Larunbatean hiru bahitu askatuko dituela baieztatu du Hamasek
Su-etena hausteko arriskua erreala izan bada ere aste guztian zehar, adostasun batera iristeko bidean dira bi aldeak: bahitu gehiago askatuko lituzke Hamasek, laguntza Gazara sarrarazteko bidea ez oztopatzeko "promesa" egin duelako Israelek. Arabiar Ligako herriek otsailaren 27an eginen dute gailur berezi bat Egipton, hain justu, Palestinako egoerari buruz hartu beharreko jarrera amankomuna adosteko.
Su-etenaren oinarrian adosturikoa betetzen ez dela ikusirik –nagusiki, Gazara laguntza sarrarazteko bidea oztopatzen ari delako Israel–, tregoa hausteko arriskua areagotu egin da aste hastapenaz geroztik. Hala ere, Hamasek berretsi egin du su-etenarekin aitzina egiteko determinazioa, baldin eta Israelek bere betebeharrak betetzen baditu. Ostegun arratsalde honetan baieztatu du Hamasek, adosturikoari segi, bahitu gehiago askatuko dituela larunbatean, hain zuzen ere, laguntza Gazara sarrarazteko bidea ez oztopatzeko "promesa" egin dielako Israelek.
AEBetako presidente Donald Trumpek mehatxu egin die Gaza "infernu" bihurtzen utziko diola Israeli, Hamasek gatibuen hurrengo trukea egiten ez badu.
Arabiar Ligarentzat "onartezina" da Gaza husteko Trumpen proposamena
Ahmed Abul Gheit Arabiar Ligako presidentearen adierazpenak dira: "Ehun urtez borrokatu gara palestinarrak lekuz aldatzeko ideiaren aurka, ez dugu orain amore emango". Arabiar herriek aho batez hitz egin dute Gazako zerrenda hustu eta AEBk kontrolatuko luketen lurralde bihurtzeko Donald Trump presidentearen xedearen kontra. Gainera, etxera itzultzeko eskubiderik ez zaiela bermatuko adierazi zuen Trumpek otsailaren 10ean Fox News-i eskainitako elkarrizketa batean.
Otsailaren 5eko Trumpen planari segi, Jordaniak eta Egiptok hartu beharko lituzkete beren lurretatik kanporaturiko palestinarrak. Arabiar Ligak argi dauka gaur Gazako herritarrekin egin nahi duten garbiketa etnikoa bihar Zisjordanikoekin bideratuko dutela.
Otsailaren 11n bildu zen Trumpekin Jordaniako errege Abdallah II eta proposamen horri buruzko bere "oposizio fermua" berretsi zion. Erantzun gisa, Egiptori eta Jordaniari banatu dirulaguntzak moztuko dizkietela jakitera eman zien AEBetako presidenteak. Azken finean, "minibizia edota larriki eri diren 2.000 haur" hartzeko adostasuna jakinarazi zion.
Arabiar Libako herriek otsailaren 27an eginen dute gailur berezi bat Egipton, hain justu, Palestinako egoerari buruz hartu beharreko postura amankomuna adosteko.
"Hamasek gure bahituak larunbat eguerdia baino lehen itzultzen ez baditu, su-etena amaitu egingo da eta armadak gogor borrokatuko du Hamas garaitu arte", adierazi du Israelgo lehen ministro Benjamin Netanyahuk, talde palestinarrak preso trukea behin-behinean... [+]
Erakunde islamistak Israelek urratu dituen neurrien artean aipatu ditu Gaza bonbardatzen jarraitzea eta aske utzitako preso palestinarren egoera. Trumpek mehatxatu du, preso trukea egin ezean, Gaza "infernu" bihurtuko duela.
Ehunka pertsona mobilizatu ziren Maccabi Tel Aviv talde israeldarrak Gasteizen jokatu duela gaitzesteko. «Israelgo Estatuaren normalizazioari» ekarpena egiten diola kritikatu diote Baskoniaren zuzendaritzari.
AEBetako presidentearen Gazako palestinarrak kanporatzeko asmoak aurkako erreakzio ugari eragin ditu nazioarteko nahiz herrialdeko politikan, baita Alderdi Errepublikanoan ere. Gehienek "garbiketa etnikoa" sustatzea egotzi diote, baina Trumpek bere asmoa berresten... [+]
Benjamin Netanyahu Israelgo lehen ministroaren bisitarekin batera egin ditu adierazpenak AEBetako presidenteak, Etxe Zurian. Zerrendan bizi diren 1,8 milioi palestinarrak Egipto edota Jordaniara lekualdatzea proposatu du.
Urtarrilaren 30 honetan abian jarri du Israelek Jerusalem ekialderako UNRWA Palestinar Iheslarientzako Laguntza eta Lan Bulegoaren debekua. Urtarrilaren 15ean adosturiko su-etenari segi, bahituen eta presoen hirugarren trukea dute ostegun honetan.
Su-etenaren akordioarekin barnean, Israelgo armadak Netzarim korridorea ireki du. Ia urtebeteko erbestealdiaren ondoren, milaka palestinar euren etxeetara abiatu dira bidaia emozional sakonean. Trumpek gazatarrak Egiptora eta Jordaniara desplazatzea proposatu du, eremua erabat... [+]
.jpg)
Igandetik indarrean da Hamasek eta Israelek nazioarteko bitartekaritzarekin adostutako su-etena. Lehen egunean 69 emakume eta 21 nerabe askatu ditu Israelek, horietako bederatzi adingabeak, eta Hamasek hiru israeldar. Gazara laguntza humanitarioko 630 kamioi ere sartu dira.
Adosturiko puntu batzuk aldatzen saiatzea leporatu dio Benjamin Netanyahuk Hamasi, baina azken honek informazioa gezurtatu egin du berehala. Urtarrilaren 15eko arratsaldean adostutakoaren arabera, hiru fase lituzke meniak eta igandean abiatzekoa dute. Bizkitartean, erasoekin... [+]
Sindikatu abertzaleko 100 bat kidek Portuko sarrera blokeatu dute Santurtzin, eserialdi baten bitartez. Ekimen horren bitartez Palestinari elkartasuna erakutsi eta genozidioa salatu dute.
Zeresana ematen ari da Rami Younis kazetari eta aktibista palestinarraren LYD animaziozko film-dokumentala. Fikziozkoa da, Israelek inoiz okupatu gabeko Lyd hirian kokatua, zeinean ez den sekula ere britainiarren koloniarik egon, eta juduak eta arabiarrak elkarrekin bizi diren;... [+]
Gazan 2023ko urria eta 2024ko ekaina artean Palestinako Osasun Ministerioak adierazitakoa baino %40 hildako gehiago izan direla azaldu dute The Lancet aldizkarian argitaratutako ikerketa batean. Zuzeneko heriotzak soilik hartu dituzte kontuan azterketan, hau da, bonbaz edo tiroz... [+]