Lazkaon aspaldi galdu ziren inauteriak berpiztuko dituzte
Lazkaon 1960-70ko hamarkadan galdu ziren inauteriak berreskuratzeko asmotan dabiltzala irakurri dugu azken asteetan. Festa haietatik abiatuta herriko hainbat talde elkartu eta otsailaren 28an plazaratuko dira inauteriak ospatzera. Xehetasun gehiago jakin nahian Oin Arin dantza taldeko Anne Zubiarraini galdera batzuk luzatu dizkiogu.
Zehazki zer da prestatzen ari zaretena Lazkaon?
Lazkaok erabat desagertu den ohitura bat izan du 1960-70 urtera arte inauteriak ospatzeko. Mozorroak deituriko pertsonaiak etxerik etxe eta kalez kale dantzan eta eskean ibiltzen ziren. Gure asmoa 1960 inguruan eten zen ohitura berreskuratzea da.
Nola planteatzen duzue otsailaren 28ko eguna?
Herriko eragileak ari gara eguna antolatzen. Lazkaoko udalaren babes eta laguntza izanik, Oin Arin dantza taldeko kideok, herritarrak, inauterietan parte hartzera animatu daitezen, egingo ditugun dantzak ikasteko entseguak antolatu ditugu. San Benito ikastolan, Lehen Hezkuntzako ikasleek euskal inauterien, eta zehazki, Lazkaoko inauterien lanketa egiteaz gain, otsailaren 28an egingo ditugun dantzak ere landuko dituzte. Egunean bertan, Lazkao Txiki musika eskolako trikitilarien eta panderojoleen laguntza izango dugu dantzarako. Horrez gain, Jotake Lazkaun taldeko joaldunak izango dira herrian zehar egingo dugun ibilbidean.
Puska-biltzea, kalejira... ze asmo duzue egun horretarako?
Herrian zeharreko ibilbide bat egingo dugu, kalejiran, eta hainbat plazatan geldiuneak egingo ditugu dantzatzeko.
Mozorroak aterako dira, argazki zaharrean agertzen diren estilokoak?
Bai, Mozorroak izenarekin ezagutzen zen lagun taldea janzten zen bezala janztea da asmoa; dantzariz jantzita, alegia: praka eta alkandora zuriak, apreta zuriak xingola gorriekin zeharkatuak, txapela eta gerriko gorriak eta lepoan zapi koloreduna. Horrez gain, inauterietako dantzetan Lazkaomendin erabili izan zen galtza zuri berezi batzuen berri ere izan dugunez, zeinak esku gorriaren irudia zuen izter gainean kokatua, elementu hori ere gure jantzietan gehitzea erabaki dugu. Beraz, Zagupe astialdi taldeak, tailer bat antolatuko du inauterietan parte hartzera animatu diren haur, gazte eta helduek beraien eskuak egin ditzaten jantzien osagarri gisa.
Eta ze dantza egingo dituzue?
Herrian zehar egiteko aukeratu ditugun dantzak festa giroan dantzariek eta dantzari ez direnek ere egiteko modukoak dira: Pxit, Polkak, Esku dantza, Lantzeko zortzikoa, Iturria, Borobila... Eta ondoren, dantzari talde batek mozorro-dantza ere eskainiko digu.
Mozorro-dantza orain sortu duzue?
Ez, ez dugu orain sortu dantza, orain urte batzuk berreraikitako Ataungo mozorro-dantza izango da. Beasaingo Aurtzaka dantza taldekoek Goierriko dantzen ikuskizunerako berreraiki zutena, hain zuzen ere.
Bi asteburu direla atera dira lehen kaskarotak: Beskoitzekoak. Eta martxora arte larunbatez eta igandez astero ibiliko dira herriko auzoetan etxez etxe dantzan eta festan. Goiztiarrenak eta irteera gehiena egiten dituztenak dira Beskoitzeko kaskarotak, baina ez bakarrak... [+]
Villabonako Berdura plaza bete dute herritarrek otsailaren 13 iluntzean, Tolosako inauterietan Ertzaintzak gazte bati begia larri zauritu ziola salatzeko. Bere aitak azaldu ditu begian dituen lesio larriak eta Ertzaintzaren jokabidearekiko haserrea plazaratu du: "Ez da... [+]
Irungo inauterietako kartel lehiaketa irabazi duen gizonak adimen artifizial bidez sortu du irudia, ziurtatu du Luis Doviso diseinatzaileak: “Iruzur egin du, bere burua egiletzat aurkeztu duen pertsonak ez duelako kartela egin, makina batek baizik”. Jakin gabe,... [+]
Kaskarotak eta maskaradak kasik urtearekin batera hasi dira eta jarraian etorri dira beste zenbait inauteri festa. Goiztiarrenak urtarrilean ari dira ospatzen, baina aurten inauteri gehienak datoz oso goiz. Otsailaren 8an izango da Ostegun gizena eta 13an Inaute asteartea. Hadi!... [+]
Baserriz baserri eta etxez etxe ibili ohi dira Euskal Herriko hainbat mozorro dantzan eta kantuan, trukean zerbait jasoko duten itxaropenez. Atea jo eta ezkaratzetan egin ohi da festa. Askotan atarian ez ezik etxe barruetaraino sartzen dira mozorroak eta mahai bueltan egiten... [+]
Urtarrilarekin batera iritsi da inauteri garaia. Maskaradak eta kaskarotak martxan dira, baita beste zenbait inauteri goiztiar ere. Data nagusiak, ordea, otsailean izango ditugu aurtengoan. Otsailaren 16an izango da Ostegun gizen eta 21ean Inaute asteartea. Inauteri garaiko... [+]
Urtero legez Euskal Herria Plaza eskatu du Tolosako Txosna Batzordeak, baina salatu duenez, udalak aldebakarrez erabaki du txosna gunea Plaza Berrira lekualdatzea.
Herri batzuetan urtero moduko inauteriak izango direla adierazi da, beste zenbaitetan moldatu egin dituzte eta beste batzuetan bertan behera gelditu dira inauteriak. Sarrera honetan beste urteetan ospatu izan diren errituak zerrendatu ditugu, baina horrek ez du esan nahi aurten... [+]
Haratustea baino luzeago egin zaie tolosarrei inauteririk gabeko urtea. Hilaren 24tik martxoaren 1a bitarte berreskuratuko dituzte aurten festak. Karrozak prestatzeko bi aste baino izan ez dituzten arren, aurten ere kaleak hartuko dituzte. Txosnak eta barrakak ere urteroko... [+]
Koronabirusa dela eta izandako etenaldiaren ostean, aurten berriz ospatuko dituzte inauteriak Tolosan. Ostiralean emango ditu zehaztapen gehiago Tolosako Udalak.
Bariku honetan berriro ikusi ahal izan dira Kokomarroak Arratia bailarako Artea herrian. Hainbat urtez lozorroan egon ostean, herritar taldetxo batek herriko zaharrenek akorduan dituzten Kokomarroak “berpiztu” ditu.
"Arteako Kokomarroak" taldeak eman du... [+]
Otsailak 2, Kandelario. Trumoi hotsa aditu da. Oskarbi dago hala ere. Zulo beltzean luzaroan geldi egon den piztiaren giharrak tinkatzen hasi dira. Lotan egin duen puzkerrak iratzarri du. Hilabeteetako loaldiaren nagiak askatu, kiribilduta izan den zuloaren berotasuna utzi eta... [+]