Lau urteko etapari bukaera eman diote Altsasuko gazteek, gurasoek eta herri plataformak
Altsasuko gazteak, haien gurasoak eta Altsasukoak Aske herri plataformako kideak hedabideen aurrean agertu dira lau urteko ibilbidean gazteen auzian elkartasuna azaldu duten guztiei eskerrak emateko. Etapa bat ixteko garaia dela adierazi dute.
Altsasuko gazteek lehen aldiz hedabideen aurrean auziaz hitz egin dute. Adierazi dute lau urteko etapa "luze eta gogorra" bukatzea erabaki dutela, nahiz eta zigorrak (batzuek lehenago besteek geroago) 2025era arte ez dituzten beteko eta "erdi askatasuneko" egoeran dauden orain. Altsasuko gazteen izenean Adur Ramírez de Aldak hitz egin du.
Lehenik eta behin, Ramírez de Aldak eskerrak eman nahi izan dizkie lau urteetan "aletxoa eman duten guztiei, edonon", eta aitortu du ezin izango dutela inoiz ahaztu eta "ezin izango dugula inoiz behar adina eskertu". "Euskal Herrian eta Estatu osoan egon diren ehunka muntaia politiko, mediatiko, judizial eta polizialetako bat baino ez gara izan", adierazi du, baina aitortu du arrazoiren batengatik, "auzi honek beste batzuek lortu ez zituzten harresiak gainditu ditu".
Atzera begira ondoko gogoeta egin du: "Prozesu osoa perspektibarekin aztertuta, jendearen, harresietatik atera gaituen herriaren lanaren, elkartasunaren eta konpromisoaren lorpen gisa interpretatzen dugu".
Gurasoen izenean Igone Goikoetxea aritu da hizketan. Batez ere kalean egin duten lana ekarri du gogora, bai herrian egindako hainbat eta hainbat elkarretaratze eta maila orokorragoan egindako manifestazio jendetsuak. Azken lau urteotan gertatutakoa bidegabekeria ikaragarritzat eta erabateko botere abusutzat jo du. Altsasukoak Aske herri plataformako kide gisa ere aritu da Goikoetxea eta azpimarratu du batzuen helburua haiek zatitzea izan bazen ere herria batuta mantendu dela lau urteotan.
📽 ALTSASUKO GAZTEEN MEZUA
Mensaje de los jóvenes de #Altsasu
⬇️ #AltsasukoakASKE #Alsasua ⬇️ pic.twitter.com/jwTxA0gpJ2
— Altsasu gurasoak (@Altsasugurasoak) January 23, 2021
Ostegun honetan estreinatu da Madrilen 2016ko Altsasuko gazteen atxiloketa eta auzipetzea ardatz dituen antzezlana La Abadia antzokian, Voxek zentsura kanpaina handia egin ondoren.
Giza Eskubideen Europako Auzitegiak ez du aintzat hartu Altsasuko gazteek epaiketa bidezkoa izan zuten aztertzeko eskakizuna. Auzipetutako gazteetako batek, Iñaki Abadek, eman du jakitera berria.
Espainiako Auzitegi Nazionalaren ebazpenean dago oinarritua erabakia eta dioenez, Altsasuko gazteak zigortu zituen ebazpenean ez zen terrorismorik aipatzen, beraz, ez administrazioak ez Auzitegi Nazionalak ezin dute terrorismoaren biktimen kalte ordainik onartu.
Estrasburgoko Auzitegiak onartu egin ditu Altsasuko kasuan kondenatu zituzten zortzi gazteetatik biren defentsek aurkeztu zituzten errekurtsoetako batzuk eta aztertuko du ea epaiketa justu bat izateko eskubidea urratu zitzaien.
Asteartean onartu diete hirugarren gradua Altsasu auzian auziperatutako Jon Ander Cob eta Julen Goikoetxeari.
Duela lau urte “batzuek” erabaki zuten lehen lerro politiko eta mediatikora eramatea, azken hamarkadetan Euskal Herriko leku ugaritan gertatu izan diren liskar horietako bat. Zazpi gazte eta herri oso bat deabru bilakatuta. Zurrunbiloaren erdian harrapatu zuen... [+]
Duela lau urte “batzuek” erabaki zuten lehen lerro politiko eta mediatikora eramatea Altsasu, azken hamarkadetan Euskal Herriko leku ugaritan gertatu izan diren liskar horietako bat. Zazpi gazte eta herri oso bat deabru bilakatuta. Zurrunbiloaren erdian harrapatu... [+]
2019ko urriaren 17an, Ertzaintzak 21 gazte atxilotu zituen Altsasuko gazteen eta Kataluniako independentziaren aurkako sententziak salatzeko Ernaik deitutako mobilizazioetan. Atxilotuetako hamabost deklaratzera deitu dituzte orain.
Giza Eskubideen Europako Auzitegian helegiteak aurkeztu dituzte auzipetuen abokatuek. Tramiterako onartzeko zain daude.
Auzipetuen egoera nabarmen aldatu delako, Altsasu Gurasoak taldeak eta Altsasukoak Aske herri plataformak ostiralero elkarretaratzeak egiteari utziko diote. Kontzentrazioei amaiera emateko ekitaldi berezia antolatu dute ostiralean.
Irteerak egiteko baimenik ez zuten Altsasu auziko bi gazte bakarrak ziren. Auzitegi Nazionaleko Espetxe Zaintza Epaitegiak hirugarren gradua ukatu die, baina 100.2 artikulua onartu.
Altsasuko auziak eragindako gertaerak izan zirela lau urte bete ziren ostegunean. Defentsek auzibidearekin aurrera jarraitzen dute. Bi auzipetuk preso segitzen dute, bostek 3. graduan eta bakarra dago aske.