Lau gizon atxilotu dituzte indarkeria matxistagatik asteburuan
Azaroaren 25ean justizia feminista eta autodefentsa feminista aldarrikatu zituzten Euskal Herriko hamaika herri eta hiritan, baina erasoek ez dute etenik izan asteburuan: 18, 34, 35 eta 36 urteko lau gizon atxilotu dituzte, indarkeria matxistari lotuta, Tuteran, Tafallan, Errenterian eta Gasteizen, hurrenez hurren.
A25 emakumeen aurkako indarkeriaren kontrako nazioarteko eguna igaro berritan lau gizonezko atxilotu dituzte Euskal Herrian, hedabideek jakinarazi dutenez, horietatik hiru sexu erasoei lotuta eta beste bat bikotekidea jotzeagatik.
Gasteizen 36 urteko gizonezko bat espetxeratu zuten igandean, andre bati sexu erasoa egitea eta lesioak eragitea leporatuta. Eusko Jaurlaritzako Segurtasun Sailaren arabera, igande goizaldean gizonak emakumea segitu zuen atariraino, eta han egin zion eraso. Emakumearen bikotekideak, gizonezkoa ere bai, oihuak entzun zituen eta laguntzera joan zen; azken hori jo zuen atxilotutakoak. Ertzaintzak atxilotu zuen erasotzailea, eta espetxeratzea agindu zuen Gasteizko Auzitegiko epaileak.
Errenterian 35 urteko beste gizon bat atxilotu zuen Ertzaintzak, emakume bati sexu erasoa egitea egotzita. Segurtasun Sailaren esanetan, kalean egin zion eraso igande goizaldean, eta bizilagun batek eman zuen abisua. Gizonezkoa ihes egiten saiatu zen, baina ertzainek atxilotzea lortu zuten.
Tuteran 18 urteko gizon bat atxilotu zuten ostiral gaualdean, ostatu batean emakume bati sexu abusu bat egitea egotzita. Aske utzi dute behin-behinean, baina astelehenean epailearen aurretik igaroko da, Berria egunkariak jakinarazi duenez.
Horiez gain, laugarren gizonezko bat atxilotu zuten Tafallan, 34 urtekoa, genero indarkeria delitua leporatuta. Foruzaingoaren arabera, gizonak bikotekidea jo zuen AP-15 autobidean zihoan autobus batean, eta zenbait bidaiari emakumea babestera eta gizona gelditzera altxatu ziren.
Gizonei ardura hartzeko deia
A25ean indarkeria matxistaren “hamaika moduak” salatu zituzten milaka pertsonak, eta Euskal Herriko mugimendu feministak autodefentsa eta justizia feminista aldarrikatu zituzten herri eta hirietako kaleetan. Berretsi dute eraso matxisten aurrean duten jarrera: “Erasorik ez, erantzunik gabe”.
Halaber, aurtengo mobilizazioetan gizonen ardura hartzea eskatu dute: “Dagokizuen ardura hartzeko exijitzen dizuegu. Utzi erasotzaile eta konplize izateari. Azaleko diskurtsoek ez dute balio praktikan ezer ez bada aldatzen”.
Gaur egun, emakumeen eta haurren ahotsei zilegitasuna kentzen dien kulturaren arrastoak diraute, haien esperientziak isilaraziz, haien oinarrizko eskubide eta beharrak minimizatu edo alde batera uzteko joera duen sistema baten barruan. Arazo horren adibide mediatiko bat Juana... [+]
Gernikako saskibaloi taldeko entrenatzaile ohiaren aurkako epaiketa hasi da astearte honetan Bizkaiko Auzitegian. Fiskaltzak 14 urteko espetxe eskaera egin du, eta akusazio partikularrak hamazortzikoa, sexu abusuak leporatuta. Lópezen defentsak adierazi du entrenatzaile... [+]
Indarkeria matxistari buruzko testigantzak jasotzeko Instagram kontua 2024ko azaroan jarri zuen abian emakume talde anonimo batek. Espainiako Estatuan Cristina Fallarás kazetariak abiatutako #Cuentalo egitasmoan oinarritu dira. Emakumeek, testigantza anonimoen bidez,... [+]
Fiskaltzak hamalau urteko espetxe zigorra eskatu du Mario López saskibaloi entrenatzaile ohiarentzat. Akusazio partikularrak hemezortzi urtekoa eskatu du. Gernika-Lumoko Sare Feministak elkarretaratzea deitu du Bilboko epaitegi aurrean. Lópezi 1998 eta 2001 artean... [+]
.jpg)
84 urteko andrea erail zuen bere semeak urtarrilaren 3an euren etxebizitzan. Kolpeka hil zuela azaldu dute zenbait iturrik. Astearte arratsaldean egingo dira elkarretaratzeak Barakaldon eta Euskal Herriko lau hiriburutan.
Gipuzkoako Fiskaltzaren ustez, 40 urteko irakasle hondarribiarrak 9 eta 17 urte arteko hamaika adin txikikori sexu gehiegikeriak egin zizkien 2011 eta 2021 urte artean. 2021ean kartzelatu zuten, bere sei ikaslek salaketa jarri eta gero.
Getariako etxebizitza batean egin dio eraso, Segurtasun Sailaren arabera. Emakumea astero joaten zen terapia naturaleko kontsultara, eta Ertzaintza ikertzen ari da ea antzeko ekintzen biktima gehiago dauden.
Sexu erasoak 1998an hasi ziren, biktimak 13 urte zituenean. 2003an kluba utzi bazuen ere, emakumeak iaz salatu zituen sexu erasoak, Mario Lopezek taldeko entrenatzaile gisa jarraitzen zuela. Orain 18 urteko espetxe-zigorra eskatzen du akusazioak, fiskaltzak baino lau urte... [+]
Dozenaka lagun batu dira igandean Laudioko Herriko plazan, Ez zara fisioa, erasotzailea zara lelopean.
2024ko azarora bitarte 683 sexu eraso salatu dituzte, iaz baino %16,7 gehiago, Emakunderen arabera. Familia barruko indarkeria salatu duten emakumeen kopurua ere handitu da (975 izan dira), baita bikotekide edo bikotekide ohiek egindakoa ere (3.554).
Mundu osoko 70.000 gizonek baino gehiagok hartzen dute parte emakumeak nola drogatu eta bortxatu hitz egiteko txat-talde batean. Alemaniako ARD irrati publikoko bi kazetarik egin dute ikerketa urtebetez eta erakutsi dute kasu batzuetan biktimak bikotekideak, arrebak eta amak... [+]
Gipuzkoako Auzitegiak urte eta erdiko espetxe zigorra ezarri dio gizon bati, emakume bat bortxatzen saiatzeagatik. Epaiketa asteazkenean egin zuten, eta, hasi aurretik, gizonak gertakariak onartu eta akordioa erdietsi zuen Fiskaltzarekin eta akusazio partikularrarekin, zigorra... [+]
Bortxaketen kasuentzako bideratu daitekeen kartzela zigorrik gorena jarri diote senar-ohi Dominique Pelicoti; eta beste 50 bortxatzaileei dagokionez, guztiak dituzte erruduntzat jo, baina fiskalak galdetzen zuena baino apalagoak dira zigorrak. Hiru hilabetez iraun du Mazango... [+]
Hiru hilabetez iraun du Mazango auziak, Gisèle Pelicotek irekitakoa, zeineten ikertu duten urte luzez senarrak somniferoz drogatu eta berak zein beste dozenaka gizonek 200 bat aldiz bortxatu izana. 51 gizon epaitu dituzte, eta senar ohi Dominique Pelicotentzat 20 urteko... [+]
.jpg)
Bilboko ikastolako ikasle eta ikasle ohien talde batek zentroko irakasle baten partetik jasandako sexu abusuak zerrendatu ditu, eta komunikatu baten bidez salatu du ikastetxeak gizona babestu duela. Gertakariak azalera atera direnean ikastolak “beren burua zuritu besterik... [+]