Garbiñe Larreak Sendabelar baratzea argitalpena aurkeztuko du Hernanin, azaroaren 26 goizean. Egileari galdetu diogu bai loreontzietan eta bai baratzean norberak lantzeko moduko hamabi sendabelar proposatzen dituen liburuxka biribil honetaz. Maitane Gartziandiaren ilustrazioez eta Dani Blancoren argazkiez jantzia dator eta landareak biribilean lantzeko aukera planteatzen du, hilabetez hilabete eta urtaroz urtaro loratzen ikus dezagun.
Duela urtebete (azaroaren 2an) Sendabelarrek dakitena liburu ederra atera zenuen. Urtebetera bigarren argitalpena duzu esku artean, Sendabelar baratzea. Zein dira honen ezaugarriak?
Sendabelarrek dakitena liburuak azpititulu zuen “ezagutu, bildu, erabili”, eta ohartu ginen laugarren aditz bat gehitu ahal zitzaiola: “landatu”. Sendabelarrek dakitena liburuan agertzen diren 45 landare horietako asko dira norberak lantzeko modukoak, bai loreontzi batean edo lursail batean. Baratzearen ideia du oinarri argitalpen berriak, hau da, norbera izan daitekeen gisa jan behar duenaren ekoizle, zergatik ez norberak landatu norberak behar duen botikina? Asmo hori sustatzen du liburuxka honek.
Iruditzen zait azken urteetan kalitatea asko galdu dugula, ez dakigu sendabelarra nondik datorren, zein prozesu jaso duen, nola lehortu den... sendabelar asko balio terapeutikoa galtzen ari da. Horregatik, lehen aukera izan beharko luke sendabelarra norberak lantzea, eta horren gabezian erostea.
Begirada zabalduz, liburuxka honek erakusten du sendabelarrek dituzten balio terapeutikoez gain, dituzten erabilera gastronomikoak (gure elikadura eta sukaldea aberasteko), eta kosmetikoak. Landareen balio horiek ezagutzea eta norberak kudeatzen duen lur eremu batean kokatzea da planteamendua, eta honek autonomiaren bidea sakontzen du.
Historian zehar sendabelarren lorategi ederrak landu izan dira. Baratzearen bazterrean jartzen diren “aromatiko” edo “usaintsuak” izan beharrean, sendabelarrentzat espazio propio bat izatea eta zentraltasuna ematea aldarrikatzen ditu liburuxka honek.
Liburua biribila da formaz ere. Arreta deitzen du...
Botanikan lan handia egin zuen Carl von Linneo-k landu zuen eguzki erlojuen ideia lorategietan. Landareen ezagutza sakona zuen eta orduen arabera loratzen ziren landareekin osatzen zuen erloju formako lorategia, edo urtaroen arabera...
Borobilean lantzea aukera bat gehiago da, ez da zertan horrela landatu, nahi den era anarkikoan landatuta ere landareak oso ongi etortzen dira. Liburuxkan borobilean landatzea irudikatu dugu, ikusteko baratze hau urte oso bat egon litekeela loretan, aroak dituela, naturak ere urtean zehar badituela garai ezberdinak eta sendabelarra garaian garaikoa dela, elikagaiak bezala. Batzuk beti izango ditugu eskura, beste batzuk udan... Naturaren zikloa ikusarazteko modua ematen digu, erloju formaren bidez. Noski, kontuan hartu behar dugu Euskal Herrian klima ezberdinak ditugula, aldaketa klimatikoa ere hor dago... beraz, erloju formako baratzeari ezin zaio eskatu loraldietan perfekziorik.
Hamabi sendabelar landatzeko proposamena egiten duzu liburuxka honetan. Zergatik hamabi horiek?
Balio anitzekoak bilatu ditut, eta ez erabilera puntualekoak eta gaitz zehatz bakarrarentzako direnak. Gorputzak dituen behar anitzen artean (arnasketakoak, liseriketakoak...) oreka lortzen saiatu naiz, behar zabal batzuk erantzun ditzan.
Hautapena egiterakoan, erabilera terapeutikoa, gastronomikoa eta kosmetikoa izan ditut buruan, eta elkarrekin ongi uztartzea: bata bestea ongi “jasango” dutenak hautatu ditut, bat ez dadila bestearen ondoan gailendu...
Hasberrientzat egokiak diren landareak aukeratu ditut, Euskal Herrira ongi egokitutakoak, ez bereziki delikatuak edo zaintzeko zailak. Gogorrak diren landareak dira, bereziki gaitzek joko ez dituztenak eta mantenu errazekoak.
Liburuxka honetan hamabi sendabelarrekin egiten den baratze hau proposamen bat da, baina landare artean basatiak sortu daitezke, espero dut berbena eta pasmo-belarra jaioko direla, eta ongi-etorriak izan daitezela hamabi zenbakiari kontra egiteko berekasa etortzen direnak.
Norberak zer lur duen, zer behar eta zer gustu, horrek ere baldintzatzen du norberak landuko duen sendabelar baratzea.
Landare basati bat ere badago proposatzen dituzun landareen artean: malba.
Hautapenean garbi nuen zerbait basatia ere sartu nahi nuela. Zergatik ez sendabelar basati bat zure lurrera, zure loreontzira, zure terrenora ekarri? Nahita ekarri dut landare hori, dena erosi beharrik ez dagoela esateko. Liburuxkako landare asko erosi daitezke mintegietan, baina bada landare bat nahita ere erosi ezingo dena. Horrekin aldarrikatzen dut norberak joan behar duela malbaren bila eta ekarri egin behar duela. Malba oso ongi itsasten da eta besteekin oso ongi egokitzen da. Eta hain komertziala ez den landareren bat ere sartu dut, pixa-belarra.
AZKEN ESALDIA: "SENDABELARREN BALIO ESTETIKOA EZ DA GUTXIESTEKOA"
"Apaingarritarako landareak balio estetikoagatik bakarrik erabiltzen dira, eta sendabelarrak zergatik ez du balio estetikorik? Badirudi asko gustatzen zaigula sailkatzea eta bakoitzari funtzio bat esleitzea, baina sendabelar baratzeak sailkapen hori puskatzen du, balio estetiko bat ere baduelako, nahiz eta sendatzeko izan".
Udaberrian orain dela egun gutxi sartu gara eta intxaurrondoa dut maisu. Lasai sentitzen dut, konfiantzaz, bere prozesuan, ziklo berria hasten. Plan eta ohitura berriak hartu ditut apirilean, sasoitu naiz, bizitzan proiektu berriei heltzeko konfiantzaz, indarrez, sormen eta... [+]
Ohe beroan edo hotzean egiten da hobeto lo? Nik zalantzarik ez daukat: hotzean. Landare jaioberriek bero punttu bat nahiago dute, ordea. Udaberriko ekinozio garai hau aproposa da udako eta udazkeneko mokadu goxoak emango dizkiguten landareen haziak ereiteko.
Duela lau urte abiatu zuten Azpeitian Enkarguk proiektua, Udalaren, Urkome Landa Garapen Elkartearen eta Azpeitiako eta Gipuzkoako merkatari txikien elkarteen artean. “Orain proiektua bigarren fasera eraman dugu, eta Azkoitian sortu dugu antzeko egitasmoa, bere izenarekin:... [+]
Itsasoan badira landareen itxura izan arren animalia harrapari diren izaki eder batzuk: anemonak. Kantauri itsasoan hainbat anemona espezie ditugun arren, bada bat, guztien artean bereziki erraz atzemateko aukera eskaintzen diguna: itsas-tomatea.
Aurten "Israel Premier Tech" txirrindularitza talde israeldarra ez da Lizarraldeko Miguel Indurain Sari Nagusia lasterketara etorriko. Berri ona da hori Palestinaren askapenaren alde gaudenontzat eta munstro sionistarekin harreman oro etetea nahi dugunontzat, izan... [+]
Sare sozialen kontra hitz egitea ondo dago, beno, nire inguruan ondo ikusia bezala dago sare sozialek dakartzaten kalteez eta txarkeriez aritzea; progre gelditzen da bat horrela jardunda, baina gaur alde hitz egin nahi dut. Ez ni optimista digitala nauzuelako, baizik eta sare... [+]
Bada Borda bat ilargian. Bai, bai, Borda izeneko krater bat badu ilargiak; talka krater edo astroblema bat da, ilargiaren ageriko aldean dago eta bere koordenadak 25º12’S 46º31’E dira; inguruan 11 krater satelite ditu. Akizen jaiotako Jean Charles Borda de... [+]
Donostiako Amara auzoko Izko ileapaindegi ekologikoak 40 urte bete berri ditu. Familia-enpresa txikia da, eta hasieratik izan zuten sortzaileek ile-apainketan erabiltzen ziren produktuekiko kezka. “Erabiltzaileen azalarentzat oso bortzitzak dira produktu gehienak, baina... [+]
Ugaztunei eskainitako azken artikuluaren amaierako hitzak hurrengo animalia aurkezteko aitzakia paregabea dira. Bertan esaten genuen muturluzeak erreka “garbi eta txukunak” behar dituela, kutsadurarik gabeak baina elementu natural anitzekin. Animalia txiki horren... [+]
Mila milioika mintzo dira agintariak. CO2 isurketak konpentsatzeko neurri eraginkor gisa aurkeztuta, zuhaitz landaketei buruzko zifra alimaleak entzuten dira azken urteetan. Trantsiziorako bide interesgarria izan zitekeen, orain arteko oihanak zainduta eta bioaniztasuna... [+]
Kutsatzaile kimiko toxikoak hauteman dituzte Iratiko oihaneko liken eta goroldioetan. Ikerketan ondorioztatu dute kutsatzaile horietako batzuk inguruko hiriguneetatik iristen direla, beste batzuk nekazaritzan egiten diren erreketetatik, eta, azkenik, beste batzuk duela zenbait... [+]
Ubidekoak (Bizkaia) dira Imanol Iturriotz eta Aritz Bengoa gazteak. “Lagunak gara txikitatik, eta beti izan dugu buruan abeltzaintza proiektu bat martxan jartzeko ideia”, azaldu du Iturriotzek. Nekazaritzari lotutako ikasketak izan ez arren, baserri munduarekin eta... [+]
Antxoa, bokarta edo albokartia, gure arrain komertzialen artean txikiena, euskal kostaldera hurbildu da.
Magnoliak eleganteak dira. Dotoreak. Anddereak. Pontxoak. Apainak. Pimentak. Gurbilak. Ponposak, ponpoxearrenak. Ortiroak. Ia-ia fazazkoak, kriket eta kraket. Ez naiz harritzen, beren loraldien azpian lurrarekin urtzerainoko handitasunaren menpeko sentitzen naiz urtero.
Gaur abiatu da Bizi Baratzea Orrian kide egiteko kanpaina. Urtaro bakoitzean kaleratuko den aldizkari berezi honek Lurrari buruzko jakintza praktikoa eta gaurkotasuneko gaiak jorratuko ditu, formato oso berezian: poster handi bat izango du ardatz eta tolestu ahala beste... [+]