Laudioko Udaltzaingoak Tubacexeko langile bati jarritako 3.000 euroko isuna epaitegira helduko da
Azaroaren 21ean izango da Administrazio Epaitegian hitzordua. Alde batean Tubacexeko grebalarietako bat egongo da, eta bestean Laudioko Udaltzaingoa. Poliziak leporatzen dio langileari hesi batzuk jartzea errepidean grebaren azken egunean eta beharginak akusazioa ukatzen du.
Urriaren 1ean Tubacexeko greba bere azken egunean zegoen, hurrengoan sinatu baitzuten akordioa ELAk, CCOOk eta Independenteek enpresako zuzendaritzarekin. Egun lasaia izan behar zena, ordea, okertu egin zen bi grebalarirentzat.
A. O. urduñarra izan zen horietako bat eta horrela kontatzen du: "Hesi batzuk zeuden ibaitik gertu botata, eta nire kide batek eta biok altxatu eta mugitu genituen. Fabrika aurrean dagoen lorategi baten aurrean geundelarik, Udaltzaingoaren auto bat agertu eta zen, espaloira igo zen gure aurrean eta polizia bat jaitsi zen -antza oso ezaguna dena Laudion- esanez ergelak ginela, hori egiteagatik grebaren azken egunean".
Adierazpen horien ostean, langilea hasi zen udaltzainarekin eztabaidatzen eta horrek identifikatzea eskatu zion: "Ez zidanez esan zertarako nahi zuen nire NANa, hasieran ez nion eman. Gero bai, eta ikusi nuen legez kanpokoa gauza bat egiten zela berarekin: gure agiriei argazkiak egin zizkion bere telefonoarekin. Hori datuen babeserako legearen kontrakoa da".
3.000 euroko isuna ez ezik, beste bi isun gehiago ere jaso ditu grebalariak, Mozal Legearen bitartez
Hori guztia 09:00ak aldera gertatu zen eta 12:00etan, ELA eta LAB sindikatuen batzarrak hasi zirenean, A.O.-k ikusi zuen hesiak errepidean zeudela. Horren ondorioz, beharginak Udaltzaingoaren egoitzara jo zuen eztabaidatzeko agentearekin. "Hain larria bazen hori, nola zen posible hesiak trafikoa oztopatzen egotea liskarra gertatu eta ordu gutxira?", galdetzen du beharginak.
3.000 euroko isuna
Handik eta hilabete eskasera, azaroan, langileak isunaren berri izan zuen. Salaketan jasotzen denaren arabera, agenteak leporatzen zion errepidea oztopatzea hesiekin, beharginak erabat ukatzen duena: "Egin genuen argazkian ikus daiteke hesiak lorategian daudela, eta ez errepidean. Guk ez genituen errepidean jarri, akusazioa faltsua da, niretzat muntaia polizialaren itxura dauka".
Ustezko arau haustea trafikoaren esparrukoa da eta Laudioko Udalak kudeatzen du. Guztira, isuna 3.000 eurokoa da.
Hori ez ezik, ez identifikatzea, errespetu falta eta labana eramatea ere leporatu zion poliziak: "Pankartak jartzeko soka batzuk eta laban bat nuen eta legez kanpoko arma eramatearen akusazioa sartu zidan salaketan".
Azken bi isun horiek, 700 eurokoa bakoitza, Ertzaintzak bideratu zituen Herritarren Segurtasunerako Legea -Mozal Legea bezala ezagutzen dena- erabilita.
Bilerak isuna kentzeko
Bai bere kabuz, zein sindikatuen bitartez, langileak alkatearen eta udaltzainburuaren ateak jo zituen eta azkenean lortu zuen eurekin biltzea, azaltzeko akusazioak ez zuela zerikusirik errealitatearekin. Dena den, udal arduradunek adierazi zioten isuna kentzea prebarikazioa izango litzatekeela eta ohiko prozedura jarraituko zutela.
Horren aurrean, langileak bi helegite jarri ditu ELA sindikatuko abokatuaren bitartez eta kasuak Administrazio Epaitegian bukatuko du azaroaren 21ean. Egun horretan bi aldeek euren bertsioak aurkeztu beharko dituzte eta epaileak ebatzi beharko du nork duen arrazoia.
Petronorreko langileek borrokarako eguna izan dute osteguna. Enpresa batzordeak deituta, lanuztea egin dute eta Barakaldoko BECen elkarretaratu dira, konpainia urteko batzarra egiten ari zen tokian. Salatu dute diru publikoa jaso arren "enplegua suntsitu" besterik ez... [+]
Enpresa jo dute egoeraren erantzuletzat, baita erakunde publikoak ere. Langile batzuek bost hilabete baino gehiago daramatzate kobratu gabe, eta ostiral honetan egingo dute manifestazio bat, ontziolatik abiatuta: ez dezatela itxi aldarrikatzeko.
Ostegun eta ostiral honetan 40 hizlari baino gehiago ariko dira EHUko Leioako campusean Lana eta sindikalismoa XXI. mendean Nazioarteko Lehen Biltzarrean. Lan munduaren eta sindikalismo eraldatzailearen erronkez eta estrategiez eztabaidatuko dute.
Lanbidek Diru-sarrera Bermatzeko Errentetako iruzurraren aurkako kanpaina jarri du martxan, eta salaketetarako buzoi anonimoa sortu du. Jaso dituen kritikei erantzunez, adierazi du buzoi hau salaketak eta jakinarazpenak ordenatzeko tresna huts bat dela. Ez du ez klase... [+]
Azken astean sindikatuak 5 heriotzaren berri izan du eta dagoeneko 26 dira Nafarroan lanean hil egin diren edo beste erkidegotan beharrean zendu diren nafarrak. Alarma gorria pizteko moduko datuak LAB sindikatuaren iritziz.
Nekazarien eta abeltzainen erreferentziazko sindikatua da Euskal Herriko Nekazarien Elkartasuna. 1976tik lanean daraman elkarte horrek 3.000 afiliatu baino gehiago ditu, eta lehen sektoreak dituen erronkak ez dira nolanahikoak. Egoera horretaz eta etorkizunari buruz sindikatuak... [+]
Azaroaren 19a komunaren munduko eguna da. Gaur oraindik ere, XXI. mendean, langile askok, hemen, Euskal Herrian bertan, ez daukate haien lanaldietan komuna erabiltzeko eskubidea. Horren adibide dira garraioko langile asko.
Komunak osasun publikoaren giltzarria dira, eta... [+]
Libertimenduzko Jardunaldiak antolatu ditu Gipuzkoako CNT sindikatu anarkistak bere egoitzan (Amara Berriko Olaeta plazan), martxora bitarte. Lehenengo jarduera abenduaren 14an izango da, eta Felix Likiniano anarkista historikoa izango dute hizpide.
Silizearen hautsak sorturiko gaitz eta biriketako minbizi kasuek ez dute etenik azken urteetan. Australian, Ingalaterran edo Espainiako Estatuan alarmak piztu dira, eta kristal-silizea duten kuartzozko sukalderako mahaiak egitea debekatzeko urratsak ematen hasi dira.
Eurostaten arabera, 2013tik 2021era bitartean, 13.530 kasu erregistratu zituzten Europar Batasunean. Teorian 2005ean debekatu zuten amiantoaren erabilera, baina mesoteliomaren sintomak ez dira agertzen hamarkada asko igaro arte. Amiantoagatik 700 pertsona baino gehiago hil dira... [+]
Suhiltzaile Gaindituak Haserre elkarteko kidea da Josu Artetxe Esperanza (Aiara, 1995) dozenaka suhiltzailerekin batera, ziurgabetasun egoera bizi du 2022ko oposizioetako araudian egin nahi duten aldaketa dela eta.
Anbulantzien zerbitzua enpresa batetik bestera aldatzeak ez duela egiturazko arazoa konponduko eta “orain arteko pribatizazioaren bidean atzera egin eta anbulantzia zerbitzuaren publifikazioari” ekiteko eskatu diote langileek Eusko Jaurlaritzari, LABek antolaturiko... [+]
Pasaiako Portuko Agintaritza eta Algeposa taldea lan arriskuen babesa ez bermatzeagatik kondenatuak izan direla adierazi du Amiantoaren Biktimen Euskal Elkarte ASVIAMEk. Osakidetzak laneko gaixotasunak ezkutatu izana salatu dute.
Altsasuko enpresak likidaziorik gabeko hartzekodunen lehiaketa iragarri zuen pasa den asteartean, 48,8 miloi euroko zorra baitu autobusen enpresak. Gaur egun 367 pertsonak egiten duten lan bertan.
Sindikatuen ustez, absentismoa ez da arazoa, “baizik eta lan osasunerako araudia errespetatzen ez duen patronala”. Patronalaren jarrera salatzeko baliatu dituzte azaroaren 7an, Bilbon, Confebaskek gai horren inguruan antolatu dituen jardunaldiak.