela uste dute, legea gogortzean edo kanpaina mediatikoetan islatzen dena. “Gu geu, langileria, okupazioaren biktimak izan gaitezkeela diote, ogia erostera irten eta bueltan etxea gal dezakegula”.
Osasun krisia piztu zenetik Gasteizko Udalak eta Udaltzaingoak espazio okupatuen aurka burutu dituen erasoak ere izan dituzte gogoan –Gaztetxearen itxiera saiakera, Talkaren desalojoa, etxegabetzeak...–. “Argi diogu erasotzen duten espazio bakoitza defendatuko dugula, eta desalojo bakoitzaren ondoren, okupazio berri bat, eta beste bat, eta beste bat... etorriko dela”.
Dinamika maiatza bitarte
Espazio okupatuen defentsa egiteko eta okupazioa borrokarako erreminta gisa hauspotu asmoz elkartu dira sei mugimenduak Lehertu Gasteiz dinamikan. Momentuz dinamikari amaiera emango dion manifestazioaren berri eman dute soilik, maiatzaren 15ean egingo dutena. Bitarterako beste hainbat ekimen prestatuak dituztela iragarri dute, aurrerago jakinaraziko dituztenak.
Okupazioaren aldeko "Lehertu Gasteiz" dinamika aurkeztu dute Sumendik, GESek, Gaztetxeak, Talkak, Errekaleorrek eta Auzolana pilotalekuak.#LehertuGasteiz
Aitorrek eta Amaiak laburbildu digute ekimena: pic.twitter.com/x19IKeW6St
— Zigor Oleaga (@zoleaga1) March 18, 2021
Kolektiboki antolatzeko grina aspalditxotik gorpuztu da, besteak beste, kulturaren esparruan. Jendea batzeko abaguneak dira kontzertuak, eta horregatik, musika kolektiboei egingo diegu txokoa erreportaje honetan. Gaia hain zabalean hartu ordez, Araban ipiniko dugu fokua,... [+]
70 urteko emakume bat eta bere biloba bota zituzten euren etxetik, baina hura bereganatu dute berriz. Etxea defendatzeko konpromisoa azaldu du Uribe Kostako Etxebizitza Sindikatu Sozialistak.
Joan dira All In Da Hauseko hiru final aurrekoak. Oñati, Gernika eta Hendaiako Gaztetxeetaraino iritsi da freestyle txapelketaren bederatzigarren edizioa. Orain arte egindako bide honen balorazio positiboa egiten dute antolatzaileek, "Euskal Herriko txoko hauetan,... [+]
Gaur, behin betiko bozkatuko da okupazioaren aurkako lege-aldaketa kongresuan. Atzo, Eusko Jaurlaritzaren aurrean elkarretaratzea egin dute hainbat gaztetxeetako kideek; aldarrikatu dute "okupazioaren aurkako kriminalizazio oro gelditzea, eta okupazioaren aurkako neurri... [+]
Kaletik Gaztetxera asanbladak ostiralean jakinarazi zuen lehengo Correos birjabetu duela, Gaztetxe bilakatzeko. Hainbat ekimen antolatu dituzte bertan azken egunetan, eta jende andana bertaratu da.
Bertan behera geratu da Barakaldoko epaitegian egingo zen Sastraka Gaztetxeko bederatzi kideren aurkako epaiketaren ahozko saioa. Akusatuen defentsak egozten zaien okupazio delitu arinaren preskripzioa planteatu du, eta Fiskaltzak karguak erretiratu ditu.
Urtebetez egon da Gasteizko Alde Zaharreko frontoi okupatua itxita, 2023an kazkabar ekaitz batek teilatua apurtu ostean. Pozik daude pilotalekua kudeatzen duen Txapa Ahotsa asanbladako kideak, konponketa prozesuak erakutsi dielako pilotalekua “espazio garrantzitsua”... [+]
Dutxa Etxea zena 2013an itxi zuten Javier Marotoren alkatetza garaian, “integrazio arazo bat” zela argudiatuta. Uztailaren 22an auzoko zenbait eragile eta bizilagun Alde Zaharreko lokalean sartu ziren Herri Labanderia izeneko garbitegia martxan jartzeko. Udaltzaingoa... [+]
Bilboko AZET plataformak pisu turistiko bat okupatu zuen atzo, auzoaren turistifikazioa salatzeko.
Lokalaren jabeak eta Ertzaintzak desalojatu eta hesitu egin dute Jardun Koordinadorak maiatzaren 1ean okupatu zuen Kantauri espazioa. Jauregi Jenerala kalean dago lokal hori, eta bi hilabetez egon dira Jardun Koordinadorako kideak bertan, hainbat gorabehera izan badituzte ere.
Iaz, Señora Sariketa irabazi zuenean, Maider Arregik “inporta zaizkion jendea eta kausak” aipatu nahi izan zituen agurrean: “Infernu auzokoak, bollerak, marikak, AHTren kontra dabiltzan lagunak, okupazioaren aldekoak…”. Horiek denak eta... [+]
Zazpi urtetik gora okupatuta eman ondoren hustu egin dute Aiztogile kaleko 92. zenbakia.
'Desokupa kanpora' lelopean, elkarretaratzea egin dute larunbatean, etxebizitzaren aurrean.
Apirilaren 18rako zegoen ezarrita desalojoa, eta lurrak defendatzeko asmoz bertaratu ziren hainbat pertsona. Ertzaintza, baina, ez zen joan, eta auzitegiek jakinarazi dute atzeratu egin dutela huste saiakera. Desalojoa gelditzea lortzen duten bigarren aldia da.