Kontinente zaharrak gerra komertziala plantatu dio Txinari, auto elektrikoen merkatu europarra porrot historiko eta irrigarri izatetik gertu dagoelako. Txinatarren errua omen, kotxe elektriko europarrak bi aldiz garestiago izatea haienekin alderatuta. Min egiten dietena da hemengo jendea, KM.0-ko kotxeak erosi beharrean –ez direla erabat bertakoak ere, e, pieza ugari Txinan egiten baitira–, Txinakoak ari dela eskatzen. Kalitate aldetik, inork ez du zalantzarik egiten alde handirik dagoenik, baina bertakoa erosteko... Bertakoa, hain dago modan, Europak ere horixe esaten digula, bertakoaren alde egiteko.
Txinak tranpa egiten omen du. Gehiegizko laguntzak ematen ei dizkie haien enpresei, munduan beste inork baino merkeago saldu ahal ditzaten haien kotxe elektriko berritzaileak. Eta hori da tranpa. “Publikoaren eta pribatuaren arteko kolaborazioa”, horrek bero-bero eta tentel ipintzen ditu, bada, hemengo agintariak. Baina atzerrian hori egitea tranpa da.
Ez naiz sartuko esatera gehiegizkoa den ala ez, baina ez dago hemerotekan atzera asko egin beharrik ohartzeko Alemaniak orain dela hilabete gutxira arte horixe bera egiten zuela. Eta hori ez zen tranpa. Hori zen estrategia. Alemaniako zenbait enpresak EBko estatukideek baino %40 merkeago saldu ahal zituen bere kotxe elektrikoak eta kito. Orain, ordea, Txinarena iruzurra da. Ez da izango, bada, Alemaniako auto-salmentak ia %70 jausi direla laguntzak kendu zirenetik...
Txinarena tranpa delako, muga-zergak ipini dizkie Europako Batzordeak auto elektriko txinatarrei. Zenbait kasutan %45erainokoak. Eta asko da hori, izugarri. Ondorio ekonomiko larria izango du herritarren poltsikoetan, prezio guztiek gora egingo dutelako, zer eta Europako ekonomia suspertzearen izenean. Alegia, prezio lehiakorra zuen auto elektrikoa erosi beharrean, bikoitza balio duena erosteko; elektrikoa erosi beharrean, jendeak dieselaren alde egiteko. Beste hitz batzuetan esan nahi baita klima larrialdiaren “erronkari” geroago eutsiko diola Europak, ekonomia berrartzen duenean.
Lehenbizi gauza inportanteak. Pausa eman trantsizio energetikoari, eta argi berdea ekonomia berrezartzeari. Make Europe Great Again.
Eta Make Bilbao Great Again. Iragarri berri digute Bilbo eta New York arteko hegazkin linea zuzena... eta ez, espresuki, Kirmen Uriberen nobela serioegi leitu duelako nonork uda honetan. Hotelak gustura, taxiak falta zaizkigu orain, hori diosku gaueroko teleberriak. Kotxeak, kotxeak eta kotxeak. New Yorkera beharrean, argi dago nora doan linea zuzena.
Arma nuklearren produkzioarekin, mantentze lanekin eta modernizazioarekin loturak dituzten hainbat enpresa aztertu dituzte, eta horien artean agertzen dira BBVA, Santander bankua eta SEPI.
Jakina da lan ikuskariak falta ditugula geurean. Hala ere, azken egunotan datu argigarriak ematea lortu dute: lan ikuskaritzaren arabera, EAEko enpresen %64ak ez du ordutegien kontrolean legedia betetzen. Era berean, lehendakariordeak gaitzetsi du, absentismoaren eta oinarrizko... [+]
Aiaraldeko hainbat irakaslek mezua igorri diete ikasleen guraso eta familiei, dagoen informazio zurrunbiloan, grebarako arrazoiak modu pertsonalean azaltzeak euren borroka eta lanuztea hobeto ulertzeko balioko dielakoan.
Martxoaren 8a hurbiltzen ari zaigu, eta urtero bezala, instituzioek haien diskurtsoak berdintasun politika eta feminismoz josten dituzte, eta enpresek borroka egun hau “emazteen egunera” murrizten dute, emakumeei bideratutako merkatu estereotipatu oso bati bidea... [+]
Grebaren bezperan Hezkuntza Sailak “edukirik gabeko” mahaia deitu zuela eta sindikatu deitzaileak “errespetatu gabe” akordioa “antzezteko” gutxiengoa duten sindikatuak “erabili” nahi izan zituela salatu ostean, beste bi greba... [+]
Martxoak 8aren izaera iraultzailea berreskuratzeko deia egin du Itaia emakumeen antolakunde sozialistak. Irene Ruiz Itaiako kideak azaldu digunez, “oldarraldi erreakzionarioaren eta matxismoaren aurrean proposamen iraultzailea hauspotu eta kontzientzia sozialista... [+]
Ur kontaminatua ur mineral eta ur natural gisa saltzen aritu dira urte luzeetan Nestlé eta Sources Alma multinazional frantsesak. Legez kanpoko filtrazioak, iturburuko ura txorrotakoarekin nahasi izana... kontsumitzaileen osagarria bigarren mailan jarri eta bere interes... [+]
Larunbatean egindako prentsaurrekoan adierazi dute manifestazioa ekainak 14an Donostian egingo dutela. 130 kolektibo, alderdi politiko eta sindikatu batu zaizkie eta "atxikimendu kanpaina oraindik zabalik dagoela" gogorarazi dute.
Otsailaren 17an Txinako Alderdi Komunistaren arduradun gorenak bildu ziren bertako enpresa pribatu handienen zuzendari nagusiekin. Ez da ohikoa aldi eta areto berberean Huawei, BYD, New Hope, Tencent, SWSC, Yushu, Xiaomi edo DeepSeek bezalako konpainien nagusi gorenak bilduta... [+]
Laborantzaren Orientazio Legea pasa den astean ofizialki onartu du Frantziako Parlamentuak. Ostegunean Senatutik pasa da azken aldikoz. Iazko laborarien mobilizazioen ondotik, aldarrikapenei erantzuteko xedea du lege horrek. Aldiz, ingurumenaren aldeko elkarteek azkarki salatzen... [+]
Euskal Herriaren industriaren etorkizuna ezin dela "heriotzaren, odolaren eta armen gainean" eraiki aldarrikatu dute mobilizazioaren antolatzaileek. Euskal erakundeen nahiz alderdi politikoen "isiltasuna" salatu dute.
Duela gutxi think tank izateko jaioa omen den Zedarriak bere 6. txostena aurkeztu zuen. Beren web orrialdean azaltzen dutenaren arabera, zedarriak ebidentea ez den bidea topatzeko erreferentziak dira. Hots, hiru probintzietako jendarteari bidea markatzeko ekimena. Agerraldi... [+]
SPRI sozietatearen eraikinaren aurrean elkartuko dira langileak hurrengo asteko ostiralean.
Zubiak eraiki Xiberoa eta Boliviaren artean. Badu jadanik 16 urte Boliviaren aldeko elkartea sortu zela Xiberoan. Azken urteetan, La Paz hiriko El Alto auzoko eskola bat, emazteen etxe baten sortzea, dendarien dinamikak edota tokiko irrati bat sustengatu dituzte.