Larrialdietako arreta jaso eta ospitaleratzen ez direnek 20 euro ordaindu beharko dituzte Ipar Euskal Herrian
Urtarrilaren 1ean jarri zen martxan Frantziako erreforma; ordurarte, erabilitako larrialdi-zerbitzuen arabera ordaindu behar zuen herritarrak, baina aurrerantzean 19,61 euroko gastu finkoa izango dute. Mutualitatea kontratatuta dutenei seguruak ordainduko die kostu osoa edo zati bat, baina halakorik ez dutenek beren gain hartu beharko dute ordainketa.
Osasun larrialdietako gastuen ordainketa “sinplifikatzeko” asmoz onartu zuen Frantziako Legebiltzarrak Gizarte Segurantzaren erreforma. 2022 urtea hastearekin abiatu da neurri berria: Ipar Euskal Herrian 19,61 euro ordaindu beharko da larrialdietako osasun-arreta jasotzeagatik, ondoren ospitaleratzerik ez badago. Mutualitatea kontratatuta duten herritarrei seguruak ordainduko die kostu osoa edo zati bat, baina ez dutenek (Frantziako herritarren %5 eta ikasleen %40) beren poltsikotik jarri beharko dute.
Orain arte ere herritarrek Gizarte Segurantzarekin partekatzen zuten ordainketa larrialdi-zerbitzuak erabiltzeagatik, baina behar izandako kontsulta eta proben arabera gastua aldatzen zen. Aurrerantzean denek kopuru bera ordaindu beharko dute, salbuespen batzuekin: 8,51 euroko kuota murriztua izango dute iraupen luzeko gaixotasunen bat dutenek edota bi heren baino gutxiagoko desgaitasuna diagnostikatuta dutenek, besteak beste. Gainera, zerbitzuak ordaintzetik salbuetsita daude haurdunak, sexu-indarkeria jasateagatik joan direnak, beren organoak emateari lotutakoak eta ezintasun-pentsioa jasotzen dutenak.
France Inter hedabideak jakinarazi duenez, ez du aldaketarik eragingo administratiboki; soilik fakturak bidaltzea azkartuko du, ez delako pertsona bakoitzaren zenbatekoa kalkulatu beharko. Frantziako hedabideak jaso duenez, Arretako Zuzendaritza Orokorrak dio orain arte tramiteak korapilatsuak izaten zirela, eta askotan zailtasunak izaten zituztela fakturak behar zen pazienteari bidaltzeko, eta, beraz, diru hori ez zela eskuratzen. Espero dute erreformarekin 35 milioi euro irabaztea.
Larrialdietara joatea “bi aldiz pentsatzeko”
Frantziako Ospitaleen Federazioko Cécile Chevance kideak France Interri kezka adierazi dio: “Gobernuak larrialdiak arintzen laguntzeko erabili nahi du neurria, eta hara joatea behar-beharrezko ez dutenek bi aldiz pentsa dezaten bultzatuko du”. Izugarria deritzo mutualitaterik ez dutenengan eragin lezakeena, alegia, ordaindu behar izateagatik osasun arreta jasotzea atzeratzea.
IMQ osasun enpresa pribatuak “baldintza ekonomiko esklusiboak” eskaintzen dizkie unibertsitate publikoko milaka langileri eta beren familiei, %15eko beherapenarekin “gutxienez”. Urteak dira unibertsitate publikoak osasun aseguru pribatuen eskaintza... [+]
Gizartea kontzientziatzeko eta informatzeko kanpaina bat abiatu dute LAB, CGT, STEILAS, ESK, CNT eta LSB-USO sindikatuek, Nafarroako Osasun Plataformak eta Osasun Publikoaren Aldeko Herri Plataformak.
Milaka pertsona elkartu dira larunbat honetan Araba, Bizkaia eta Gipuzkoako hiriburu bakoitzean,“osasun publikoaren narriadura, desegitea eta pribatizazioa” salatzeko. Osakidetzako aurrekontuaren %25 Lehen Mailako Arretara bideratzea eskatu dute.
Osasun publiko eta kalitatezkoaren aldeko manifestazioak izango dira larunbat honetan. Eguerdiko 12:00etan Gasteizen eta Bilbon, eta 17:00etan Donostian.
Nafarroako Osasun Plataformak salatu du osasun sistema publikoa gainbeheran dagoela eta pribatizatzen ari dela.
Bilbo, Donostia eta Gasteizen mobilizazioak egin dituzte larunbatean, Osasungintza Publikoaren Aldeko Herri Plataformek deituta.
“IMQ Institutu Mediko Kirurgikoak Unibertsitateko langileen eskura jartzen du beren osasun-aseguruak prezio merkeagoetan kontratatzeko aukera”. Horrela dio EHU Euskal Herriko Unibertsitate publikoko langileek administraziotik jaso duten mezuak, ARGIAk eskuratu duen... [+]
Bilbon, Donostian eta Gasteizen egingo dituzte mobilizazioak osasungintza publikoaren aldeko herri plataformek. Salatu dute itxaron zerrendak murrizteko jendea klinika pribatuetara bideratzea “negozio biribila” dela gobernuentzat, pribatizazioa bultzatzen ari... [+]
Naiz eta El Diario Vasco agerkariek eman dute berria. Eskuratu duten informazioaren arabera, Osasun Sailak plan bat prestatu du ebakuntzetako itxaron zerrendak murrizteko. Bi adar nagusi ditu planak: batetik, ospitale publikoetatik gaixo multzoak bideratuko dituzte ospitale... [+]
Josefina Arregi Klinikaren irekieran Gorka Urtaran jarduneko alkatea ere egon da.
CCOO, UGT, CEOE, CEPYME eta AENCeren arteko akordioa salatu du Nafarroako Osasun plataformak. Akordioaren xedea da gaixoen baimen arruntak mutualitateek kudeatzea.
Mila lagun bildu zituen larunbatean Irunen Osasun Bidasoa plataformak. Bidasoaldeko osasungintza publikoaren "okertze progresiboaren aitzinean" arrapostu bat galdegiten diote Eusko Jaurlaritzari. Osasun zerbitzuen gainbehera, hogei urteotako inbertsio eta aitzinikuspen... [+]
Tolosaldea Osasun Publikoaren Alde plataformak deituta, bi mila lagun atera dira kalera, antolatzaileen arabera. EAEko gainerako eskualdeen pareko osasun zerbitzua aldarrikatu dute. Greban dauden Asunción ospitaleko langileak ere batu dira mobilizaziora.
LABek jakinarazi du, Iruñean eginiko prentsaurrekoan, Nafarroako Gobernuko Osasun Departamentuak IdiSNA fundazio pribatuaren esku utzi duela osasun ikerketa publikoaren kudeaketa. Sindikatuari bidalitako salaketa anonimo baten bitartez jakin dute akordioaren berri... [+]