Lehengo lepotik burua
Gobernu eraketa berriak galdera asko utzi ditu erantzun gabe, baina argi dago berriro ere irmotasunez jokatu beharko dugula Euskal Eskola Publikoaren alde egiteko. Alderdi berak gobernatuko badu ere, aurpegi berriak izango genituela esan zitzaigun, baina hori ere ez da guztiz egia izan.
Azken lau urteetan izan dugun sailburuordea izango dugu sailburu orain, horrek alde on zein txarrak ditu. Batetik, egokitzapena errazagoa izango da; bestetik, ordea, ezaguna dugu sailburutza horren eraginkortasun maila zein mugatua izan den orain arte. Azken lau urteetan izan dugun Hezkuntza Sailak ez du lan hitzarmen bat sinatzeko benetako borondaterik adierazi sektore bakar batean ere. Datu hori larria da kontuan izanik izendatu zituztenean hori izan zela haien helburu nagusia, edo hori jakinarazi ziguten gutxienez.
Steilas sindikatuaren borondatearen truke, Hezkuntza Sailarena ere espero dugu behingoz Euskal Eskola Publikoa hezkuntza sistemaren erdigunean jartzeko
Hezkuntza Sail honen ondarea hezkuntza politikari dagokionez, titulartasun publikoa ez duten ikastetxeak babesteko sortu zen lege bat onartzea izan da. Ez dezagun ahaztu haien gobernukideek soilik babestu zutela lege hori eta hauteskunde kanpainan inork ez duela aipatu nahi izan. Ez dakigu, beraz, norentzat izan den arrakastatsua. Inondik inora ez da lege ona izan eskola publikoarentzat, eta ez da gure gizarteak hainbeste behar duen berdintasuna, kohesioa eta euskalduntzea bermatuko dituen legea izan.
Langileen lan baldintzei dagokienez, ondarea ere oso kaxkarra da. Hezkuntza legearen aurkako ahotsak isilarazteko asmoarekin eta mahai negoziatzailetik at, Arantzazun eta bi sindikaturen sinadurekin soilik, hezkuntza sistemako langile guztien baldintzak hobetuko zituen zehaztasunik gabeko eta loteslea ez zen akordio bat sinatzea lortu zuten. Itxuraz haratago akordio horrek ez du etekinik eman, mahai sektorialetan ez baita benetako akordiorik lortu.
Steilasetik beti bezala borondate on guztia jarriko dugu eta beti egongo gara sailburuarekin biltzeko prest. Hala ere, sindikatuaren borondatearen truke, haiena ere espero dugu behingoz Euskal Eskola Publikoa hezkuntza sistemaren erdigunean jartzeko. Horrekin batera sistemaren termometro diren langileen lan baldintzak duintzeko negoziazio errealak egotea espero dugu. Hori gertatu ezean, ez dugu zertan kortesiazko 100 egun itxaron, etxeko lan asko gelditu baitira egin gabe, beraz, ikasturte hasieratik ekingo diogu hezkuntzako langileen lan baldintzen eta Euskal Eskola Publikoaren aldeko borrokari.
Haizea Arbide Aza eta Yolanda Porres Garcia, Steilas sindikatua
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Barkatu hariztiak, artadiak, zumardiak, lertxundiak, lizardiak, haltzadiak, gaztainadiak, urkidiak, gorostidiak, sagastiak, pinudiak eta zuhaitzen elkarte guztiak, baina, gaur, pagadiak du hitzordua negu-mugako ospakizunak direla eta.
Errazagoa egiten zait negu-mugako... [+]
Badator Euskaraldia, berriz ere. Urte berriko udaberrian izango da oraingoan, antza. Dagoeneko aurkeztu dute eta, egia esanda, harritu egin nau; ez Euskaraldiak berak, ezpada beraren leloak: Elkar mugituz egingo dugu.
Irakurri edo entzun dudan lehenengoan, burura etorri zait... [+]
Ildo beretik dator Eusko Jaurlaritza berriaren politika. Hitzak bai, baina ekintzak ez dira argi ikusten Pradalesen gobernuak aurkeztutako aurrekontuan.
Nobedadea izan ohi da Durangoko Azokari lotzen zaion hitz entzunenetako bat. Nobedadea han, eta nobedadea hemen. Zenbaitetan, ordea, lehengokoari beste itxura ematea aski izaten da etiketa hori itsasteko. Talentu berriztagarriz birmasterizatutako CDek eta berrargitalpenek badute... [+]
Euskara txikitasunean handia den ur emaria dugu. Bertako tanta bakoitzak gure kultura ureztatzen eta biziberritzen du. Egarri den hari itsaso bete ur eskaini. Euskara putzu sakon eta ilun batetik etorri izan bada ere, guztiok atera dugu gure ur-gazi lagina, eta guztiok bilakatu... [+]
Gazteak gero eta lehenago hasten dira pornografia kontsumitzen; izan ere, bere sexu heziketa bakarra da pornoa. Nola demontre heldu gara honaino?
Gaur egun, onartu behar da Interneti esker pornografia ikustea askoz errazagoa dela. Tamalez, klik baten bidez 7-9 urte arteko... [+]
Joan den abenduaren 5ean, PPk lege proposamen bat aurkeztu zuen Nafarroako Parlamentuan, Nafarroako toki entitateetako Idazkaritza eta Kontu-hartzailetza lanpostuetan funtzionarizazioa lortzeko prozesuak bereizteko. Hori gertatuko balitz, 30 pertsona inguruk merezitako... [+]
Nazio Batuek abenduaren 10ean Giza Eskubideen Nazioarteko Eguna aldarrikatu zutenetik 51. urteurrena bete da aurten. Data horrek garrantzia hartu du Euskal Herrian eta Euskal Herriko Giza Eskubideen Behatokitik gogoetarako zenbait elementu eskaini nahi ditugu.
Nazioarteko... [+]
Bazen behin kulturaren gordailu bilakatu zen herria. Denboraren poderioz, munduko agintariek kultura adierazpide ororen aurka hartutako neurri murriztaileen erruz, herrien garra, sormena eta irudimena amatatuz joan ziren, emeki-emeki kandela bat bailitzan. Hala ere, herrialde... [+]
Elon Musken presentzia hedabideetan gora doa, suziri baten moduan, Etxe Zuriko lorategian lurreratu ostean. Lortzen ari den botereaz eta influentziaz asaldatuta omen daude beste botere batzuk eta, bere eragina gutxitzeko asmoz, X sarearen kontra kargatu dute. Azken asteetan The... [+]
Gure eskubideak, gure etorkizuna, orain! lelopean, Giza Eskubideen Nazioarteko Egunak 76 urteetako ondarea ospatzen du. Egunak mundu baketsuagoa, berdinzaleagoa eta jasangarriagoa eraikitzearen alde egitea du xede. Hala ere, aurrerapenak ospatzen diren bitartean, babesturik... [+]
Euskalgintzaren Kontseilua hizkuntza larrialdia bizi dugula ohartarazten ari da azken astetan. Urte dezente pasa dira euskararen biziberritze-prozesuaren egoera bidegurutzean, errotondan, inpasse egoeran eta antzeko hitzekin deskribatzen hasi zenetik, hizkuntza politikek... [+]
Azaroaren 25ean, Indarkeria Matxistaren Aurkako Nazioarteko Egunean, Steilas sindikatuko Idazkaritza Feministak kartel bat argitaratu du: Gure gorputza gudu zelai bat da du leloa, eta Hego Euskal Herriko ikastetxe guztiek jaso dute. Gatazka armatuetan emakumeek eta adingabeek... [+]
Mundu-mailan antifeministak eta arrazistak diren gorroto-diskurtsoak larriki areagotzen ari diren testuinguruan bizi gara. Mundu zabalean sare sozialek zein agenda
politikoek txertatzen dituzte eskuin-muturreko narratibak. Arrazismoa eta antifeminismoa tokian tokiko... [+]