Larunbatean, “estatuen indarkeria eta errepresioa” salatuko ditu EHKSk Donostian
Egun osoko jardunaldi politikoaren barruan, manifestazio bat egingo du 19:30ean, Gipuzkoa Plazatik abiatuta. "Azken asteotako jazarpen polizialaren eta errepresioaren" kontra mobilizatuko dira.
Larunbat honetarako, martxoaren 16rako, egun osoko jardunaldi politiko bat antolatu du Euskal Herriko Kontseilu Sozialistak (EHKS), Donostian (Gipuzkoa). Estatuen joera autoritarioa lantzea da asmoa, eta hainbat hitzaldi izango dira horretarako: langileon eskubide politikoen aldeko borrokari buruz, inperioalismoari eta gerrari buruz, faxismoari buruz, edota hauteskunde-zikloari buruz. Egitarau zehatzaren berri eman du jada EHKSk, saio bakoitza zer ordutan eta non izango den zehaztuta.
Jardunaldiaren barruan, eta "azken asteotako jazarpen poliziala eta errepresioa" salatzeko asmoz, manifestazio bat ere izango da azkenean. EHKSk gaur argitaratu du deialdia: egunaren amaierarako, mobilizazio bat antolatu du Donostian bertan, Estatuen indarkeriari eta errepresioari aurre egin! lelopean. Gipuzkoa Plazatik hasiko da protesta, 19:30ean.
Zazpi zauritu foam jaurtigaiekin, eta hamaika atxilotu
Deialdia egitean, EHKSk gogoan izan ditu azken asteetan Euskal Herrian jasandako jazarpen eta errepresio kasu guztiak; esaterako, Tolosako (Gipuzkoa) Inauterietako kargak, Bilbokoak (Bizkaia) eta Donostiakoak zenbait futbol partidaren aurretik, Gasteizkoak (Araba) Martxoaren 3ko manifestazioan, eta abar. Karga horietan guztietan, dozenaka lagun zauritu ditu Ertzaintzak; azken hilean, gutxienez zazpi pertsona zauritu ditu foam jaurtigaiekin.
Karga horietako batzuetan hainbat pertsona hartu dituzte atxilo ertzainek. Hori gutxi balitz, aurreko astean, Indar Gorri taldearen kontrako sarekada erraldoi bat izan zen Nafarroan, eta Lapurdiko sei gazte militante atxilotu zituzten polizia-indarrek.
Poliziaren berezko izaera
Eraso horiek guztiak salatuko ditu EHKSk larunbateko mobilizazioan. Iritzi dio gertakari horiek "agerian uzten" dutela "Poliziaren eta, oro har, estatu kapitalistaren egiazko izaera". Izan ere, nabarmendu du "estatuek langile-klasea otzan mantentzeko baliatzen" dituztela "errepresio-aparatuak".
Alde batetik, "langileriaren hainbat adierazpenen aurka jardun eta Estatuaren zirkuitu formaletatik kanpo gelditzen den oro jazartzen" dute modu horretan, EHKSk seinalatu duenez. Bestetik, "Poliziaren eta epaitegien bitartez, protesta sozialaren eta antolakuntza politiko independentearen kontra egiten" dutela ohartarazi du, eta "krisi-garaian areagotzen ari den ezegonkortasuna kontrolpean mantentzeko" asmoz egiten dutela hori.
EHKSk argitu du Poliziaren "jarduteko modu hori" ez dela "polizia-ereduaren edo kudeatzaileen araberako auzi bat", ezkerreko alderdi parlamentarioek hori "saldu nahi" duten arren. Aitzitik, Mugimendu Sozialistako antolakunde nagusiak azpimarratu du seinalatzen ari den horixe bera dela "errepresio-aparatuek estatu kapitalisten baitan duten oinarrizko funtzioa".
Erreforma autoritario orokorra
"Estatu kapitalisten erreforma autoritario orokor baten aurrean gaude, bizitzen ari garen krisi-garaiari lotuta", laburbildu du EHKSk. "Langileon aurkako erasoaldi ekonomikoaren eskutik", "burgesia bere dominazio politikorako tresnak indartzen" ari dela gogorarazi du, eta horrek gutxienez bi dimentsio dituelakoan dago: "kanpo-politikan, estatu kapitalistak berrarmatzen eta gerrarako prestatzen" ari dira, eta, "barnera begira, errepresio-aparatuak indartzen ari dira".
"Joera horri aurre egitea" ezinbestekotzat jo du EHKSk, batez ere, "langile-klasearen interesak eta borrokarako baldintzak hedatzea helburutzat dutenentzat". "Estatuen indarkeria eta errepresioa borrokatu eta haien normalizazioaren kontra egin behar dugu", erantsi du.
Larunbatean pertsona talde batek Tolosaldeako Kontseilu Sozialistako kide bati eraso egin ziola salatu dute. Azaldu dutenez, "faxistei aurre" egin zien propaganda jartzen ari zirela, eta piperbeltz espraiarekin zipriztindu zuten.
.png)
Milaka gazte bildu dura Gazte Koordinadora Solizalistak (GKS) urtarrilaren 25ean Bilbon eta Iruñean antolatu dituen mobilizazioetan, "Euskal Herrian agenda belizista eta faxismoa normalizatu ez daitezen". Jendetza bildu da bi hiriburuetan gerra inperialistaren... [+]
‘Gerraren eta faxismoaren aurka’ lelopean manifestazioa antolatu du Gazte Koordinadora Sozialistak larunbatean Iruñean eta Bilbon.
Mendebaldeko agintariek gerraren aldeko apustua egin dutela salatzeko mobilizazioak antolatu ditu Gazte Koordinadora Sozialistak Bilbon eta Iruñean. Faxismoaren gorakadaren aurrean mobilizatzeko deia egin du.
Urriaren 31tik azaroaren 2ra Gazte Koordinadora Sozialistak eta Ikasle Abertzaleak-ek Gazte Topagune Sozialista egin dute Altsasun (Nafarroa). Europan eta Euskal Herrian hedatzen ari diren “proiektu atzerakoiak” jarri dituzte jomugan eta joera horiei ez dietela... [+]
"Alternatiba sozialista indartzera bidean" GKSk eta IAk eztabaidarako, hausnarketarako eta aldarrikapenerako espazioak antolatzeko beharra azpimarratu dute, eta horren baitan antolatu dute Gazte Topagune Sozialista. Ostegunetik hasita igandera arte izango da Altsasun.
“Kezkagarria” den egoera baten aurrean erantzuna “urgenztziakoa” dela dio Itaiak Bilbon egindako prentsaurrekoan. Eskuineko sektoreek matxismoa “neurri baztertzaileak” galdegiteko baliatzea salatu eta gizartean “kontzientziazioa... [+]
Istiluak izan dira Ertzaintzarekin eta Espainiako Poliziarekin Bilbon eta Iruñean. Sare sozialetan jakinarazi dutenez, gutxienez bina pertsona atxilotu dituzte batean zein bestean, eta aske daude dagoeneko.
Ekida Arte Ekimen Sozialistak arte eskola antolatu du Donostian, asteazkenean hasi eta larunbatera bitartean. Paraleloki, lau egunez, bi formakuntza saio egingo dira: muralismoari eta arte bisualei buruzkoa bata; eta antzerkiari eta arte eszenikoei loturikoa bestea. Sarbidea... [+]
Jipoia uztailaren 11ko gauean izan zen Euskaldunen plazan, eta biktima gauean bertan ospitaleratu zuten Euskal Kostaldeko Ospitalean, Baionako prokuradore Jerome Bourrierrek informatu duenez. Atxilotutako gizona behin-behineko espetxealdian dago, Baionako fiskaltzak eskatuta,... [+]
Iruñeko alkateak balorazio positiboa egin badu ere, nabarmendu du 24 eraso erregistratu eta 23 pertsona atxilotu dituztela. Baionan ere, bestetan hamaika eraso salatu dituzte.
Azken asteetan txosnen harira eztabaidaren erdian egon diren Mugimendu Sozialistako eragileek –Gasteizko GKS eta Etxebizitza Sindikatuak, eta Bilboko Luberri konpartsak– prentsaurreko bateratua eman dute ostegun goizean Gasteizen. Nahiz eta ukatu egin dituzten... [+]
GKSk kanpaldia abiatu du asteazkenean Artzain Onaren katedralean, eta mobilizazioa egingo dute ostegun arratsaldean. Ohartarazi dute Palestinako Estatua formalki aitortzeak ez duela palestinar herriaren egoera aldatuko. Kanpaldia ostiral arratsaldean amaituko dutela jakinarazi... [+]
“Desadostasun ideologikoen gainetik”, jai herrikoiek denon espazio izan behar dutela ulertuta, txosnetan GKSri eta Etxebizitza Sindikatuari Gasteizen eta Luberri Konpartsari Bilbon betoa jarri dietela salatu eta konponbidea eskatu dute 150 bat artistak. Tartean dira... [+]