Nortzuk osatzen duzue Ginger?
Nerea Altxu, Andrea Lopetegi, Gorka Larrañaga eta Jone Azkoaga gara, zarauztarrak denak, eta talde ezberdinetatik gatoz: MKT, Iñor ez, Pottors ta Klito, Mor more… Dena dator Mor more utzi eta gero, zerbait kañeroagoa egin nahi genuelako. Altxurekin juntatu eta kantak egiten hasi ginen. Ostean, Gorkari komentatu eta sei kanta sortu genituen, 2021ean grabatu genituenak. Oraindik ez dugu zabaldu, baina martxotik aurrera beste bateria-jole bat izango dugu, Imanol Arruti oriotarra, Giranice taldekoa.
Musika-talde asko eman eta ematen jarraitzen dituen herri batean jaio da Ginger; kultura horrek zuei ere bultzatu al dizue zuen aurreko eta gaurko musika-taldea sortzera, ala beste nonbaitetik datorkizue eragin hori?
Oso musikazaleak izan gara beti, eta horrek eragina izan du. Laurok Putzuzulo gaztetxean ibilitakoak gara, eta gure giroa oso lotuta joan da musikarekin eta rock eszenarekin. Astero geneukan zarata-kontzertu bat ikusteko edo antolatzeko aukera. Gure lagunek taldeak zituzten, eta horrek ere bultzatu gintuen talde bat sortzera. Zarautzen sortutako Mefsst! Musika Errebolta Feminista jaialdi feministak ere eragin gintuen; lau jaialdi egin genituen. Punk eta hardcore eszenan emakumeen falta ikusita, behar bat sortu zitzaigun elkartzeko, eta halako topagune bat egin genuen. Horrek ere indarra eman zigun elkartu, kantak egin eta proiektua aurrera eramateko.
Trap, reggaetoi, musika elektroniko eta estilo berrien garai honetan, zelan ikusten duzue punk eta rock musika-taldeen etorkizuna?
Estilo horiei buelta bat eman eta eraberritu beharko al dira? Egia da musika eszenan estilo gehiago daudela gaur egun, baina, hala ere, rockaren eszena nahiko osasuntsu dago Euskal Herrian. Talde piloa daude, oso indartsu eta basatiak: Vulk, Lukiek, Pinpilinpussies… Oso eszena indartsua sortzen ari da. Komertzialki, beste estilo batzuk ere sortu dira, baina punka eta rocka ez dira hain komertzialak izan inoiz, eta bizi-bizirik ikusten ditugu. Agian, 80ko hamarkadan, punkak izan zuen beste testuinguru politiko eta eztanda bat, baina uste dugu oraintxe indarrean dagoela. Punka ere moldatzen joan da, eta eboluzio bat eman da bere horretan…
Estiloari buelta eman eta eraberritu beharko diren ala ez, bakoitzak ikus dezala, kar-kar. Guk uste dugu estilo gehiago eta ezberdinak egonda fusio bat sortzen ari dela ere, aberatsa dela uste duguna.
Zarautzen jaiotako taldea izanik, zelako harremana duzue Putzuzulo gaztetxearekin eta inguruko musika eta kultur alternatiboagoa eskaintzen duten mugimenduekin?
Guretzako, Putzuzulo gaztetxea proiektuak aurrera eramateko leku bat izan da, hortxe pasa dugu denbora piloa, eta inguruko zirkuitu eta eszena alternatibo horiek altxorrak dira guretzako, zaindu beharreko lekuak. Ea laster, pixkanaka, berriro martxa hartzen duten.
Ixo eta Putzuzuloko kantak daborduko atera dituzte, eta euren asmoa da martxo hasierarako EP berria aurkeztea. Sei kanta izango ditu, "eta kanta hauekin ahalik eta kontzertu gehien ematea izango da helburua aurten".
Garai oparoa izan zen 1980ko hamarkada Euskal Herriko rock musikarentzat. Talde ugari sortu ziren: tartean, Belladona, Matraka eta La Viuda Negra. Hiru horiek soilik emakumez osaturiko musika talde nafarrak izan ziren. Iosebe Garaialde (Iruñea, 1961) lehen bi talde... [+]
'Azken heriotza' biraren eskutik, Anestesia taldeak kontzertua emanen du larunbatean Atarrabiako Totem aretoan.
Nekea eta errelebo falta. Horixe argudiatuta jakinarazi zuen agurra Arizkun Rock jaialdiak martxoaren hasieran. Aurtengo edizioa izango da azkena; ekainaren 23an ospatuko da. Ganoraz despeditzeko gogoz daude. Zerbait berezia antolatzeak satisfazioa ematen du, baina nekatu ere... [+]
"Lan-karga arras handia da hain antolakuntza txikiarendako", jakinarazi du ohar bidez Arizkun Rock jaialdiko antolakuntzak. "Ongi hausnartuta" hartu duten erabakia da: hamar urtez halako mailako ekimena antolatzeak eragiten duen nekea dago batetik;... [+]
‘Azkena gure alde’ izeneko azken bira egingo dute taldeko Gari, Josu Zabala eta Txanpik. Irailaren 29an emango dute xehetasun gehiago.
Orain hiru urte eskaini zuen azkenengoz Vulk taldeak kontzertu bat Bilbon –azaroko emanaldi berezia kenduta–. Hiru urte non mundua eta berau habitatzen dugunok izugarri aldatu garen. Denbora honetan bilbotar laukoteak disko berria kaleratu du, Vulk ez da (Montgri,... [+]
Mutrikuko laukoteak aurre egin dio pandemiaren garai ilunari eta lana sendo eginez bueltan da, taldekide aldaketekin eta crowdfunding bidez (aupa zuek!) landutako bigarren disko luze eta biribil honekin.
2017an sortu zuten Saia Goait beste hainbat taldetan (Keike, Kraussk,... [+]
Kräter, Boa Morte, Transición, Striknina, Artaza Combat, Lavadoras Martin, Yangtze Kiang edota Kikärtor bezalako taldeetatik datoz Ander, Borja, Haza, Iker eta Jon. Ez dira musika munduan hasi berriak, eta ongi ezagutzen dute inguruetako eszena alternatiboa. Ohi... [+]
Idles Bilbora zetorrela jakin bezain pronto egin genuen plana, eta sarrerak ere berehala hartu genituen. 2021eko urriaren 14an izan zen. Kontzertua ia lau hilabete beranduago izango zen, Bilboko Santana 27 aretoan, sarrera bakoitza 25,7 euro, eta gu dagoeneko hortzak luze. Egun... [+]
Estreinako diskoa kaleratu du Donostiako Géra taldeak, hiru urtean zehar ondutako bederatzi kanta biltzen dituena. Post-rock zatikatua, erritmo hauskorrekoa, egitura klasikoetatik ihes egin nahi duena, baina abestiak hala eskatzen duenean haietara itzultzen dena. Lau... [+]
Gosaritarako kafea eta tostadak egitea, ilea orraztea, hortzak garbitzea eta makilatzea. Egunari ekiteko eginkizun sinpleak iruditu ahal zaizkionak bati, ez dira denontzat munta berekoak. Aniztasun funtzionala daukan norbaiten azalean jarriz gero konplexutasunean irabazten dute,... [+]
Javier Hernández Boni iruindarrak 58 urte zituen eta Barricada rock taldeko ahotsa eta gitarrista izan zen. Laringeko minbizia zuen eta 2018an ahotsa galdu zuen gaixotasunagatik.
Lau kantako EP batekin plazaratu ziren 2016an. Hegan aurreneko disko luzea atera dute 2019an, eta lehengo bidetik, post-rocketik edaten duten erritmo geldoko doinuak bildu dituzte –euskaraz oraingoan–, batzuetan ilunagoak, besteetan argixeagoak. Swans edota Low... [+]
Azeri-azerian iritsi zaigu Lukiek talde mungiarraren opera prima. Lau urtez zuzenekoak ematen ibili ostean, udaberrian estudiora sartu eta uda pasata argitaratu zuten Lukiek #1 izeneko diskoa. Bertan, Josu Ximun Billelabeitia (gitarra), Antton Goikoetxea (baxua) eta Christian... [+]
Lau lagun: baxua, bateria, bi gitarra eta jarrera inpostatuei ihes egiten dieten bi ahots. Eboluzio interesgarria egiten ari da Kaskezur taldea hamarkada honetan. Ihesi doaz animaliak (Mukuru, 2019) da musikari gisa egiten ari diren bilaketaren azken emaitza. Soinu aldetik... [+]