“Legalki, ‘fetu hil’ edo ‘abortu-hondar’ izateari utzi diote gure umeek, eta inportantea da dolu prozesurako”
Sei hilabeteko gestazioaren ostean hil diren umeak erregistro zibilean inskribatu ahal izango dira hemendik aurrera Hego Euskal Herrian, Espainiako legeak jaso duen aldaketa medio. Hori zergatik den hain inportantea eta legeak zein beste pauso eman beharko lituzkeen azaldu dio ARGIAri Eider Otxoak.
“Orain arte ezin izan ditugu gure umeak erregistratu eta orain hori egin ahal izatea inportantea da, ume baten galera bizitzea beti zaila bada, ezin erregistratzeak, ume hori ez aitortzeak, mina eta amorrua areagotu egiten duelako. Legalki, ‘fetu hil’ edo ‘abortu-hondar’ izateari utzi diote, gure umeek leku bat hartuko dute, eta dolu prozesuan asko laguntzen du horrek; aspaldiko aldarrikapen bat zen”, adierazi digu Eider Otxoak. Umea galdu zuen Otxoak, eta Esku Hutsik elkarteko kidea eta terapeuta da.
Hala ere, lehenengo pausoa dela gaineratu du, eta beste bi urrats eman beharko lituzkeela legeak: batetik, sei hilabeteko gestaziora iritsi ez diren umeak inskribatzeko aukera; bestetik, heriotza perinatala jasan duten haurrak familia liburuan ere erregistratu ahal izatea.
Halako heriotza baten ostean, gurasoek lanera ez joateko hainbat eguneko baimena ez ote litzatekeen jaso behar galdetu diogu Otxoari, eta amatasun eta aitatasun baimenak aipatu ditu: “Guk bizitzen duguna da ez amatasun eta ez aitatasun bat, eta horregatik behar dugu gure dolurako, gure minerako eta gure umeak bere lekuan kokatzeko denbora hori”.
Beste bi urrats eskatu dituzte: sei hilabeteko gestaziora iritsi ez diren umeak inskribatzeko aukera, eta familia liburuan ere erregistratu ahal izatea
Pelutxeak eta globoak Hernaniko hilerrian
Umekia, ume jaioberria edo egun gutxi dituen umea hiltzeari deitzen zaio heriotza perinatala; ume horientzako leku bat inauguratu zuten Hernaniko hilerrian, joan den otsailean. Ekimenaren bultzatzaile den Esti Zeberiok kontatu digunez, “tarteka bertaratzen garenok ikusten dugu geroz eta izartxo gehiago daudela seme-alaben izenekin. Eta hori bakarrik ez, urteurrenetan edo momentu berezietan ere elkartze, sentitze, oroitze puntu izaten ari dela antzeman daiteke, tarteka izartxoen ondoan pelutxeak, globoak eta bestelako oroigarriak azaltzen baitira. Inaugurazioan esan genuen moduan, gure seme-alabek gizartean bere lekua izatea oso garrantzitsua da galera hori izan dugun gurasoentzat, eta bai neurri berriak suposatu duen aldaketa handiak, bai hilerrian euren espazioa izateak sufrimendu hori arintzen laguntzen dute, gure txikien existentzia ikusarazten dute”.
Jipoia uztailaren 11ko gauean izan zen Euskaldunen plazan, eta biktima gauean bertan ospitaleratu zuten Euskal Kostaldeko Ospitalean, Baionako prokuradore Jerome Bourrierrek informatu duenez. Atxilotutako gizona behin-behineko espetxealdian dago, Baionako fiskaltzak eskatuta,... [+]
Paris, 1845. Frédéric Bastiat (1801-1850) ekonomialari eta politikari lapurtarrak Pétition des fabricants de chandelles (Kandelagileen eskaera) satira idatzi zuen. Protekzionismoaren aurkari sutsua, kandelagileek "bere argia salneurri baxuegitan... [+]
Presoa ziegan aurkitu dute hilik ostegun iluntzean. Eusko Jaurlaritzak esan du suizidio kasu baten aztarnak dituela. Gainera, Jaurlaritzak 2021ean espetxeen eskumena jaso zuenetik hiltzen den zazpigarren presoa da.
(Azken aldi luzean ezin naiz gauez atera, eta arratsaldez ere larri, eta asteburuetan ere ez, eta (jarri zaizue jada ihes egiteko gogoa), marianitoak eta bazkari azkar samarrak izaten dira nire enkontruneak. Konpainiak ondoegi aukeratu behar ditut. Ezin ditut poteoak... [+]
Iaz, irailaren 9an, jaio eta egun gutxira zendu zen Irati Unamunzagaren eta Jon Arriagaren umea, Nare. Haurdunalditik beretik, bidearen gazi-gozoak konpartitu dituzte ingurukoekin, naturaltasunez, eta dolu perinatalaren prozesuarekin beste pauso bat egitea erabaki dute:... [+]
Liberation eta La Croix egunkariei emandako elkarrizketan, eutanasiari bide emango dion lege proiektu bat bozkatzeko asmoa dutela iragarri du Frantziako presidenteak.
Euskal Herriko Unibertsitateko zenbait ikertzaileek harrera-egoitzetako nerabeen jokabide suizidak aztertu dituzte, eta ondorioztatu dute gazteen laurdena bere buruaz beste egiten saiatu dela. Salatu dute langile gehienek ezagutza “baxua” dutela.
Duela hilabete batzuk, ahizpak bost hilabeteko haurdunaldia eten behar izan zuen umekiak buruan zekarren deformazio baten ondorioz. Malko artean hartu zuen erabakia, eta berria eman eta bost egunera umea (Xoán) erditzen zegoen Gurutzetako ospitalean (garapen-maila... [+]
2022an 576 herritarrek eskatu zuten hiltzeko laguntza eta 288k lortu zuten Eutanasia Legearen babesa. 2021eko ekainean jarri zen indarrean legea eta, harrez geroztik, 749 pertsonak erabili dute. 2021ean 173 izan ziren eskaerak eta 75 izan ziren onartuak.
“Gehiago Gara” ekimena aurkeztu dute abenduaren 16an Donostian hainbat elkarteren artean, "haurren heriotzaren aurrean naturaltasunez eta humanitatez jardutea posible dela gogoratuz, dagoneko horrela jarduten dutenen erakundeei aitortza eginez, eta alor... [+]
Lagundu nahi eta kontrakoa eragin dezakegu, ez badakigu gestionatzen zer esan eta egin, gertuko norbaitek aitortzen digunean egoerak gain hartu diola eta bere buruaz beste egingo duela. Jarraibide erraz batzuk eman ditu Pablo R. Coca psikologoak, hain egoera konplexuari aurre... [+]
Salatu du larunbatean bere burua urkatu zuen presoari ez zitzaiola suizidioen aurkako protokoloa ezarri eta ziegan bakarrik zegoela, aurreko egunetan “ondo ez zegoela” adierazi bazuen ere. Azpimarratu du Jaurlaritzak espetxeen eskumena hartu zuenetik bere buruaz... [+]
Paleolitotik ez da aldatu gure harridura heriotzaren aurrean. Hileta-erritu bat irudikatzean, beti sartzen dira koadroan tristura eta larritasuna halabeharraren aurrean; pintzelkada leunetan edo dosi handietan, kultura horren emozioen tratamenduaren arabera, adierazkor edo... [+]