“Lehen aldiz hitz egin dugu nekazarien feminismoaz, eta hori historikoa da”
Derion egin berri den La Via Campesinako V. Emakumeen Biltzarra historikotzat jo du Sandra Moreno Cadena antolatzaileetako batek. Moreno kolonbiarra da jatorriz, baina Espainian bizi da. Andaluziako Langileen Sindikatuko kidea da, eta zehazkiago Landa-eremuko Langileen Sindikatukoa. Haren ahotik jaso dugu Emakumeen Biltzarrak emandakoaren berri.
Zein izan duzue abiapuntua?
Emakumeen Batzar hau oso testuinguru berezian eman da. Bortizkeria areagotzen ari da eta emakumeek borrokatu eta erdietsitako eskubide batzuk galtzen ari dira. Uste dut biltzarrak balio izan duela eskualde askotan emakumeek duten egoera azaleratzeko. Alderdi nagusietako bat izan da ea norainokoa den emakumeon parte hartze politikoa, zein den gure antolakundeetan eragiteko dugun gaitasuna, eta eragin hori ikuspuntu feministarekin ematen ote den. Erabakietan parte hartzeak ez du berez esan nahi landa eremuan jasaten dugun diskriminazioa behar bezala erakusten denik.
Zuen parte hartzea ez da kualitatiboki behar lukeen bezain emankorra, beraz?
“Emakumeak ondo ordezkatuta gaude?” galderari erantzuten saiatu gara. Eta erantzuna “gehienetan ez” izan da. Kaleko ekintza eta mobilizazioetan erdia edo gehiago emakumeak izan arren, horrek ez dakar berez berdintasuna erabakitze-guneetan. Parekidetasunak ez du ikuspegi feminista ziurtatzen, hau da, emakumeok zein baldintzatan gauden kontuan izatea. Batzar honetan, lehen aldiz, nekazarien feminismoaz eztabaidatu dugu, eta hori historikoa da.
.JPG)
Zer proposatzen duzue desoreka hori aldatzeko?
Bada Latinoamerikatik datorren proposamen bat, duela urtebetekoa edo, eta beste eskualdeetan barneratzen hasiak direnak. Proposamen hori erronka da, ez emakumeen batzarrentzat bakarrik, mugimendu osoarentzat baizik: nola eraiki mugimendu feminista bat, argi eta garbi talde feministetatik abiatu behar dena? Hori da Nazioarteko Biltzar orokorrera eramango dugun adierazpena: feminismotik borrokatzeko konpromisoa hartzen dugu, elikadura burujabetza eredutzat hartuta. Eta emakumeon aurkako indarkeria gaitzesten dugu, gure lurraldeen aurkakoa, gure baliabideen aurkakoa. Lotura zuzena dago naturaren gehiegizko ustiapenaren eta gorputzen aurkako indarkeriaren artean.
Naturaren gordailuak emakumeak zaretela aipatzen da maiz, izan ere…
Genero rolagatik, emakumeak arduratu izan dira zaintzaz. Lurra zaintzen dugu, haziak gordetzen ditugu, gure ingurua egoki mantentzen saiatzen gara. Hori ona da. Nolabait, inguruaren ikuspegi femeninoa daukagu, hazkundetik eta ustiapenetik aldenduta. Kapitalean oinarritzen den ekonomiaren alternatiba gara, baina alternatiba ikusezina, kapitalaren ekonomiak ez baitu aitortzen hazten laguntzen ez dion ezer. Hori da jasan behar dugun beste bortizkeria mota bat: gure lanari lan izaera ez aitortzea, “laguntzarena” baino.
Larunbatean Derioko Nazioarteko Konferentziari amaiera eman eta gero, manifestazioa egin da igandean Bilbon, La Via Campesinak deituta. Moyua plazatik Zazpi Kaleetako Plaza Barrira arteko ibilbidea egin dute ia 2.000 lagunek, eta ondoren bazkaria izan da. Horren aurretik... [+]
Euskal Herriko Deia zabalduz amaitu da La Via Campesinaren VII. Nazioarteko Biltzarra Derion. Lau egunez eztabaidan aritu eta gero, biltzarraren ondorioak biltzen dituen adierazpena aurkeztu dute bi ordu inguruko ekitaldi hunkigarri batean. Mundu osoko 200 milioitik gora... [+]
Argentina iparraldeko Santiago del Estero probintziatik etorri da Deolinda Deo Carrizo La Via Campesinaren Nazioarteko Biltzarrera. Nekazari indigenen eskubideen alde borrokan diharduen MNCI (Nekazari Indigenen Mugimendu Nazionala) taldeko kidea da, baita mugimendu... [+]
La Via Campesinaren Nazioarteko Biltzarraren egitarau osagarriaren barruan, nekazarien eskubideen urraketari buruzko txostena aurkeztu zuten asteazkenean. EAEri dagokion atalaren egileak, Leticia Urretabizkaia EHUko ikerlari eta hezitzaileak, gurekin hitz egin zuen aurkezpena... [+]
“Elkarte txikia gara eta guretzat erronka handia da nazioarteko konferentzia hau antolatzea, baina gure errealitatea ikusarazteko aukera bikaina ere bada”, esan digu Alazne Intxauspe EHNE Bizkaia sindikatuko kideak, La Via Campesinaren VII. Nazioarteko Biltzarra... [+]
Jendez mukuru izan da Derioko apaiztegi zaharreko eliza zena, Biltzarraren inaugurazio ekitaldian. Dantzak, kantuak eta musikak hartu dute lehenbiziko ordua, mezu politikoek bigarrena. Amaieran, azken urteetan La Via Campesinarekin bat egindako elkarte berrien aurkezpena egin... [+]
Pertsonak elikatzeko nekazarien beharra du munduak. Eta modu egoki eta jasangarrian egiteko, edozein ereduk ez du balio. Hala aldarrikatu du Miguel Blancok, Espainiako Estatuko nekazari elkarteen COAG federazioko idazkari nagusi eta hizlari kementsuak, La Via Campesinaren VII... [+]
Nekazari gazteen nazioarteko laugarren asanblada izan da La Via Campesinaren VII. Nazioarteko Biltzarraren lehen urratsa. Egun eta erdiko bilkurak emandakoa azaldu digu Paula Gioiak, La Via Campesinaren koordinazio batzordean Europak dituen ordezkarietako batek.
Arafat Jaradat, Palestinako UAWC nekazari-antolakundeko kidea, La Via Campesinaren VII. Nazioarteko Biltzarrean parte hartzen ari den 500 inguru pertsonetako bat da. Hebronen bizi da, Zisjordanian. Israelen erasoak direla-eta palestinar nekazariek eguneroko lana egiteko dituzten... [+]
La Via Campesina nekazarien nazioarteko mugimendua Euskal Herrian egiten ari da VII. Nazioarteko Biltzarra, uztailaren 16tik 24ra bitartean. ARGIAk egunero emango du haren berri.
Gaur, hilak 16, "Txikizioa borrokatu, bertako elikadura bultzatu!" goiburu duen Bergara-Derio martxaren hirugarren eta azken etapa burutu da, Larrabetzu eta Derio artean.
La Via Campesina bederatzi eskualde handitan banatuta dago, eta horietako bakoitzak bi ordezkari ditu antolakundearen Nazioarteko Koordinazio Batzordean. Lau urteko honetan Unai Aranguren (Galdakao, 1971) EHNE Bizkaiako kidea da organo horretan Europak dituen ordezkarietako bat... [+]
La Via Campesinak, munduko laborari elkarterik handienak, Euskal Herrian egingo du VII. Nazioarteko Biltzarra. Globalizazioari modu bateratuan aurre egiteko jaio zen antolakundea duela 24 urte; ordutik asko hazi eta sendotu da, politika neoliberalak areagotu diren hein bertsuan... [+]