Lau eguneko lan astea, hilabetez probaldian Valentzian
Apirileko astelehen guztiak jaiegun izango dira Herrialde Katalanetako Valentzia hirian, udalaren ekimenez. Uztailean aztertuko dituzte emaitzak.
Apirilaren 10a, Pazko Astelehena zelako; 17an Vicente Ferrer Deuna ospatzen dutelako Valentzian; Vicente Mártir eguna urtarriletik apirilera ekarri; eta Maiatzaren Lehena, langilearen eguna, astelehena da ere. Beraz, aste honetatik hasita, Valentziako Udalak bultzatuta eta eragileen babesarekin, lau astez astelehen guztiak jaiegun izango dira hiriburuan, proba pilotu moduan. Soldata murrizketarik gabe, astean 32 orduko lanaldia egingo da.
Uztailaren amaiera partera egingo dute lau eguneko lan astearen ebaluazioa. Besteak beste, hiritarren osasuna, aisialdia, mugikortasuna, kutsadura eta ekonomia izango dituzte aztergai.
Akordiorik ez EAEn, baina Jaurlaritzak aldez edo moldez ezarri nahi du
Bestelako bideak erabiliko ditu Eusko Jaurlaritzak, patronala ados jartzen ez bada ere. Idoia Mendia Jaurlaritzako Lan eta Enplegu sailburuak Legebiltzarreko pleno batean egin zuen proposamenaren iragarpena, eta Confebaskek ezezko argia eman zion oraindik ere era ofizialean proposatu ez zela. "Akordio zabala" erdietsi nahi du Mendiak Elkarrizketa Sozialerako Mahaian, nahiz eta guztiak hor ez egon –Jaurlaritza, Confebask eta CCOO eta UGT sindikatuez osatutako dago mahaia, ez gehiagorik–.
Eusko Jaurlaritzaren asmoa da, antza, Vocento taldeak jakitera eman duenez, Mendiaren sailetik proposamena egin eta Jaurlaritzaren Gobernu Kontseiluan onartzea. Lan eta Enplegu Sailaren arabera, "badira interesatu diren enpresak".
Confebaskek ez ezik, SEA Arabako enpresarien patronalak ere kexa adierazi du astearte goiz honetan. Juan Ugartek, Radio Euskadin egin dioten elkarrizketan adierazi du ez dela inola ere bideragarria izango, besteak beste, Araba esportazioetatik bizi den lurraldea delako eta egun bat gutxiago lan eginda, "lehiatzeko gaitasuna galduko lukeelako".
Sindikatuek, bestalde, mahaian ez daudenek ere, begi onez ikusi dute proba pilotua abian jartzearen ideia.
Jatorria, Britainia Handian
Britainia Handiko 61 enpresak 2022an egin dute proba pilotua, asteko lanordu kopurua %20 murriztuz (40 ordutik 32 ordura), eta guztira 3.300 langile baino gehiagori eragin die. Cambridge Unibertsitateko zientzialariak arduratu dira prozesua eta ondorioak ebaluatzeaz, eta argitaratu dituzte emaitzak: estresa nabarmen gutxitu da eta langileek diote nekea eta antsietatea txikitu zaiela, osasun mentala eta fisikoa hobetu dutela; gaixotasun bajak %65 murriztu dira; eta 61 enpresetatik 56k dio lan-aste berria mantenduko duela, horietatik 18 enpresek ziurtatu dute gainera aldaketa iraunkorra izango dela.
Lituania, Zeelanda Berria, Alemania, Suedia, Islandia, Portugal edota Japonian ere probatu izan da lau eguneko lan astea, baita zenbaitetan mantendu ere.
ELA, LAB, ESK, Steilas, Etxalde eta Hiruk herri ekimen legegilea aurkeztu dute Eusko Legebiltzarrean eta Nafarroako Parlamentuan, gutxieneko soldata propio baten alde. Lanbide arteko akordio bat lortzeko ekimen bateratuak ere iragarri dituzte. Eusko Jaurlaritzak begi onez ikusi... [+]
Arazo mentalak dituztenen kopurua haziz doa, oraindik ere estigma sozial handia dute atzean eta, horri aurre egiteko, buruko nahasmenduren bat dutenak lan mundura bideratzen saiatzen da Elkarkide, Nafarroako Parlamentuan azaldu duenez. Lan horretan jarraitzeko laguntza eskatu du.
Beharginak Excavaciones Mendiola enpresarako ari zen lanean, Construcciones Urrutia enpresaren azpikontrata. Langilearen lehenengo eguna zen sektorean lanean.
Abenduaren 16an iragarri zuen multinazionalak Nafarroako lantegiaren itxiera. Ekoizpenari “normaltasunez” ekitea eskatu die langileei Ezkirotzeko zuzendaritzak, baina sindikatuek “ezinezkotzat” jo dute. Lan Ministerioak bilera deitu du ostiralerako... [+]
Araba, Bizkaia eta Gipuzkoan, 18 eta 34 urte bitarteko gazte soldatadunen hileko batez bestekoak lehenbiziko aldiz gainditu du 1.500 euroko langa. 2010arekin alderatuta, ordea, 142 euro besterik ez da igo.
Urte berria hasi dugu, baina etxebizitza arazo oso potoloa bihurtu zaigula aspaldi honetan, hori ez da berria. Hala ere, azkenaldian zabaldu diren datuak ikusita, 2025a mugarri bat markatzekotan dela esan daiteke, eta iragar ezinak diren ondorio sozial eta politikoak antzeman... [+]
Boroa industrialdean hil zen 41 urteko I.P.C langilea, abenduaren 30ean biltegiko inbentarioa egiten ari zenean. ELA eta LAB sindikatuek, eta Jaurlaritzako Segurtasun Sailak eman dute istripuaren berri.
-(1).jpg)
The Guardian egunkariak Épernayn (Frantzia) txanpain-industrian aritzen diren migratzaileen egoera aztertu du. Ikerketak agerian utzi ditu luxuzko xanpaina-marken mahastietan lan egiten dutenen baldintza prekarioak eta legez kanpokoak.
Kopenhage, 1974ko abenduaren 18a. Eguerdiko hamabietan ferry bat iritsi zen portura eta bertatik 100 Santa Klaus inguruz osatutako taldea lehorreratu zen. Antzara erraldoi bat zeramaten haiekin. Asmoa “Troiako antzara” moduko bat egitea zen, eta, hirira iristean,... [+]
Aurrekontuak eta urteko kontuen itxiera, ez da besterik urteko garaiotan; etxeko ekonomiatik hasita, partekatzen ditugun espazio sozioekonomiko gehienetara. Enpresa handiak hasi dira kalkulagailuak ateratzen eta 2025ari begira asmo handiak martxan jartzen. Erakunde eta eragile... [+]
Garraio sektorean aritzen diren hamabi behargin hil dira aurten. LABek azaldu du garraio sektorean gertatzen diren heriotzak “erabat saihesteko modukoak” direla, eta horretarako borondate politikoa “besterik ez” dela behar, bai erakunde publikoen eta bai... [+]
Petronorreko langileek borrokarako eguna izan dute osteguna. Enpresa batzordeak deituta, lanuztea egin dute eta Barakaldoko BECen elkarretaratu dira, konpainia urteko batzarra egiten ari zen tokian. Salatu dute diru publikoa jaso arren "enplegua suntsitu" besterik ez... [+]
Lanbidek Diru-sarrera Bermatzeko Errentetako iruzurraren aurkako kanpaina jarri du martxan, eta salaketetarako buzoi anonimoa sortu du. Jaso dituen kritikei erantzunez, adierazi du buzoi hau salaketak eta jakinarazpenak ordenatzeko tresna huts bat dela. Ez du ez klase... [+]
Azken astean sindikatuak 5 heriotzaren berri izan du eta dagoeneko 26 dira Nafarroan lanean hil egin diren edo beste erkidegotan beharrean zendu diren nafarrak. Alarma gorria pizteko moduko datuak LAB sindikatuaren iritziz.