Lega eskuindarra galtzaile izan da Emilia-Romagna probintzian burututako hauteskundeetan. Betidanik ezkerrak agindu duen eskualde hori hil ala bizikoa zen. Mateo Salvini Legako buruak ahalegin guztiak egin ditu hor nagusitzeko, baliatuz alderdi politiko zaharren ahuldadea, baina huts egin du. Lekuko gertakizun bat baino gehiago da, erakusten du propaganda sistema oso batek ere badituela ahuleziak eta sare sozialek demokraziarengan daukaten eragina eztabaidatzera behartzen gaitu. Kontakizun luze baten hasiera besterik ez da, etorkizunean garatzen ikusiko duguna.
Mateo Salvinik bere indarrak zentratu ditu Emilia-Romagnan; ezkerreko alderdiek Italian bizi duten krisiaren uberan erreza baitzirudien Legak hor irabaztea. Horrek gogor astinduko zuen Erromako gobernua eta ziurrenik nazio mailako hauteskundeak ekarriko zituen, zeinetan Legak erraz irabaziko baitzuen.
Gudurako plan guztiak bezain ona zen. Baina planik onenek ere egin dezakete porrot. Ikusi denez, Napoleon bihurtu nahi zuen amateur bat gertatu da Salvini: benetan zena baino indartsuago zela uste zuen eta galtzea egokitu zaio. Orain erretiradan doa eta gerta liteke horretatik bizirik ez ateratzea politikoki.
Munduari Italiako gorabehera politikoak hainbeste axola ez zaizkiola jakinda ere, uste dut zenbait irakaspen atera genezakeela hauteskundeotatik. Begien aurrean ikusi dugu nola egin duten porrot azken denborotan garatu diren propaganda teknikek, munduko beste hainbat lekutan eskuindarrak agintera eraman dituztenak.
Matteo Salvinik propaganda mailan zorrotz jarraitu du hauteskundeak prestatzeko eskuliburuak dioen guztia. Bere propaganda makinak ‘La Bestia’ du izena eta urteotan zehar lan egin du aurretik Silvio Berlusconik irekitako bidetik, Donald Trump AEBetako lehendakaritzara eraman zuen bidetik.
Ideia da zentratzea populazioaren maila kultural apaleneko ataletan. Beldurra zabaltzeko taktikak erabili, klase guztietako etsaiak bilatu, horiek deabru bihurtu, jendeari agindu salbazioa eskuin muturreko gobernu batean dagoela. Erromako Barne ministro lanean Salvinik gogortu du gorroto kanpaina beroa etorkinen kontra, komunisten kontra, ezkertiarren kontra, intelektualen kontra, eta abar. Eta ‘La Bestia’-k propaganda sare sozialetan atalka ondo bideratzeko teknologiak erabili ditu, lehenago Cambridge Analyticsek egin izan duen gisa berean. Dena beti oso modu erasokorrean, sare sozialetako erabiltzaileen atalik suminkorrenetan zentratuz.
Baina ez du funtzionatu. Ezkerrak bikain egin dio aurre: [Salvinik gaur daukanaren] antzeko harridura sentituko zuen Napoleonek Borodinoko guduan ezin izan zituenean menderatu Errusiaren tropak. Italiako ezkerra gauza agortutzat jotzen da sarritan, baina bistakoa da ez dela horrela, ez erabat agortua bederen. Baina, gainera, Salvinik behar bada huts egin du bere hauteskunde taktiken erabilera gehiegizkoarekin. Beldurtu nahi gehiegi, gorroto gehiegi, mehatxu gehiegi.
Salvik badauka, dudarik gabe, populazioaren kultura apaleneko jendeak bereganatzeko ahalmen bat, baina lider izateko… Ez du sekula eduki ofizio bat, ez du soldatapeko lanik egin, ez dauka unibertsitateko titulurik. Jendea ohartu da Legako buruzagiaren plan bakarra agintera iristea dela eta ondoren, behar bada, are beldur gehiago zabaltzen jarraitzea.
Salviniren beste oker bat izan da klimaren eta ingurumenaren arazoa bertan behera uztea. Ahaleginak eta bost egin ditu gaiari iskin egiteko eta aurre egitera behartu dutenean, eroarena egin du txisteak eta imintzioak eginez. Ez zuen hitz bat esan nahi bere aldeko jendeak zientziaren kontra daukaten jarrera erosokorraz, ezta Greta Thunbergi zuzenean horiek egiten dizkioten isekez ere. Honetan ere bazirudien Salvinik ez zeukala ez ideiarik eta ez planik. Ez zen ohartu dagoeneko politikari batek ezin diola ezikusia egin klimaren aldaketari.
Beraz, oraingoan ikusi dugu lehen aldiz porrot egiten Trump, Bolsonaro eta beste batzuekin garaiezinak ziruditen propaganda teknikak. Aldi berean ikusi dugu 5 Izarren mugimenduen porrota eta desagertzea ere. M5S izan da prozesu politikoetan Internet erabiltzeko beste ahalegin bat. Bere oinarrian egon da Russeau izeneko plataforma erabiltzea gai batzuetan erabakiak sarean hartzeko prozesuan (neurri batean, ‘La Bestia’-ren ereduaren justu alderantzizkoa zen). Rube Goldberg makina erraldoia bailitzan [Wikipedia: Rube Goldberg makina nahita diseinatutako mekanismo konplikatua da, baina helburu gisa egiteko erraz bat erdiestea helburu duena], M5Sren erabakitze sistemak ondo funtzionatu zuen… harik eta pott egin zuen arte.
Ziurrenik bai La Bestia, Russeau eta gainerako hauteskunde metodoak garatu eta aldatzen joango dira, hauteskundeotan eta ondorengoetan ikasitako esperientzietan oinarrituta. Baina Internetek iraultza nabarmena ekarri duen moduan hauteskundeetan irabazteko metodoetan, ez dirudi haien ondoren egin behar dena egiterakoan oso lagungarri denik. Horrek eraman du zulora M5S eta horrek hondoratuko du ziurrenik Lega ere, baldin eta Italian agintea hartzea lortzen badu. Gure komunikazio teknologia eta eredu gotor eta guzti, politika guztia oraindik 4-5 hiltzeko esloganetan dago oinarrituta: “Amerika (edo Italia) Handi Egin Berriro” ["Make America (or Italy) Great Again"]. Ideia polita… baina zehazki nola?
[Ugo Bardi kimikari eta klima-ingurumen-energia aferetan adituak bere Cassandra's Legacy blogean plazaratu duen "The Right-Wing Steamroller: First Trump in the US, then Bolsonaro in Brazil, now Salvini in Italy..... No, wait! Salvini was Defeated!!" sarrera euskaratu dugu hemen. Ugo Bardiren "Zerk hondoratu gaitzake Erromatar Inperioa bezala?" kronika luzea argitaratua dugu Larrun gehigarrian].
Ion Aranburu koma egoeran eta ZIUan ingresatuta egon zen hainbat astez, erasoaren ondorioz.
Pippi Kaltzaluzeren istorioak lehenengoz kaleratu zirenetik 80 urte bete direla-eta, leku berezia eskaini diote Boloniako Nazioarteko Haur eta Gazte Liburu Azokan. Azkarra, independentea, errebeldea, lotsagabea, menderakaitza, apur bat basatia, sormen handikoa, ausarta eta... [+]
Parisko Auzitegi Korrekzionalaren arabera, 2,9 milioi euro desbideratu zituen Frantziako RN Batasun Nazionalak 2004 eta 2016 artean. Le Penez gain, alderdiko beste 24 kide ere errudun jo dituzte. Helegitea aurkeztuta ere, RNko buruzagia ezingo da aurkeztu 2027ko Frantziako... [+]
Euskal Herriko Mugimendu Feministak aurtengo Martxoak 8ko mobilizazioak "faxismoaren, erreakzionarismoaren eta zapalkuntzaren aurkako aliantzak" ehuntzean ardaztu ditu.
Kepa Kortak Naiz-en idatzitako “Musikariaren jakituria” artikuluan faxismoa definitzeko... [+]
Errumaniako presidentetzarako kandidatu ohia Călin Georgescu, aurten berriro iragan behar diren hauteskundeetara erregistratzera zihoalarik, Poliziak atxilotu zuen otsailaren 26an. Egozten dizkioten krimenetarik bat “ordenu konstituzionalaren aurkako ekimenen... [+]
Martxoak 8an egindako pintaketak gainetik margotu dituzte ikur faxistekin Zuberoako hiriburuan. Horren aurrean elkarretaratzera deitu dute, astelehenean.
Behe bandako zutabea bezain erlojuaren aurka prestatzen ditut mozorroak, korrika, aztoratuta, zalantzaz, erretxin, estropezuka eta sarri arrakasta ez erabatekoarekin; adibidez, zutabe hau eta biharko mozorroa. Oraindik ez dakit bietako zein bukatuko dudan lehenago. Baina... [+]
Martxoaren 8a Getxo bere bizitokian igaro du: kumbia dekolonial eta antiarrazista topaketa antolatu du Algortako Herriko Tabernan, Abianen, Hija del Nopal DJrekin batera.
Argentinatik Getxora migratu zen Celeste Agüero, kantutegi herrikoi batekin eta poesia xuxurlatzeko... [+]
Alemaniako Poliziak asteleheneko gertakariaren arrazoiak "politikoak" zirela baztertu duen arren, 35 urteko Alexander Scheuermann Ring Bund talde neonaziko kide zen. Bi hildako eta hamar zauritu utzi dituen atentatuaren egileak sare sozialetan "gorroto mezuak"... [+]
Leporaturikoa ez onarturik, eta sare sozialetako kontuak "lapurtu" zizkiotela erranik, salaketa jarri zuen Arabako campuseko Farmazia Fakultateko irakasleak. Gernikako auzitegiak ondorioztatu du ez dagoela modurik frogatzeko mezu horiek berak idatzitakoak diren ala ez.
Martxoak 8a heltzear da beste urtebetez, eta nahiz eta zenbaitek erabiltzen duten urtean behin beren irudia morez margotzeko soilik, feministek kaleak aldarriz betetzeko baliatzen dute egun seinalatu hau. 2020an, duela bost urte, milaka emakumek elkarrekin oihukatu zuten euren... [+]
Ikerketa bat egin dute Alemanian, hauteskundeen atarian: kontuak sortu dituzte TikToken, X-n eta Instagramen, eta aztertu egin dute algoritmoak zer nolako edukiak erakusten dituen. Guztietan, algoritmoak eskuinera eta eskuin muturrera jotzen du gehien, TikToken nabarmen.
Ekitaldian, Mileik motozerra bat oparitu dio Muski, murrizketa sozialen sinbolo eta aldarri gisa.
Sozialdemokratek inoizko emaitzarik kaskarrenak lortu dituzten arren, litekeena da demokristau kontserbadoreekin elkartzea eta gobernua osatzea. Botoen %28,5 jaso ditu CDUk, eskuin muturreko AfDk %20,7 eta SPDk %16,4.
LGTBIQ+ banderaren itzalpean eta mezu eta doinu antifaxistez inguratuta jarri du karpa Voxek.