Hauek dira abenduaren 14an 17:00etatik aurrera finalean kantuan arituko direnak:

Zuzenean sailkatuak:

• Agin Laburu Rezola (hirugarren finala du. 2011, 2015ean ere aritu zen finalean)

• Beñat Gaztelumendi Arandia (laugarren finala du. 2007, 2011, 2015ean aritu zen. 2015ean txapeldun)

• Jon Maia Soria (laugarren finala du. 2003, 2007, 2015ean ere aritu zen)

Puntuazioz sailkatuak, hurrengoak:

• Alaia Martin Etxebeste (hirugarren finala du. 2011, 2015ean ere aritu zen)

• Ane Labaka Mayoz (lehen finala du)

• Oihana Iguaran Barandiaran (hirugarren finala du. 2015 eta 2017an ere aritu zen)

• Beñat Lizaso Alberdi (lehen finala du)

• Nerea Elustondo Plazaola (lehen finala du)

Finaleko sarrerak eskuratzeko aukera bertsozale.eus webgunean dago.

Orain arteko Gipuzkoako Txapelketako finalistak eta generoa

Lehen final parekidea izango du Gipuzkoako Bertsolari Txapelketak. Orain arteko ibilbidea hau izan da, generoaren arabera:

Amaia Agirre izan zen finalean kantatu zuen lehen emakumea (1999ko Herriartekoan). Geroztik ere izan dira emakumerik gabeko finalak. 2003an Maialen Lujanbiok jantzi zuen txapela, Gipuzkoakoa janzten lehen emakumea eta oraingoz bakarra da bera. Gipuzkoako finalean gehien kantatu duten bi emakumeak Alaia Martin eta Oihana Iguaran dira (hau dute hirugarren finala).

Guztietan txapela gehien jantzi dituena oraingoz Aitor Mendiluze da (baditu bi). Beñat Gaztelumendik aurten jantziz gero berdinduko luke marka. Eta final gehien jokatu dituen bertsolaria, oraingoz, Jexux Mari Irazu (bost final ditu jokatuak). Beste hiru urtean gutxienez eutsiko dio errekorrari.

Hemen finalistak urtez urte:

- 1991ko Gipuzkoako Txapelketako finalean zortzi gizon aritu ziren: Anjel Mari Peñagarikano (txapeldun), Andoni Egaña, Xabier Perez "Euskitze", Jon Sarasua, Xebastian Lizaso, Iñaki Murua, Martin Rezabal "Olaso" eta Mikel Mendizabal.

- 1995ekoan ere beste zortzi gizon: Aitor Mendiluze (txapeldun), Jexux Mari Irazu, Joan Jose Eizmendi "Loidisaletxe", Mikel Mendizabal, Iñaki Murua, Iñaki Zelaia, Jokin Sorozabal eta Jose Ramon Elorza.

- 1999an egin zen Gipuzkoako Herriarteko Txapelketan bost gizon eta emakume bat aritu ziren Azpeitian jokatu zen finalean: Zarauzko taldetik Julen Zulaika, Andoni Egaña eta Iñigo Manzisidor Mantxi. Erniope taldetik Txomin Garmendia, Amaia Agirre eta Jexux Mari Irazu.

- 2003an bi emakume aritu ziren finalean kantuan eta lehen aldiz jantzi zuen emakume batek Gipuzkoako Txapela. Hauek finalistak urte hartan: Maialen Lujanbio (txapeldun), Jon Martin, Aitor Mendiluze, Jon Maia, Iñaki Gurrutxaga, Jexux Mari Irazu, Ekaitz Goikoetxea eta Amaia Agirre.

- 2007an beste zortzi gizon hauek aritu ziren finalean: Aitor Mendiluze (txapeldun), Beñat Gaztelumendi, Jon Martin, Jon Maia, Jexux Mari Irazu, Aitor Sarriegi, Unai

Agirre eta Iker Zubeldia.

- 2011n zazpi gizon eta emakume bat aritu ziren finalean. Hauexek: Aitor Sarriegi (txapeldun), Beñat Gaztelumendi, Alaia Martin, Iñaki Apalategi, Agin Laburu, Jexux Mari Irazu, Jon Martin eta Unai Agirre.

- 2015ean sei gizon eta bi emakume aritu ziren finalean. Hauek: Beñat Gaztelumendi (txapeldun), Alaia Martin, Agin Laburu, Iñaki Apalategi, Unai Agirre, Oihana Iguara, Jon Maia eta Arkaitz Oiartzabal.

- 2017an bigarrenez antolatu zuen Gipuzkoako Bertsozale Elkarteak Herriarteko formatuan. Bost gizon eta emakume hau aritu ziren finalean: Karidadeko Benta taldeko Joseba Otaegi, Haritz Mujika eta Unai Mendizabal. Am...ona! taldeko Oihana Iguaran, Beñat Iguaran eta Ander Goikoetxea.

Tolosako finalaurrekoa Jon Maiak irabazi du

Usabal kiroldegian jokatutako hirugarren finalaurrekoan horrela geratu da sailkapena:

1. Jon Maia Soria…………………….494,5
2. Oihana Iguaran Barandiaran…....471
3. Beñat Lizaso Alberdi……………..469.5
4. Jokin Uranga Isuskiza……………456.5
5. Iban Urdangarin Lardizabal……...444
6. Haritz Mujika Lasa………………...432