Laugarren hautesbarrutia: ezkerreko Iñaki Etxaniz garaile, bozen ia erdiak lortuta
Zuberoa, Nafarroa Beherea, Hazparne eta Biarnoko herri batzuk hartzen dituen hautesbarrutian %73,9ko parte-hartzea izan da, 1. itzulian baino ia puntu bat handiagoa. Fronte Herritar Berriko Etxaniz izango da Frantziako Asanbleako diputatua; lehen itzulian baino ia 10 puntu gehiago lortu ditu, bozen %47,92 (27.762). Beste bi hautagaiek ere apur bat gora egin dute: RN eskuin muturreko Sylviane Lopezek bozen %28,92 (16.753) eskuratu ditu eta eskuineko Resistons! alderdiko Jean Lassallek %23,16 (13.419).
Frantziako Legebiltzarrerako hauteskundeen bigarren itzulian ere parte-hartzea handia izan da laugarren hautesbarrutian, eta 2022ko hauteskundeetan baino 19,3 puntu handiagoa (%54,62).
Bigarren itzulian ere herritar gehienek ezker frontearen alde egin dute, eta garaile izan da Iñaki Etxaniz, ezkerreko Fronte Herritar Berriko (FHB) hautagaia. Lehen itzuliarekin alderatuta, 5.794 boto gehiago eskuratu ditu, ia 10 puntu gehiago. 2022ko hauteskundeetan ere Etxaniz izan zen garaile, Nupes alderdiarekin aurkeztuta, eta 19.936 boto eskuratuta. Orain, FHB alderdiarekin aurkeztuta, orduko hartan baino 7.826 boto gehiago eman dizkiote. 2022an bigarren hautagaia oso gertu izan zuen, 90 boto eskasera. Oraingoan, ordea, beste bi hautagaiak atzean utzi ditu; lehia biren artean izan ordez hiruren artean izateak eragina izan du.
Esperotakoa jazo da, eta aurreikusten zen bezala, lehian beste bi eskuineko hautagai izateak bere alde egin du. Gainera, EAJko hiru hautagaiek argitu zuten uztailaren 4ko prentsaurrekoan pertsonalki FHBren hautagaien alde egingo zutela. Ziurrenik Etxanizen aldeko botoetan ere eragina izan du, EAJri 1.128 pertsonak eman baitzioten botoa lehen itzulian, eta baliteke horietako askok ezker frontera bideratu izana bozak.
Beste bi hautagaiek ere boto gehiago eskuratu dituzte bigarren itzulian: eskuin muturreko Sylviane Lopezek 1.947 boto gehiago jaso ditu, eta Lassalle eskuindarrak 2.985 gehiago. Kontuan izatekoa da lehen itzulian lehiatik kanpo geratu zen Errepublikarrak alderdiko Beñat Cachenautek esan zuela "pertsonalki" Lassallen alde bozkatuko zuela, eta pentsa zitekeen lehen itzulian Cachenauti botoa eman zioten ia 9.000 herritarrengan eragina izango zuela. Datuek erakutsi dutenez, horiek guztiek ez dute eskuin eta eskuin muturrera bideratu botoa, igoera ez baita hainbesterainokoa izan.
Lassalle hirugarren postuan geratu da (%23,16), baina aldea estutu dio bigarren geratu den RNko Lopezi (%28,92), lehen itzuliarekin konparatuta (eskuin muturrak %25,62 irabazi zituen eta eskuinak %18,05).
Lehen itzuliko emaitzak berretsi eta hobetu ditu ezkerrak Bokale, Angelu eta Baionatik hasi eta Gixune eta Akamarre ingururaino hartzen duen bosgarren barrutian: bozen %62,64 lortuta, hogeita bost puntu baino gehiagoko aldea atera dio Batasun Nazionaleko eskuin muturrari... [+]
Ekainaren 30ean, lehen itzulian, 11.000 boto eskas gehiago lortu zituen Fronte Herritar Berria koalizioak Batasun Nazionalaren aldean. Orain, 30.000 boz atera dizkio. Parisera joango diren hiru hautesbarrutietako ordezkariak Fronte Herritar Berrikoak izanen dira.
Peio Dufau abertzaleak lehen itzuliko postuari eutsi dio eta Fronte Herritar Berriko hautagaiak irabazi ditu hauteskundeak seigarren barrutian, botoen %37,51 lortuta. Gertu izan du Christian Devèze macronista, botoen %33,62 eskuratuta, eta atzerago geratu da Victor... [+]
Emaitza ofizialak eskas badira ere, lehen datuen arabera 172 eta 192 diputatu artean lortu ditu ezkerreko FHBk, Macronen Ensemble alderdiak 150 eta 170 diputatu artean eta hirugarren kokatzen da RN, 132 eta 152 ordezkari lorturik. Lehen ministro Gabriel Attal-ek bere dimisioa... [+]
Eskuin muturra garaile izateak kultura eta gizarte mailan ekar dezakeenaren ikuspuntua partekatu dute, adierazpen bateratu baten bitartez. Guztira 94 artista eta kultur eragilek sinatu dute idazkia momentuz.
Lehen itzuliaren bezperan baino zailagoa du eskuin muturreko RNk gehiengo osoaren lorpena. Hain zuzen, azkenean, eskuin muturrari bidea mozteko asmoz, bigarren itzulitik erretiratu direlako hirugarren kokaturiko ezkerreko FHB Fronte Herritar Berriaren eta Macronen aldeko... [+]
Eskuin muturreko RN alderdia da Frantziako Legebiltzarrerako hauteskundeen lehen itzuliko garaile handia. RN alderdiak %33,15 jaso du, ezkerreko Fronte Herritar Berriak %27,99 eta Macronen Ensemble alderdiak %20,04.
Argitu da bigarren itzulirako osaketa: buruz burukoa izanen da bosgarren hautesbarrutian (Baiona inguruko eremuan) eta hiru hautagai lehiatuko dira laugarrenean (Zuberoa, Baxenabarre, Hazparne eta Biarnoko herri batzuk) eta seigarrenean (Lapurdiko zati bat). Lehiatik kanpo... [+]
Eskuin muturrari aurre egiteko bildu diren ezkerreko indarren aliantzak lortu du boto gehien Ipar Euskal Herrian. Ezkerreko aliantzak 11.000 botoko aldea atera dio bigarrenari, RN Batasun Nazionalari. Macronen Ensemble alderdia hirugarrena izan da. Fronte Popular Berria hiru... [+]
Macronen aldeko Ensemble hautagaitzako Christian Deveze kokatu da bigarren eta Batasun Nazionaleko Victor Lastecoueres hirugarren. Hiruek dute bigarren itzulirako mantentzeko asmoa.
Nafarroa Behereko zati bat, Zuberoa eta Biarnoko zati bat hartzen dituen laugarren hautesbarrutian %73ko parte-hartzea izan da (Frantziako estatukoa %65,5). Ezkerreko Fronte Popular Berriko Iñaki Etxaniz nagusitu da bozen %38,01ekin. Eskuin muturreko Batasun Nazionaleko... [+]
Bosgarren barrutiak Baiona eta ingurua hartzen ditu. %70,86ko parte-hartzea izan da barruti honetan eta Colette Capdevielle Fronte Popular Berriko ordezkaria nagusitu da bozen %32,30 eskuratuta.
Lehen itzuliko emaitzen kontaketa ia bukaturik dela, eskuin muturreko RN alderdiak %33,15 egin du, ezkerreko Fronte Popular Berriak %27,99 eta Macronen Ensemble alderdiak %20,04. Parte-hartzea %66,7ekoa izan da, azken 25 urteetako handiena.
Hendaiatik Miarritzera eta Larresorotik Sarara hedatzen den seigarren hautesbarrutian, EH Baiko hautagai bat izanen du Fronte Herritar Berriak.