Laudio bederatzigarren postuan dago amiantoak eragindako Espainiako Estatuko heriotzen zerrendan
13 heriotza kontatu dituzte Aiaraldeko udalerri populatuenean. Asviamiek mozioa aurkeztuko du Laudion eta zerrendako lehen 10 postuetan agertzen diren Euskal Herriko udalerrietan.
Laudio 9. postuan dago amiantoak eragindako heriotza gehien biztanleko pilatzen dituzten Espainiar Estatuko udalerrien zerrendan, 13 heriotzarekin (70 guztira 100.000 biztanleko).
Hala jakinarazi du Asviamiek prentsa ohar baten bidez. Elkarteak azaldu duenez, Moncloa.com egunkari digitaleko kazetariek egin dute ikerketa, Europako bederatzi herrialdeetako profesionalekin elkarlanean.
Minbizia sortzen duen material horren aurka lan egiten du Asviamiek, eta nabarmendu du lehen hamar postuetan dauden udalerrietako 6 direla Euskal Herrikoak: Beasain bigarren postuan dago, Sestao hirugarrenean, Santurtzi bosgarrenean eta Barakaldo zazpigarrenean. Portugalete, aldiz, Laudioren ondoren dago, hamargarren postuan.
Elkarteak salatu du Euskal Herri osoan 748 heriotza erregistratu direla jadanik, eta 7.622 Espainiako Estatuan, azken 20 urteetan.
Mozioak udaletan
Amiantoaren erabilera 2001ean debekatu zen Europar Batasunean, baina Asviamiek gogoratu du hiri eta herrietatik ez dela oraindik material hori kendu.
Gauzak hala, elkarteak mozioak aurkeztuko ditu zerrendan agertzen diren sei udalerrietan, Laudio barne. "Udal erakundeek beharrezko neurriak hartu behar dituzte 7/2002 Legea bete eta eraikin publikoetan dagoen amiantoa 2023ko apirilerako lokalizatua izateko, 2028a baino lehen kentzen hasteko".
Enpresa batzordeak salatu du otsailaren 26tik martxoaren 3ra bitartean amiantoa agertu zela labe kalibratzailean egindako obretan eta egun horietan lanak ez zirela eten. Enpresak azaldu du ohartu bezain pronto hartu zituela neurriak.
Jose Mari Esparza idazle, editore eta ekintzaile menderaezinak bere lanerako txokoan hartu gaitu, Altaffaylla Kultur Elkartea eta Txalaparta argitaletxearen sorlekuan, liburuz inguraturik. Gaztetan 20 urtez aritu zen Luzuriagaren Tafallako fabrikan lanean eta orain berriki... [+]
Beasaingo tren lantokiko hiru nabe amiantoz kutsatuta zeudela jakin eta berrogei egunetara agerraldia egin dute Eusko Legebiltzarrean langileen eta erakundeen ordezkariek. Enpresa Batzordeko kideek salatu dute zuzendaritzak informazio "erabat eskasa" eman diela. Eusko... [+]
Laugarren dibisioko zortzigarren nabean egin diren desmuntaia lanen ondoren gertatu da amianto kutsatzea eta legez onartuta dagoena baino altuagoa izan da neurketaren emaitza. Langileei hartutako sei laginetatik lauk positibo eman dute.
Europar Batasuneko erakundeek adostuta, amiantoaren inguruko zuzentaraua aldatu eta minbizia sortzen duen mineralarekiko gehienezko esposizio-maila murriztu dute ekainean. Horretarako, funtsezkoa izan da Nantesen Tripode izeneko eraikinean frantziar administrazioko langileek... [+]
Europar Parlamentuak eta Europako Kontseiluak akordioa lortu dute amiantoaren inguruko araudia aldatzeko. Langileek mineral kantzerijenoarekiko izan dezaketen gehienezko esposizioa hamar bider jaitsiko dute. Europar Batasunaren arabera eraikuntzaren arloan 7 milioi langile daude... [+]
Legazpiko Patricio Echeverria enpresako langile ohi baten alargunari ere pentsioa onartu diote, senarra amiantoak eragindako gaixotasun batengatik hil zela onartuta.
Euskal Herriko amiantoaren biktimen elkarteak, Asviamiek, mozioa aurkeztu du gai kutsagarri horrek gehien kalteturiko Gipuzkoako eta Bizkaiko sei udalerritan. Egin gabe dagoen eta "beharrezkoa" den lan bat dela dio, "ingurumen-kutsaduragatik amiantoaren biktima... [+]
Espainiako Kongresuan aho batez onartua izan eta gero, Senatura iritsi da amiantoaren biktimei kalte-ordainak emateko funtsaren lege-proposamena. ASVIAMIE amiantoaren biktimen elkarteak azaldu duenez, %90ak ez daki indemnizazio horiek jaso ditzakeenik.
Zuzenean Espainiako Senatura igorriko dute lege proposamena, Espainiako Kongresuko Lan Batzordeak aho batez onartu baitu. EAEko legebiltzarretik abiatutako ekimen bati esker iritsi da funtsa sortzeko egitasmoa eta "bidegabekeria" batekin amaitzea du helburu.
Lan Segurtasunaren eta Osasunaren Nazioarteko Egunean, gehiengo sindikalak manifestazioak egin ditu Bilbon eta Iruñean, lan ezbeharren kopuruak gorantz jarraitzen duela eta horren atzean prekarietatea dagoela salatzeko. CCOO eta UGT ere Bilbon mobilizatu dira.
2022ko aurrekontuen negoziaketetan PSOEren eta Unidas Podemosen koalizioak konpromisoa hartu du amiantoaren biktimei kalte ordainak emateko. Espainiako aurrekontuen gaineko eztabaidetan EH Bilduk Espainiako Gobernuarekin eskuratu duen lehen akordioa da.
Espainiako Kongresuak aintzat hartu du Eusko Legebiltzarrak 2017. urtean adostutako akordioa. Akordioak funts bat sortzearen beharra adierazten du, 1950etik gaur egunera amiantoarekin harremana edukitzeagatik gaixotu eta hildakoentzako.