Lau eguneko lan-asteari ekingo diote Britainia Handiko hainbat enpresak
Soldatak mantenduz, lau egunera murriztuko dute lan-astea Britainia Handiko hainbat enpresek. Proiektu pilotuak sei hilabete iraungo ditu eta aztertuko dute nola eragiten duen produktibitatean, langileen ongizatean, ingurumenean eta genero berdintasunean.
Ekainean abiatuko dute proiektu pilotua eta 30 bat enpresak bat egitea espero dute. Dagoeneko seik eman dute baiezkoa, tartean 140 langile inguru dituen Canon Medical Research Europe-k.
Tailerrak, tutoriak, harreman sareak eta lanaldia murriztearen inguruan egin diren ikerketak izango dituzte enpresek, lagungarri. Hainbat adituren zeregina izango da prozesu honetan aztertzea nola eragiten dion lan-aste berriak produktibitateari, langileen ongizateari, ingurumenari eta genero berdintasunari.
Islandian, “erabateko arrakasta” lortu du lau eguneko lanaldiak
Proba modura, 2015 eta 2019 artean lau eguneko lan-astea egin zuten Islandiako hiriburuko Udalean eta administrazio publikoari lotutako hainbat lanpostutan –40 ordu egitetik 35-36 ordu egitera pasa ziren, soldatak mantenduz–: denera 2.500 langilek hartu zuten parte, lanerako adinean diren herritarren %1ak. Esperimentua “erabateko arrakasta” izan dela jakinarazi zuten iaz; produktibitatea mantendu edo igo egin zen, estresa gutxitu, eta bizitza pertsonalarekin kontziliatzea erraztu zuen.
Emaitza onak ikusita, pixkanaka lau eguneko lan-astea herrialde osora zabaltzea da asmoa, eta bide horretan ari dira lanean sindikatuak eurak ere.
Valentzian, lau eguneko lan-astea bultzatzeko laguntzak
Munduko beste hainbat lekutan ere ari dira antzeko proba pilotuak egiten, Zeelanda Berrian kasu. Espainiako parlamentura eztabaida eraman nahi Más País alderdiak, eta Valentziako erkidegoan prest dute dena, soldatak mantenduz lanaldi murriztuari ekiteko. Asmoarekin bat egiten duten enpresek laguntza ekonomikoak izango dituzte, lanaldia murrizteagatik izango duten lan-koste gehigarria orekatzeko –hiru urtetarako 10 milioi euroko diru-poltsa du Valentziako Gobernuak, proiekturako–. Formazioa ere jasoko dute enpresek, eta helburua da langileen osasuna hobetzea, kontziliazioa erraztea eta ingurumenean positiboki eragitea.
“Lanaren etika birpasatzea beharrezkoa da, osasuntsuagoa izango den lan eredu baten bidean”, esan dute Gobernutik.
Kopenhage, 1974ko abenduaren 18a. Eguerdiko hamabietan ferry bat iritsi zen portura eta bertatik 100 Santa Klaus inguruz osatutako taldea lehorreratu zen. Antzara erraldoi bat zeramaten haiekin. Asmoa “Troiako antzara” moduko bat egitea zen, eta, hirira iristean,... [+]
Aurrekontuak eta urteko kontuen itxiera, ez da besterik urteko garaiotan; etxeko ekonomiatik hasita, partekatzen ditugun espazio sozioekonomiko gehienetara. Enpresa handiak hasi dira kalkulagailuak ateratzen eta 2025ari begira asmo handiak martxan jartzen. Erakunde eta eragile... [+]
Garraio sektorean aritzen diren hamabi behargin hil dira aurten. LABek azaldu du garraio sektorean gertatzen diren heriotzak “erabat saihesteko modukoak” direla, eta horretarako borondate politikoa “besterik ez” dela behar, bai erakunde publikoen eta bai... [+]
Petronorreko langileek borrokarako eguna izan dute osteguna. Enpresa batzordeak deituta, lanuztea egin dute eta Barakaldoko BECen elkarretaratu dira, konpainia urteko batzarra egiten ari zen tokian. Salatu dute diru publikoa jaso arren "enplegua suntsitu" besterik ez... [+]
Lanbidek Diru-sarrera Bermatzeko Errentetako iruzurraren aurkako kanpaina jarri du martxan, eta salaketetarako buzoi anonimoa sortu du. Jaso dituen kritikei erantzunez, adierazi du buzoi hau salaketak eta jakinarazpenak ordenatzeko tresna huts bat dela. Ez du ez klase... [+]
Azken astean sindikatuak 5 heriotzaren berri izan du eta dagoeneko 26 dira Nafarroan lanean hil egin diren edo beste erkidegotan beharrean zendu diren nafarrak. Alarma gorria pizteko moduko datuak LAB sindikatuaren iritziz.
Astelehen honetan zendu da langilea Muskizeko enpresan, mantentze lanak egiten zituen bitartean. Zerbitzu medikuek berehala esku hartu bazuten ere, ez zuten lortu suspertzea. UGT sindikatuak lan istripu honen arrazoiak ikertzea exijitu du.
56 urteko garraiolari lesakarra hil zen lanean Irunen, kamioia kargatzen ari zela. Transportes Etxetrans enpresako langilea zen. Aurten 11 garraiolari hil dira lanean, horietariko asko, azken hau bezala, bihotzekoak jota LAB sindikatuak ohar batean jakinarazi duen bezala... [+]
Geltokiko kafetegi bateko kristalak garbitzen ari zela, hiru metroko altueratik erorita zendu da 55 urteko gizona. Aurten Euskal Herrian lan istrupuengatik hil den 54. langilea izan da.
Langilea eskualdekoa zen eta Zamalloa enpresa azpi-kontratatuarentzat egiten zuen lan.
Ostiral gauerdian atzeman zituen Ertzaintzak ustez langileak ilegalki zeramatzan bi furgoneta, Ertzaintzak uste du Europako beste herrialde batera bidean zirela, han lan egiteko. Atxilotutako gidarietako batek hamar pertsona zeramatzan furgonetan eta besteak 22.
Ezbeharretatik egun gutxitara zendu dira langile biak. LAB, ESK, STEILAS, EHNE-etxalde eta HIRU sindikatuek osatutako intersindikalak kontzentrazioa egingo du urriaren 31an Bilbon Confebask patronalaren egoitzaren aurrean heriotza biak salatzearren. Aurten 50 dira jada... [+]
56 urteko langile bat hil da Lizarran, Agralco (Agrupacion Alcoholera de Bodegas Cooperativas) biltegian lanean ari zela. 10:00ak aldera gertatu da ezbeharra, Lizarran la alcoholera moduan ezagutzen den nekazaritza hondakinen biltegian.
LAB, CGT, Steilas, ESK, EHNE eta Hiru sindikatuek salatu dituzte Nafarroan altueratik erorita hil diren hamar langileen kasuak.
Krisi egoeran idatzitako gogoetak eta lagungarri egin zaizkion tresnak jasotzen ditu Iratxe Etxebarria kazetariaren 7.300 miligramo eszitalopram liburuak.