“Lau urte eta ez dago epaiketarik, eta baliteke ez egotea”
Cabacas auzian instrukzio fasea amaieratik gertu dago. Gaur Polizia Nazionaleko perituek deklaratu dute bideokonferentzia bidez. Iñigo Gogoan herri ekimeneko kideek elkarretaratzea egin dute Bilboko Instrukzio Auzitegiaren parean hilabete batzuk barru, ekainean, epaileak hartu behar duen erabakiaren garrantzia azpimarratzeko. "Epaiketa egingo den edo ez den egingo", hain zuzen ere. Azken aukera hori "jendeak ez luke ulertuko, batik bat Manuk eta Finak, Iñigoren gurasoek".
Apirilean lau urte beteko dira Iñigo Cabacas Ertzaintzak jaurtitako gomazko pilota baten ondorioz hil zela. Gaur, Cabacasen senideek eta lagunek osatzen duten plataformak kezka agertu du komunikabideen aurrean. Egun, bost agente eta arduradun bat "bakarrik" inputatuta daudelako eta instrukzioa Iñigo jo zuen pilota jaurti zuen agentea identifikatzera "mugatu" delako.
Halako instrukzio luzearen ondoren, inputazio "gutxi" direla irizten dio, eta alde batera uzten dituela operazioko buruak eta arduradun politikoak. "Uste dugu ez dela horretara soilik mugatu behar, badirela operazioa prestatu eta gidatu zuten arduradunak, tiro egitea agindu zutenak, eta ankerkeriarekin jokatzea agindu zutenak. Guzti horrek izan zituen ondorioak denok ezagutzen ditugu. Eta hori ere epaitu behar da". Plataformak gogorarazi du "lehen egunetik" eskatu duela "erantzukizun politikoa ere". Erantzule politikoak, baina, "zigor gabe irtengo dira", adierazi du David Gonzalez plataformako bozeramaleak.
Ekainean epailearen erabakia
Instrukzio fasea bukatuko da ekainean eta orduan erabaki beharko du Bilboko 10. Instrukzio Auzitegiko Ana Torres epaileak epaiketa abiarazi edo ez. Epaiketarik ez izatea "jendeak ez luke ulertuko", Iñigo Gogoan plataformaren iritziz. Eta inork baino gutxiago Manuk eta Finak, "Iñigoren gurasoek ez lukete ulertuko". Egoera honek gizartean "kezkak eta galderak baino ez dituela eragiten" adierazi du plataformak: "Kasu hau urtetan luzatu da eta azkenean ezer gertatu ez zela ondorioztatzeko? Errudunik ez dagoela esateko?", esan du David Gonzalez eledunak.
Itxaropen gutxi
Grabazio bideoaren gaineko txostenean jasotako datuen berri eman dute gaur Polizia Nazionaleko perituek. Froga horiek zehaztasun asko emango duten itxaropenik ez dute Iñigo Gogoan herri ekimeneko lagunek. "Dirudienez, ez dute hainbeste argituko". Besteak beste, lekukoen arabera, "Ertzaina askok egin zutelako tiro".
Ugartekok "lotsa baino ez"
Operazioko buruak, Ugartekok, komunikabide batzuen kontra eta familiaren abokatuaren kontra aurkeztutako salaketak lotsa eragiten die Cabacasen senide eta lagunei. Grabazioetako argitalpenak eragin dioten "kalte moralengatik" egin du Naiz eta Gara agerkarien aurka eta Jone Goirizelaia abokatuaren aurka Ugartekok. "Baina badirudi bere paperak Iñigoren hilketan ez dizkiola kalte moralak eragin. Ez dugu ezer gehiago esango pertsonaia horri buruz. Lotsa baino ez digu ematen".
Justizia eske eta polizia ereduaren aldaketa eske
Iñigo Gogoan herri ekimena osatzen duten lagunak lanean jarraitzeko prest agertu dira. Justizia eske eta Ertzaintza barneko aldaketa eske. "Iñigorentzat justizia eskatzen jarraituko dugu, Ertzaintzaren baitan aldaketa eraginkor eta errealak aldarrikatzen, gomazko balen debekatua exijituz eta beste jaurtigai batzuengatik ordezkatzeko exijituz. Finean, beste polizia eredu baten gaineko eztabaida erreala eman dadila eskatzen jararituko dugu".
Apirilaren 9an laugarren urtemuga
2016ko apirilaren 9an Iñigoren heriotzaren laugarren urteurrena beteko da. "Hil zuten lekuan berriro omenaldia egingo dugu", esanez dei egin diote Bizkaiko eta Euskal Herriko jendarteari "elkartasuna adierazteko".
[Albiste hau Uriolak argitaratu du eta CC-by-sa lizentziari esker ekarri dugu ARGIAra]
Omenaldia egin diote Iñigo Cabacasi, bere heriotzaren hamargarren urteurrenean. Iñigo Cabacas Lizeranzu plaza izendatu dute Ertzaintzaren pilotakada batek hil zuen kantoia. Antolatzaileek eta gurasoek herritarren babesa eskertu dute, eta erakundeen... [+]
Apirilaren 5ean hamar urte bete dira Ertzaintzak jaurtitako gomazko pilota batek Iñigo Cabacas larriki zauritu zuenetik. Apirilaren 9an, ostera, Cabacasen heriotzaren hamargarren urteurrena beteko da, pilotakadaren ondorioz hil egin baitzen gaztea. Data seinalatu... [+]
Abenduaren 15ean Ertzaintzak artxibatu egin zuen Cabacasen hilketari buruzko barne ikerketa, eta gurasoek gutun batean adierazi dute “harridura eta atsekabea” eragin ziela erabakiak. Josu Erkoreka Jaurlaritzako Segurtasun sailburuari leporatu diote euren samina... [+]
Eusko Jaurlaritzako Segurtasun sailburu Josu Erkorekak azaldu duenez, sei auzipetuei ezin zaie ardura diziplinariorik eskatu, haietako bost (Juan José de Pablo 'Ugarteko' ertzainburua tartean) jada ez direlako funtzionarioak, eta seigarrenak, tiro egiteko agindua... [+]
Bizkaiko Auzitegiak erabaki du bi urtez bertan behera uztea Iñigo Cabacas hiltzea kondenatutako Ertzaintzako agenteari ezarritako bi urteko kartzela zigorraren gauzatzea. Ebazpenaren arabera, espetxe zigorra betearaziko diote, baldin eta Juan Jose de Pablo ertzain... [+]
Bizkaiko Probintzia Auzitegiaren epaia berresten du bere erabakiarekin Espainiako Epaitegi Gorenak. Ertzain bakarra izan zen zigortua Iñigo Cabacasen heriotzagatik.
Ertzaintzak “eraldaketa sakona” aurrera eraman ondoren, “hobera” egin duela dio Segurtasun sailburuak. Cabacasen familiak “gezurretan” aritzea leporatu dio.
Cabacas kasuko auziperatuen “inpunitatea hautsi” eta berriz horrelako gertakaririk ez izatea bermatu behar dela azpimarratu dute manifestariek. Justizia egiteko borrokan jarraituko dutela ere adierazi dute.
Paintballeko eskopetekin koloredun pilotak tirokatuz Olagibel kaleko Ertzaintzaren komisaldegia margotu du Ernaik, Cabacas auziaren epaia salatzeko.
Cabacas auziko epaia salatzeko elkarretaratzeak egin dituzte Bilbon asteazkenean eta igandeko manifestazio handirako deia egin dute. Gasteizen mobilizazioekin jarraituko dute ostegunean.
Ostegunean eman zuen epaia Bizkaiko Lurralde Auzitegiko epaimahaiak. Iñigo Cabacasen guraso, senide, lagun eta kasuko abokatuek jakinarazi dute Auzitegi Gorenean helegitea jarriko dutela.
Iñigo Cabasen heriotzagatik kondenatutako ertzainak ez du kartzelara sartu behar izango, baina lau urteko inhabilitazioa ezarri dio Bizkaiko Lurralde Auzitegiko epaimahaiak.
Iñigo Cabacasen senide eta lagunek epaiketaren balorazioa egin dute ostiralean Bilboko Kafe Antzokian deitutako prentsaurrekoan. Beraien ahotik kontatu nahi izan diote jendarteari gertatutakoa, baita nola sentitzen diren ere.
Iñigo Cabacasen heriotza argitzeko epaiketaren azken aurreko egunean, behin betiko ondorioak eta eskaerak aurkeztu dituzte alde guztiek. Hasierako eskaerari eutsi dio fiskalak: ez du deliturik ikusten eta absoluzioa eskatu du akusatuentzat. Minduta, haserre, malko artean... [+]
Urriaren 15ean ekin zitzaion Iñigo Cabacasen heriotzaren gaineko epaiketari, eta azaroaren 9an amaituko da. Orain arteko saioetan kontrajarri egin dira ertzainen gehiengoen eta kaleko testiguen bertsioak. Asteartetik aurrera adituek deklaratuko dute.